Ślonskie fanzolynie

[frosch]

no to jak czytocie 8) :lol: to wom zas cos podciepna ....


---------------------------------------------------------------------------------------------
Roz we drogeryji stojom w kolyjce chopy i jedyn godo do drugego:
- Przepraszam pieknie, Pan tez po-lak??
- Njy jo po gruntfarba...


-----------------------------------------------------------------------------------------------


Umar baca i klupie do swjyntego Pytrusa. Tyn go wito i zaros poznol ze baca bardzo porzondny chop za zycia bol, i pado:
- Za to coscie baco taki porzondny byli mocie sam jedne zyczynie do wyrazynio i wom Pon Boczek spelni. Baca godo:
- Chciolbych co by Pon Boczek wybudowol autobana prosciutko ze Zakopanego az do Chicago, coby gorale nie musieli ze przesiadkom tam jechac.
Swjynty Pytrus poszol i za chwila prziszol i pado:
- Baco, to je kopotliwe zyczenie, bo wiela przeszkod stoji na drodze do realizowanio tego zadania. Wymyslcie sie cos inkszego.
Baca chwilka pomyslol i pado:
- W takym razie chciolbych, coby chopy znali mysli od babow.
Poszol swjynty Pytrus i za chwilka prziszol i pado do bacy:
- Baco powjydzcie mi jako szyroko mo byc ta autobana??


-------------------------------------------------------------------------------------------


Anglik udowodnio Slonzokowi, ze jego szpracha jest nojciynzejszo:
- Na prziklad u nos kryklo sie Shakespear, a czyto sie Szekspir.
- To je wszysko nic. Na Slonsku kryklo sie Bolka, a czyto sie Rzymla!
A Gorol godo:
- To jeszcze nic, u nas pisze sie Boleslaw Prus, a czyta sie Aleksander Glowacki


-------------------------------------------------------------------------------------------------

[bodzio_g]

Dziynki Frosiu za wice - prosza dalij...

Dziś Swiynto górników...

Patronka


Tompnyło?

W bifyju ze strachu
Zadzwoniły szklonki,
Bajtel na klinie
Zapłakoł blank cicho,
Oczy na łobroz
Górniczyj patronki,
Serce jak gołomb
Nigdy niy śpi licho.
Myśli ku grubie
Echo gibkich krokow,
Płomiyniym świyczki
Prośba w gora leci,
Chroń przed niyszczynściym
Na dole kamratow,
Pilnuj Barbaro
Gornikow –Twe dzieci.


autor - G O R O L

[bodzio_g]

Prośba do św Barborki

Uzaśki sie lynkom
jak Barborka idzie,
bo srogo wypadkow
zaś na grubie bydzie.
Piyrwej starzi ludzie
na Ślonsku godali,
że to łod Barborki
łopieka dostali.
Niy ma nic za darmo
na ziymi czy niebie,
berkmon to rozumi
jak je we potrzebie.
No bo dostoł wongiel
kerym mo fedrować,
a swoja robota
cynić i sznować.
Barborka mu za to
dycko pomogała,
łod czasu do czasu
coś zrobić musiała.
Jak ji brakło wojska
na wysokim niebie,
brała se górnikow
na słożba do Siebie.
Beztoż przed Barborkom
łokropnie sie boja,
że mój chop czy synek
pójdom chnet do woja.
I prosza Barborka
żeby ich niy brała,
przeca tych wojokow
i tak doś dostała.
Łona niy popuści
i na ziymia kuko,
robotnych ze ślonska
do pomocy szuko.
Barborko, Barborko,
tu je doś siyrotow,
chocioż wszystkim pszajesz
zostow naszych chopow.

autor - Renia S.

[bodzio_g]

Mikołaj



Jedzie Mikołaj na saniach z miechym,
Wiezie dlo dziecek z Nieba prezynty,
Toż lecom wszyscy wartko, z uciechy,
Że ich odwiydzo tyn Biskup Świynty.



Choć mo nie jedyn wontpliwość w głowie
I majom taki niepewne miny:
Co tyż Mikołaj w tym miechu chowie?
Mo tam bombony, czy oszkrabiny?



Toż Mikołaju, proszymy Ciebie:
Dej latoś wszystkim dzieckom po szkloku,
A potym dziwej sie na nich w Niebie,
Czy bydom lepsze w tym nowym roku.

autor - Fojerman

[bodzio_g]

Pisze mały Ecik do św. Mikołaja :
- przyślij mi Mikołaju braciszka , tak bardzo bych chcioł mieć braciszka
odpowiedź od Mikołaja :
- przyślij mi nojpiyrw twojom mamusie... :o :wink: 8)

[DPS]

Wesołych Świąt, błogosławieństwa Dzieciny, radości i uśmiechu w każdym dniu nadchodzącego roku, słońca i pogody ducha, ciepła rodzinnego, hartu ducha, wsparcia bliskich i radości dawania i wspierania serdecznie życzy

Wasza DPS


http://www.ikb.poznan.pl/stuknauk/aktual_rys/boze_narodzenie.jpg

[jea]

http://images32.fotosik.pl/421/dca0972a994357f5med.jpg

[frosch]

W dzień Bożego Narodzenia ,
radość wszelkiego stworzenia,
więc niech pełnia tej radości,
zawsze w sercach waszych gości.
zyczy Frosia z Froschem

http://gendpol.files.wordpress.com/2007/12/weihnachten.jpg

[Tedii]

W tyn wiecór sie wszyjscy gromadzą przy stole
ślązoki,poloki i inksze gorole
i matka i łojciec z bajtlami przy boku
i starzyk z ołmą przy żyleźnioku.

Niech śwynty Mikołaj na puklu w miechu
przyniesie Wom szczynście i kupa uśmiechu.
zdrowia i ciepła nawet w śnieżyca
tego wszystkigo Wom w Święta życa.

[bodzio_g]

Niech Was te Dziecióntko rónczkóm błogosławi,
szczynści niech prziniesie, we zdrowiu zostawi,
a tyn Nowy Roczek niech Was tyż obdarzi,
uciecha niech niesie i niech sie Wóm darzi
życzy bodzio_g

[gabula]

A jo wom winszuję, panie gospodarzu,

Z waszą panią i z waszymi domowymi:

Żeby się wom darzyło w komorze i w oborze,

A w każdym kątku po cielątku,

A pod gęsią młodych sto.

Miejcie moc pieniędzy,

Nie znejcie nigdy nędzy.

Wszystko niech wom mały Jezusek do,

Co za kolybke żłóbek mo.

[frosch]

Bowcie sie fajnie, bo na to idzie
Za pora godzin „Nowy Rok” bydzie
Pijcie z umiarym a niy za wiela
By niy mieć kaca - powiym Wom tela

Tego kożdymu życza jo , ta Frosia , co fanzoli gupoty :D

[bodzio_g]

Piyknie Frosiu fanzolisz :D :D
a jo Wom wszyskim życza w tym Nowym Roku

12 miesiycy zdrowio,
52 tygdni szczynścio,
8760 godzin pszanio,
525600 minut spokoju duszy
i 31536000 sekund realizacji swoich marzyń (plus 1 sekunda w podarku łod naszyj Ziemi , bo sie pierona opóźnio :wink: ).

[DPS]

http://www.blogi.szkolazklasa.pl/privefiles/blog-2093/Ala-nowy%20rok.gif

Wszystkiego najlepszego w całym przyszłym roku!!!

[bodzio_g]

Dwa chachary


Spotkały sie dwa chachary,
wtoś te klachy po wsi niesie,
kajś na banchowie w Rybniku
potym we cugu w Ekspresie.

Jedyn łoszust, drugi złodziyj,
obaj łokropnie pragliwi,
jak i jedyn, tak i drugi,
w swoji robocie kapliwi.

Jedyn ze gupoty ludzi
cołkiym sie zbogacioł,
drugi dycko siyngoł po to,
co tyn piyrszy stracioł.

Jedyn chodzioł yno bez dziyń
znanymi bez sia drogami,
drugi zaś yno po ćmoku
w kupie z ciymnymi typami.

Jedym mydloł gały ludziom,
pomoc deklarowoł,
drugi za to broł jak swoji
a nic nie darowoł.

Chocioż myśleli że cwani,
podwinyły im sie szłapy,
bo wpadli jak śliwka w kompot
prosto w policyjne łapy.

autor - Renia

[bodzio_g]

Z pamiyntnika młodygo karlusa

Zima

Downij to były zimy ...
Mrozy po 20 - 30 stpni sniega po 1,5 metra
Kole mnie był stowek na wktórym jeszcze przed pamietnymi mistrzostwami świata w Katowicach grywalimy se w hokeja. ślizgalimy sie na butach abo na takich przykrencanych do butów łyżwach, krążek był ze sęka a kije ze leszczyny lub wiyrzby . Jo mioł pora lot, jak żech piywrszy roz zapiął takie łyżwy . Ino żech sie ruszył na lodzie i jużżech leżoł jak orzeł na plecach , a gwiozdek żech widzioł wiyncyj niż w całej galaktyce. Do chałpy żech dłużyj szedł niż do szkoły co była o wiele dalij i pod górka. Za pora dni to już żech piruety robił i podskoki i nawet gole strzyloł w meczach . Potym żech wypożyczył hokejówki z SKS-a ( o 3 numery za duże ) i wtedy to jużech był jak dzisiejszy Czerkawski ino nie lokaty. Problem miała mamusia bo ...bardzo późno żech wracoł z ...treningów :wink: 8) bo przy szkole lodowisko było oświetlone.

Echh - downij to były czasy i ...mrozy że nawet cap przymarzoł do kozy

lokaty - z pokręconymi włosami - posiadający loki

[Tedii]

Te łyżwy przykręcane to były korbloki,bo była do nich tako korba.
Późni pojawił sie nowszy model: półkorbloki,co to w pięta sie wsadzało a ino z przodku przykręcało na korbka.
Fajne czasy ,ale wola moje hokejówy. :wink:

[bodzio_g]

dobrze godosz Tedii... korbloki to beły


Życzynia dlo dziadkow

Starka, starzik, babcia, dziadek,
rozmańcie ich nazywomy,
bez Nich było by markotno
radzi my som że ich momy.


Piyrwej starzik jak dziadzisko
od kryczkom we brelach chodzioł,
dzisiej je trocha inaczyj
dziadek sie cośik łodmłodzioł.


Starka tyż niy ma do zadku,
wyglondać jak wnuczka bydzie,
komórka ciuchy z butiku,
bo z postympym naprzod idzie.


Chocioż zdrowi niy te same
toż łokropnie sie starajom,
sanatorjum czy wywczasy
obcykane przeca majom.


A wiela s nich jeszcze robi,
na etacie czy zlycyniu,
bo Łoni som pełni życio
i nie zawadzajom żodnymu.


A jak przidzie co do czego
wnukow samych nie łostawiom,
dycko jakiś grosz s pyndzyji
na życi dzieckom łostawiom.


Mieć takich starzikow doma
po cichu sie młodym marzi,
dziadek bajtli prziwachuje,
babcia zaś łobiod nawarzi.


Toż starziki trzimejcie sie!
nich Wom dycko szczyńści sprzijo,
niech Wom wnuki gorko pszajom,
a życi w pokoju mijo.

autor - Renia S.

[frosch]

jo mialach figurowki :P :P :P
biole, skorzane , samach zech sie je pastowala .....tata sie wnerwiol bo durch byly stympione , jo smigalach w nich bele kaj , nawet po chodnikach :oops:
rada bulach , ze robiul we hucie i mog mi je oszczic :lol:

Klachule!

Dwie sonsiadki sie spotkały
I łod rana już klachały
Obgadujom ludzi w koło
Bo to przeca jest wesoło

Sie dowiedzieć co kto robi
Kogo bajtel juzaś zgobi
Kery chop za dużo pije
Kero baba chopa bije

Obgadujom - wymyślajom
Uszy już czerwone majom
W gymbie sucho, niy ma śliny
I niy skończom bez prziczyny .

to nie je o mie , nie , nieeeee..... :roll: :wink:

[bodzio_g]

Ślonski jynzyk - jak my kejś godali.

Lata tymu mieli my metalowe miski i tygliki,
we biksach trzimali my sicherki i szpyndliki,
do krałzów zbiyrali my bonte knefliki,
na babki godali my starki, na dziadków starziki.
Łone były dziołchy, my byli chopcami
taki to boł podział miyndzy nami,
dziołchy mieli dugie wosy, chopcy krótkie i szajtle
a łogólnie godało sie na nos bajtle.
Bombony to mieli my kopalnioki
na kere godali my tyż szkloki,
przyndza i nici mioł kożdy w doma
sztopfnadla i hyknadla miała kożdo Oma.
Matki sztrikowały nom mycki, glazyje i zoki
co lepszo hyklowała szajbki, gardiny i boki.
Fuzekle sie wtedy jeszcze sztopowało,
mydłym ze gruby mył kożdy swoji ciało.
Gardiny my szpanowali u ciotki Eriki
po żur my łazili do starki Mariki.

Choć godka sie zmiynio, niekierych słów już niy ma
to Hanys tukej miyszko już łod pokolynia
ta ziymia toż przez wieki zawsze naszo była
Ślonsk łostanie Ślonskym - w tym jest Jego siła!

autor - Mały -Andy

[bodzio_g]

Dzisiejszo biyda

Biydy sie naszyj wstydza,
Tato, idź do roboty,
Prziniyś trocha piniyndzy,
Kupisz sie nowe galoty.

Mamie kupisz tysz kiecka,
Bo mie tam nic nie trzeba,
Ale dlo modszych braci,
Leberwuszt bydzie do chleba.

Kaś twoje zdrowie straciył,
Tato juzaś cie dusi,
Rano pognom na hołda,
Czasym zjeść sie coś musi.

Syn tak z łojcym rozprawioł,
To nie sprzed wojny godka,
Pora miesiyncy tymu,
Z dialogym tym żech sie spotkoł.

Na Ślonsk sie biyda wcisko,
Biydniejom familoki,
Czasy już nie tak przychylne,
Niy takie jasne obłoki.

autor - Krzysztof-Gorol.

[joaz]

Weszłam na stronkę przez przypadek ale dzięki Wam wróciły wspomnienia ze Śląska, gdy będąc dzieckiem spędzałam wakacje u dziadków. Do dzisiaj śląska mowa kojarzy mi się z miłymi chwilami. Pozdrawiam ciepło :)

[bodzio_g]

Joaz - zaglondej tu gynsto... :wink:

[bodzio_g]

Walentynkowo moda



Prosza mje tu nie czarować,
na to jo żech je za staro,
nie znom sie na boznach chopie
licho byłaby s nas pora.

W ślypia zaglondać niy byda,
chocioż jak frelka sie czuja.
przestoń godać, że mi pszajesz,
no bo trocha sie gańbuja.

Możno zgodza sie na kino,
abo na szpacyr po ćmoku,
chociaż wiym, że takich jak jo
mogesz mieć pora na boku.

Tyś samotny, baby szukosz
jo tyż popszoć jeszcze umia,
a tyn pukiet skuli czego ?
Oświadczyny!!!! To rozumia.

Walentynki, Walentynki,
kożdy ło nich yno godo,
że do młodych je to moda
nom starym tyż sie podobo.


autor - Renia (ale nie naszo forumowo )

[bodzio_g]

Babski świynto


Je taki jedyn dziyń we roku,
jak mi sie kryncom płaczki w łoku,
mój ślubny przeca dzisiej pamiynto,
że jego baba mo wielki świynto

Kupi mi róża czy tulipana,
jo mu dom kusku postawia szampana,
kawa czy piwo se wypijymy
i tak we dwójka siedzieć bydymy



A łon nawijo jak nakryncony,
jaki to dobry dlo swoji żony,
że mje tak pszaje jo tymu rada,
ale tyż myśla jak kożdo baba


Że jakiś cel w tym chyba mieć musi,
bo niy po darmo tak godkom kusi,
że ni mo świynta chop niy żałuje,
przeca i Łon tak z babom świyntuje.

autor - Renia

[bodzio_g]

Inszo odmiana Pana Hilarego

"Hilary"

"Na Nojlandzie w familoku starym miyszkoł jedyn chop Hilary. Mioł łon pamiyńć pieronowo i jak ino ruszył gowom to dzieje spominoł stare: wkiedy piyrszy mioł zygarek, jak konie były na grubie - godoł - jak sie piyrze szkubie, kaj utopki w stawie żyjom, czymu łożyroki pijom, na co były biydaszyby, wkiedy rosnom wielki grziby, kaj król dycki piechty łaził, ale kaj se bryle wraził to Hilary zapomino, choć mioł je jeszcze przed chwilom. Bestoż z niyszczyńśliwom minom cołko chałpa przeszukuje i pierońsko pieronuje. Ale se niy myślcie wcale, że w tym poszukiwań szale delowka w chałpie pozrywoł. Tak to na Ślonsku niy bywo. Wiync co zrobił nasz Hilary? A dyć obyczajym starym jak to pobożno duszyczka pożykoł do Antoniczka. Tego patrona świyntego od wszystkiego straconego. Świynty drapko go wysłuchoł i tak pado mu na ucho: "Ahh... Hilary! Ty gorolu, dyć mosz bryle na kicholu!"

[bodzio_g]

Czekajonc na Wiosna


Prziszła po cichu, nikt niy zauważył,
niy chce rozgłosu, powitań, oklasków.
Dawołech pozór, czekołech na straży,
niy społech wcale, do samego brzasku

Przeszła kaś obok, ale cołkiym blisko,
coś mie musnyło, ciepłe luftu tchniynie,
kaś ptok zaśpiywoł, cosik w łoczach błyskło,
i nagle prziszedł spokój, ukojynie.

Choć punktualnie zjawiosz sie co roku,
zawsze ta sama, młodo i radosno,
czekom – stynskniony twojigo uroku
i byda czekoł. Bo ci pszaja WIOSNO!

śp. Giyniek 2004

[bodzio_g]

PRIMA APRILIS.


Myśla, że wszyjscy pamjyntajóm,
wróble ło tym na drzewach ćwiyrkajóm,
że szczególny dziyń dzisioj mómy,
uciecha mo kożdy – łod bajtla aż do omy.

PRIMA APRILIS łón sie nazywo,
w tym dniu możesz przeżyć na żywo,
że już z rana wtoś cie zrobi za bozna –
bo 1-go kwietnia „za cepa” robić można.

Jako, że tak to już je łod wjeku,
tóż weź sie to „ze szpasym” czowieku,
uśmiychnij sie i niy nerwuj sie zaro.....
by niy znikła nóm ta tradycja staro.


autor - Andy

[bodzio_g]

Wielkanoc 2009

Piykno wiosna , pogoda , trzy dni wolnygo ...
Handlyrze wielki utarg na świynta, bajtle uciecha ze śmiergustu, my trocha postu a potym wielko wyżerka , baby nowy friz i nowe ciuchy, chopy okazyjo do gorzołki...
Kożdy mo coś ze tych świont, ale...
Naukowcy na podstawie całunu Turyńskigo łobliczyli że :
- Pan Jezus mioł ponad 120 ran na cołkim cielie
- kolano zmasakrowane tak że ni mogł go zginać i wstawać samodzielnie po upadku
- wybity bark i nie poradzioł se z belką co wożyła ponad 30 kg
- złomany nos i ni mogł oddychać normalnie
- zalone krwią oczy i nie widzioł kaj idzie
- ze wszystkich organów jedynie serce było całe i zdrowe, bo inaczyj by nie dotrwoł do ukrzyżowanio
czy ktoś z nos pomyśloł wiela ON musioł wycierpieć ...za nas ?
czy ktoś poświęciłby sie tak samo jak ON ?
...

[3mejcie mie]

suchej, fajnie sie czyto te twoje ( wasze ) łozprowianie ale jak mom teraz to rozumieć?

[tomek1950]

suchej, fajnie sie czyto te twoje ( wasze ) łozprowianie ale jak mom teraz to rozumieć?

Jak wolisz :D

[3mejcie mie]

jo tam nie ma wiela pobożny ale nie wiym czy kożdy tak? a za te wesołe koncki bardzo wom dziękuja i byda dali wos czytoł bo mi sie to podobo a że som tak nie poradza to musza ino czytać. :oops:

[bodzio_g]

czytac to kożdy by chcioł , ale pisać to żodyn ... :roll: ( nawet wklejać żodyn...)


Wiosna przichodzi

Dziyń sie wydłużo, zima odchodzi,
Słońce zaglondo na nos z wysoka,
Kumin z ciepłowni coroz mnij smrodzi,
Koty już mrauczom wedle hasioka.

Wiosna niyśmiało przi fortce stoi,
Gryfno i modo do serc nom klupie,
Kwieciym wszelakim łonka sie stroi,
Wielkie porzondki w kożdyj chałupie.

Łokna jak żadła, zmyte dyliny,
Brzozowo mietła wartko tańcuje,
Jeszcze po praniu wyloć mydliny,
Zista sie piecze, kawa rychtuje.

Zima już zbrzidła, ciepła nom trzeba,
Wiosna na Ślonsku piyknie witomy,
Ździebko zielyni, konseczek nieba,
Na działce lauba już łotwiyromy.

A za dni pora przilecom szpoki,
Maras wypłocze dyszczyk majowy,
Nad naszom ziymiom tyncza, obłoki,
Wiosna przichodzi... pochylcie gowy!


autor - G O R O L

[bodzio_g]

Tomek 1950

Jak pisza te słowa to Tomek - komturski Warszawiok se śpi...
Ale jutro sie łobudzi i po krótki rekonwalenscencji pojedzie se do Komturii, siednie sie na ryczce i poczyto se spokojnie o naszym forumie, może i tukej tyż zajrzy ...
Fajny z niego gorol choć warszawiok, życzliwy, pomocny, kamrat niejednygo ślonzoka bo na grubie tyż robił.
Otóż tyn Tomek mioł ostatnio problem ... dostoł szlag czyli wylew.
Terozki se leży i dycho , i czeko na lepsze czasy, nale ...kożdy by tak kcioł se czekać na lepsze czasy.
Tomku - poleż se trocha w tym szpitalku, ale potym sie bier za robota , bo do Komturii zjadom sie całe masy ludzisków z Tobą pogodać i wypić jakigoś swojskigo winka abo "Specjala" abo i jako halbka.
Jo już na flaszka żech posłoł coby mi sie po drodze nie strzaskała abo ..."opróżniła" - na konto :
Gabriela Gab
02-433 Warszawa
ul. Przednia 5m6
mBank
65 1140 2004 0000 3402 2793 9103

jak ktoś chce to tyż może posłać na flaszka spirytu do ...smarowanio pleców :wink:
Tomku - mój bracik ( starszy od Ciebie ) tyż mioł wylew , tyż mioł cięcie bez cało głowa ale po ..."poru" dniach już był zdrów jak downij. Nawet mo to swoje plusy dodatnie takie jak ...przestoł kurzyć cygarety, wela na głowie mu sie lepij układo bo wzdłuż sznitki, ale som tyż plusy ujemne jak gorzołki pije ino z ...naparstka i ...seks może ino ze swoja żoną bo kożde wiynksze emocje mogom mu zaszkodzić :roll: :wink: :D
Toż pyrsk Tomku za Twoje zdrowie

[3mejcie mie]

ja wklić to umia!

Kopciuch
Downo tymu w jednyj chałpie miyszkała rodzina z trzyma cerami. Ale matka bardzij pszoła dwóm młodszym cerom, zaś nojstarszyj cerze niy przoła. Dowała ij nojgorsze roboty a potym sie jeszcze z nij śmioła, że je zmaraszono i ukopcono. Cera ta przezywali "Kopciuch". Było to fest niysprawiedliwe, bo dziołszka ta była rychtig robotno, a musiała ciyrpieć takie niyszynścia.
W tyj krainie rządzioł wtedy król, kery niy boł jeszcze żonaty. Bestoż zrobioł bal, na kerym mioł se wybrać jako piykno baba. Matka wyrychtowała na tyn bal yno dwie swoje cery, zaś Kopciuchowi w tyn dziyń dała fest dużo roboty i zakozała wyłazić z doma. Wtedy jednak dziołszce pomogła dobro wróżka, kero niy mogła już patrzeć na to wielge niyszczynście. Wróżka wyczarowała Kopciuchowi piykno kecka i złote szczewiczki, ale padała ij, że musi z balu prziść nazod jak zygor wybije dwanoście w nocy.
Jak przebleczony Kopciuch wloz na bal, to król zaro chcioł yno z nią tańcować i z nikim innym. Kiedy jednak zygor wybioł dwanoście, Kopciuch zaczął wychodzić z balu. Król go jednak niy chce puścić, więc dziołszka musi uciekać i na schodach straciyła jedyn złoty szczewiczek.
Nastympnego dnia król ogłosioł, że bydzie chodzioł po wszyskich chałpach i szukoł dziołchy, keryj pasuje zgubiony na balu złoty szczewiczek. Jak król wloz do rodziny z trzyma cerami, to matka pokozała mu yno te swoje dwie a Kopciucha wygnała do kuchnie. Król jednak usłyszoł, że tam ktoś je i kozoł ta trzecio cera przikludzić. Potym przimierzoł..... i padoł: Tyn szczewik je gynał na twoja szłapa! Chcesz być moją babą i królową?
A potym żyli dugo i szczynśliwie!
Zaś zło matka z dwiyma cerami jak usłyszały co król padoł do Kopciucha, to ze zdziwiynio i zazdrości zrobiyły tak gupie afy, czyli miny, że do dzisiej jeszcze z tymi pokrziwionymi gymbami łażą i porządnych ludzi straszą.

kajś żech to znod.

[bodzio_g]

Czopka, a galoty


Galoty, a czopka
prziszły roz ku sprzyczce,
tako wiódły godka
o chłopskij oblyczce.

Czopka sie wyśmiywo
z galot głosym srogim:
jo rozum okrywóm,
a wy yno nogi.

Na to ji galoty:
ważniejsze od złota
chróniymy klejnoty.
Ty, yno gupota.

autor - Fojerman

[vieslav33]

Zawsze cos mi mówiło, ze Flinstone to Ślązak. Teraz jestem pewien.

[bodzio_g]

Zawsze cos mi mówiło, ze Flinstone to Ślązak. Teraz jestem pewien.
no dyć to pewne ...
przeca Kopernik tyż była ślonzokiym
a Maryjka Skłodowsko z Kurie tyż...

[bodzio_g]

Łónaczyni

Downi, jak Starka i Starzik żyli,
óni do siebie sztyjc "łónaczyli".
Jo mały bajtel nic nie rozumioł,
bo jo łónaczyć jeszcze nie umioł.
Choć jo se na to fest pozór dowoł,
to jo zrozumioł co drugi słowo.
Teraz żech doros, umia łónaczyć,
i chca Wóm yno to wytłumaczyć:
nieważne, co by to miało znaczyć,
czasym se trzeba tyż połónaczyć

autor - Fojerman

[bodzio_g]

Żniwa


Słóneczko wschodzi rano na dworze,
zygor wybijo już sztwierć na szósto,
do pola idóm siyc gospodorze,
bo we rży zaczło już twardnyć kłósko.

Idóm kośnicy, jedyn za drugim,
kosy sie blyszczóm w lipcowym słóńcu,
z wszystkich strón cióngnie ogónek ludzi.
"Boże pómogej" je na poczóntku.

Za kośnikami wylazły baby,
obładowane w siatki a tasze,
niesóm do chłopów zbónek bónkawy,
a sznita chleba do ubiyraczek.

Dzieciarnia idzie im tyż pómogac,
bydzie te snopki do kozłów niósła,
a całe rżysko potym zgrabować,
coby mieć słóma tyż na powrósła.

Tak, do połednia, w słóncu, we chycu,
meter za metrym, kładóm pokosy,
pot z nich sie leje, gorko jak w piecu,
toż cióngnóm du dóm poklepać kosy.

A zaś pod wieczór cióngnie na pole
cały korowód ze wszystkich strón,
chodzóm tak dziynnie, z potym na czole,
aż pożniwujóm ze wszstkich pól.

Zwiezóm te snopki fóróm do stodół,
a do sómsieka ucisnóm fest,
coby bez zima nie ciyrpieć głodu,
a na przednówku było co jeś.

autor - Fojerman

[bodzio_g]

Tak gorko mi Dorko

Leża na dece, kole mie Dorka
w badykostiumie leży we kratka
słonce nos parzy jak ukrop z gorka
nawet za gorko jest mi we batkach

tak gorko mi Dorko
tak gorko przy Ciebie
jakbych te słonko
garnoł do siebie

Inne karlusy piwo już pijom
jo Ci szmaruja plecy niwyjom
leża se leża słonce nos praży
tu trocha trowy tam sucho glina
na moich plecach dwie waserblazy

leża se leża, pot zy mie sie leje
Dorka masuja jak ruski walec
łod smarowanio rynka mi mdleje
plynskiyż mi wyloz i boli palec
jak ino skonczy sie ta niwyja
tyż sie zimnygo piwa napija

deka- koc
batki- bielizna :oops:
niwyja- ... polski balsam do opalania :wink:
waserblaza- pęcherz od oparzenia
plynskiyż- odcisk

[bodzio_g]

Czopka
abo ślónski Hilary

Loce, tyro biydny Acik
Bo se czopka swoja stracił.
Szuko w szranku, za byfyjym.
"Kaj sie mycka moja kryje?
Możno wisi pod kabotym?"
Niy ma! Tóż polecioł potym
Do waszczisza, ku szczewikóm.
"Możno tu żech sie seblykoł?"
Nic nie dowo te lotani.Chyba dioboł siednół na nij!
Biydny nie wiy, co sie dzieje.
"Abo były sam złodzieje?"
już telefón trzimie w gości.
"Na Policjo - tak najprościj-
Trza zadzwónić. Niech mi óni
Znojdóm tego, co jóm ukrod."
Naroz zerko, z winkla kuko,
Nos przicisko tak do zdrzadła,
Aż mu mycka z glace spadła.
Och ty stary, gupi cepie,
Tyś jóm mioł na swojij łepie.

autor - Fojerman

[bodzio_g]

Szkoła



W pyndziałek stanół Franek wesoły,
że dzisiej może zaś iś do szkoły,
bo ón już chodzi do piyrszej klasy,
hefty a ksiónżki mo w pukeltaszy.

Dzisiej ślabikorz ze sobóm biere,
bydzie sie uczół ślónskich literek.
Jutro, we wtorek majóm prziroda,
pójdóm do lasa, abo nad woda.

Rachunki majóm w szkole we strzoda,
uczóm sie dzielić, mnożyć, dodować.
We sztwortek Franek mo gimnastyka,
nie trza go prosić, że mo oblykać

bluza, galotki, trampki wygodne,
bo dzisiej bydóm grać we dwa ognie.
Dyć bół dopiyro tydnia poczóntek,
a już zaś kóniec, bo już je pióntek,

z całego tydnia bydzie powtórka,
klasówka zrobi dziecióm rechtorka.
Jutro, sobota, zaś bydzie fraj,
bydzie móg lotać se bele kaj,

popuszczać drachy, skokać po strómach.
W niedziela wiyncy trza siedzieć w dóma,
zrobić zadani, iś do kościoła.
Potym od nowa zaś czeko szkoła...


autor - Fojerman

[bodzio_g]

DELETE

Siedza se przi kawie i zawiyróm oczy,
zdo mi sie tak prawie, że wónio kołoczym,
widza te posypki, tyn syr, te okruszki,
w pojszodku rózynki, że lizać paluszki...

Tak żech sie rozmarzył, ślinka oblizowoł,
żech niy zauważył, kedych wylóndowoł
pyskiym w klawiaturze, z kawóm na galotach.
Już niy byda dłóżyj siedzioł tu po nocach.

Kuba wystraszóny, wyskoczył spod stołka,
bo kawóm oblony, na łeb spadła szolka,
wierszyk skasowany, niyma go, niestety,
jo nacis, zaspany, nosym na DELETE.


autor - fojerman

[DPS]

Kochani!

Wszystkiego, co dobrym się zwie na te święta cudowne, zdrowia, łaski Bożej, szczęścia i tego, abyście zawsze mieli wokół siebie kochającą Rodzinę.
Samych jasnych dni życzy Wasza DPS.

http://www.thebscorner.com/archives/Merry%20Christmas.gif

[bodzio_g]

Moi roztomili
Niych Wom bydom dane wszystkie dobre życia dary,
szczegolnie tyj Świontecznyj chwili!
Zdrowko niych Wom dopisuje i rybka smakuje
Dary Boskie niych bydom Wom kożdy chwilki udziałym
Cieszcie sie świontecznym czasym wroz ze światym całym!
Kej już zawito Nowy 2010 Rok w nasze życia progi
Szczynście miłość, zdrowie i radość serca
Niych Wasze życie stale zdobi!
życzy Wom wszyskim bodzio_g

[bodzio_g]

Za krokiym krok szłapie stary rok,
biere starości i złe zgryzoty
Wreszcie se borok dychnie od roboty
Za progiym karlus Nowy Rok już stoi
Prziszłości nie zno, ale sie nie boi (...)

oby tyn Nowy Rok nie był gorszy od poprzednigo...
życzy bodzio

[bodzio_g]

U górnika w doma

U górnika w doma
jest szykowno żona
do klachów jest skoro
do roboty choro

Przyszeł górnik z szychty
a tu zimno blacha
bo zas górnikowo
siedziała na klachach

Cóżeś ty żoneczko
tak długo robiła
i żeś nom obiadu
wczas nie uwarzyła

Mój drogi mężulku
tak mnie strasznie morzy
i że z tej boleści
musza sie położyć


Górnik nic nie mówi
jeno biere pasa
już jo te morzysko
wyżyna do lasa

A kiedy już górnik
wygno lynia z żonki
zaś se oba pszają
jako dwa gołąbki

[bodzio_g]

Życzynia dlo dziadkow

Starka, starzik, babcia, dziadek,
rozmańcie ich nazywomy,
bez Nich było by markotno
radzi my som że ich momy.

Piyrwej starzik jak dziadzisko
pod kryczkom we brelach chodzioł,
dzisiej je trocha inacy
dziadek sie cośik łodmłodzioł.

Starka tyż niy ma do zadku,
wyglondać jak wnuczka bydzie,
komórka ciuchy z butiku
bo z postympym naprzod idzie.

Chocioż zdrowi niy te same
toż łokropnie sie starajom,
sanatorjum czy wywczasy
obcykane przeca majom.

A wiela s nich jeszcze robi,
na etacie czy zlycyniu,
bo Łoni som pełni życio
i nie dajom sie żodnymu.

A jak przidzie co do czego
wnukow samych nie łostawiom,
dycko jakiś grosz s pyndzyji
na życi dzieckom łostawiom.

Mieć takich starzikow doma
po cichu sie młodym marzi,
dziadek bajtli prziwachuje,
babcia zaś łobiod nawarzi.


Toż starziki trzimejcie sie!
nich Wom dycko szczyńście sprzijo,
niech Wom wnuki gorko pszajom,
a życi w pokoju mijo.

Sto lot, starziki sto lot !!!

autor - Renia S.

[bodzio_g]

Ósmy marca

Wszystki chopy znajóm to
I kożdy pamiynto,
Że sie kwiotka kupić zdo,
Jak baba mo świynto.

Przed kwiaciarnióm dłógo raja,
Bo świynto mo Zosia.
Kupia kwiotka, bo ji przja.
A pół litra dlo sia.

Ósmy marca - kożdy babie przaje,
Ósmy marca - niy robi ji haje,
Ósmy marca - w dóma je, jak w niebie,
Ósmy marca - ścisko jóm do siebie.
Tak ósmego marca, jedyn w roku dziyń,
Baba je we zocy, troski idóm w ciyń.

Prziszoł z szychty nazod chop
I czyto gazeta,
Ón by obiod wartko zjod,
Bo je głodny przeca.

Loce baba kole blachy,
Wartko sie uwijo,
Chop narzyko, bo je słaby,
A za dłógo było.

Ósmy marca - kożdy babie przaje,
Ósmy marca - niy robi ji haje,
Ósmy marca - w dóma je, jak w niebie,
Ósmy marca - ścisko jóm do siebie.
Dziewióntego marca, minół jedyn dziyń,
Kwiotka uschły wartko, a chop już niy tyn.

Prziszoł zaś z roboty chop,
A niy ma obiadu.
Sóm se dzisiej obiod woż,
Bo jo tyż je słabo.

Jo ci tela lot sam służa
I móm już tego doś,
Jo se na wiesiady puda,
A ty mi obiod woż.

Ósmy marca - kożdy babie przaje,
Ósmy marca - niy robi ji haje,
Ósmy marca - w dóma je, jak w niebie,
Ósmy marca - ścisko jóm do siebie.
Stanół chop przi garcach, spolół, a niy zjod,
A od tego czasu przoł ji cołki rok.

autor - Fojerman

[pele716]

Gratuluje pomysłu! Super jest ta stronka :D :D :D

[bodzio_g]

Tu nie trza gratulować ino szrajbować ;)

[bodzio_g]

W maju w lesie




Jak piyknie je w maju w lesie
wszystko wónio naokoło,
ptoszki świywajóm wesoło,
echo śpiyw po lesie niesie.

Słowik śpiywo kajś na strómie,
mrowce budujóm mrowisko,
wiywiórka przeleci blisko
i gałónzka jakoś złómie.

Chocioż widać dużo ludzi,
cicho wszyndzi, piyknie wszyndzi,
yno słychać szum gałynzi,
prziroda ze snu sie budzi.

autor - Fojerman

[bodzio_g]

Powódź w Bieruniu
Stało sie...
Przerwało wał i zaloło Bieruń, ludzie byli zaskoczeni bo zaloło nie tam kaj sie spodziywali. Zaloło Kopań i Bijasowice, miejscami nawet do 8 metrów.
Rozumim że tereny przy wołku som zagrożone , że ludzie tam nie powinni sie budować , ale to przeca urzędniki i inspektory pozwoliły na budowa na tych terenach . Rozumim że stare chałpy tam stojom już wielaś tam lot , ale wtedy plac mieli pora lub poranoście metrów wyżyj, a szkody górnicze zmiyniły krajobraz.
Nie rozumim ino po jakiymu baby z Mopsu przyszły z 16 stronicowym kwestionarjuszym do wypełniynio , kaj były pytania m in. o wysokość zarobków abo czy ktoś był karany. Może trza było tyż numer buta podać abo czy ciotka była u spowiedzi... Przeca to je ważne !! przi przyznawaniu kasy na odrestaurowanie chałpy czy gospodarstwa !!
Mnie nic nie zaloło, dlotego pomogom i prosza o pomoc dlo poszkodowanych w ich imieniu
tukej wiyncyj informacji
http://forum.muratordom.pl/showthread.php?p=4138476#post4138476

[synek z hołdy]

cześć Bodzio i cało reszta,

pierunie, już przeszły trzi lata, jak zech sam łostani roz boł. a sam sie nic niy zmiyniyło, dali siedzi taki jedyn i pisze po ślonsku ;-)

pozdrowiynia z zagranicy

jan

[bodzio_g]

Witej synecku
dyć napisz cóś wiyncyj , co kaj porobiosz....

[bodzio_g]

Pan Tadeusz po ślonsku...


Litwo! Ty Ojcowizno! Ty żeś je jak zdrowi,
Wielaś to je we wercie, tyn sie yno dowiy,
Kto cie straciył. Dzisiej gryfność twoja poznowóm,
Widza i opisuja, bo tynskno za tobóm.

Panno świynto, co Jasno brónisz Czynstochowa
I w Ostrej Bramie świycisz! Co twierdza zamkowo
Nowogrodzko chrónisz z tym bogobojnym ludym,
I mie ześ tyż ku zdrowiu prziwróciyła cudym.

(Jak mie mama ze płaczym pod Twoja opieka
dała, podniós żech martwo, malutko powieka),
Tak nas wrócisz cudym do Ojcowizny kraju,
Teraz przeniyś ta dusza moja, kero przaje
Tamtym górkóm z lasami, tym łónkóm zielónym
Szyroko ponad modrym Niymnym rozcióngniónym;
Do tych pól malowanych rozmańtymi rżami,
Złocónych pszynicóm, owsym posrebrzónych.

Kaj bursztynowy swierzop, gryka jak śniyg bioło,
Kaj sie wszyndy rumiyni kóńczyna dokoła.
A wszystko przewiónzane, choćby szlajfka miedzóm
zielónóm, na niyj rzodko ciche gruszki siedzóm.

Lata tymu, przi polu, nad przikopy brzegiym,
Na górce niewielkij, tam we lasku brzozowym
Stoł dwór od szlachcica, z drzewa, podmurowany,
Blyszczały sie z daleka wybiylóne ściany,
Tym bielsze, ze odbite od topoli ciymnych,
Tych, co osłaniajóm gród, od wiatrów jesiynnych.
Chałupa była mało, dyć wszyndy porzóndek
I miała stodoła, a za niom pora grzondek,
Trzi brogi tyż ze słómóm za stodołóm stoły,
Chyba nie zmieściło sie wszystko do stodoły.

Widać to z liczby snopków, co stojóm na polach,
widać z liczby pługów co jadóm rano orać,
Ogrómne przestrzynie, tych wszystkich pól, ugorów
Czornoziymnych, należóm napewno do dworu,.(...)

autor - Fojerman

[bodzio_g]

Mikołaju



Mikołaju, powiydz szczerze:
czy ktoś w Ciebie jeszcze wierzi?
Czy sóm jeszcze kajś na świecie
taki łatwowierne dzieci,
co dostajóm oszkrabiny?
Nie rób taki śmiysznej miny.
Wszyscy wiymy, że mosz pecha,
nie dosz rady świat objechać,
bo śniyg downo już nie padze.
Co, przijechać chcesz na quadzie?
I chcesz rynifery sprzedać?
W ZOO bydóm stoły chneda?
Taki żeś je nowoczesny?
Tóż mi prziwiyź te „plej stejszyn”.
Obejrzymy, kery lepszy!
Dioboł, padosz, je grajfniejszy?
Na to jednak sie nie skusza,
nie chca z diobłym grać o dusza.
Prziwiyź lepszy tradycyjne,
smaczne lody familijne.
Jo je grzeczny, jo Ci przaja,

bo sie boja Mikołaja.



autor - Fojerman

[bodzio_g]

Kiedy w Betlejem rodzi się Dziecię,
radość przynosi wszystkim na świecie.
Niech wraz z Bożą Dzieciną dni szczęśliwe przypłyną,
a pokój jak gwiazdka niech świeci.
Mnóstwa prezentów pod zieloną choinką,
pyszności na wigilijnym stole,
wspaniałej rodzinnej atmosfery,
wypełnionej melodią staropolskich kolęd,a także wystrzałowego, bąbelkowego Sylwestra
i spełnienia marzeń w Nowym Roku
życzy bodzio

[bodzio_g]

downo mie tukej nie było ...
obejrzyjcie se nowy projekt ślązak http://youtu.be/lXXlQuv5Sts

[bodzio_g]

Tyn projekt to trocha bez ... ikry abo bez jajec mi sie zdo ...
a może kto mo inne zdanie ?

[bodzio_g]

Filmik

Razu pewnego, chyba w niedziela,
tak kole drugij, już po obiedzie,
piykno pogoda, czasu za tela,
nie chciało mi sie w chałupie siedzieć.

Tóż ciymne brele, czopka na glaca,
bez siyń, a lauba przemykóm cicho,
kej je okazjo, wartko sie traca.
Choć staro drzymie, to nie śpi licho.

Za chwila leci w telewizorze
film o Bercikach, o "Świyntej wojnie"
i mi go baba ogłóndać koże,
a jo sie wola stracić spokojnie.

Wpadóm do szopy, dźwiyrze otwiyróm,
jak w nosie czuja bynziny smak,
to jo sie wtedy czuja dopiyro,
że sie przedy mnóm otwiyro świat.

Stary motorek mo kółka trzi,
a wiela on mi dowo uciechy,
jak robia rundka bez poła wsi
i moga prziciś mu gaz do dechy.

Ludzie mi kiwióm, auta mrugajóm,
sie oglóndajóm, a robióm zdjyncia,
widać uciecha z tego tyż majóm,
a jo se dali przed siebie pyndza.

Oroz coś mrugo na mie z daleka,
wyskoczył jakiś bioły z lizokiym,
a z zadku za mnóm wideotyka.
Nie byda godoł co było potym.

Chłop mie zaprosiył sóm do pojszodka,
padoł, że filmik mi tam pokoże,
i nawet zrobiył mi fajno fotka.
Jo osiymdziesiónt mioł na zygorze.

Filmik piynć punktów dostoł ocyna,
w dóma czekała mie wojna "świynto",
do tego "dwiesta" chciol jeszcze, świnia.
Długo tyn seans byda pamiyntoł.

Od tego czasu je żech spokojny,
oglóndóm z babóm w telewizorze:
"Klany", "Dynastie", a "Świynte Wojny",
choć słónko świyci fajnie na dworze.

Nie sóm mi zocne już te wybryki,
wola przi babie w dóma zostać
poloć ta woda, pisać wierszyki,
choć sam po uszach tyż idzie dostać.


autor - Fojerman

[bodzio_g]

Szalter

Siod se Hajnel na kómputer
Chcioł se poklikać.
Na poczóntek zrobiół butel,
Nie znod kneflika,
Kaj sie styrko to do sztrómu.
Tako bół klipa.
Potym zaczón jednym palcym
Dotykać myszy.
Dobrze, że sam ni ma dzieci,
Żodyn nie słyszy,
Co wyciyrpioł tyn kómputer,
Jak Hajnel ćwiczół,
Niż sie synek zaś naucżół,
Do wprawy prziszoł.
Teraz umi już na strónki
Pomału wchodzić,
Tóż se wloz na fajne dziołszki,
Cóż mu to szkodzi.
Pooglóndoł, podziwowoł,
Wybiyro sie spać,
Dyć, co chwila mu na nowo
Nie chcóm pokój dać.
Jak mo teraz to skasować
Ni mo pojyncio.
Nie chce dziecióm pokazować
Sagigo zdjyncio.
Tóz próbuje, kómbinuje,
Nic nie pómogo
I pómocy potrzebuje
Synka swojigo.
Synek wszystko pokasowoł,
Mamie poskarżół,
Co to tata naczarowoł,
Kaj to w nocy bół.
Prziszła mama i po lepie
Piere warzechóm
Jo ci sam, ty stary cepie,
Młode frelki dóm.
Tam ku babie pod pierzina
Roboty sie chyć.
Tam żodnego szaltra ni ma.
Tam je yno... ina, ina.

autor - Fojerman

[bodzio_g]

ŚLONZOKI I GOROLE ;)
(Przypowieść o dobrym Gorolu)

Łopowieść trza napocynać:
W imię Łojca, Ducha, Syna!
Bydzie łona o Ślonzoku,
Co jeszcze łońskiego roku,
Szystkim godoł nałokoło,
Że na Ślonsku niy wesoło
Narobiyło sie od casu,
Jak Gorole prziszli z lasu.
Z cołki Polski sie zjechali
I nom tu nawyrobiali.
Chop tyn, kiery tak przezywoł,
August Kula sie nazywoł.
Kludzioł tyz swe narzykanie
Na te gorolskie godanie,
Że po ślonsku sie mondrujom,
Ślonski godki niy szanujom,
Że som za inteligentni
I Ślonzokom fest niychyntni.
Godoł tyz że tak łod niygo
Kedy byłoby cosik zolyżnego,
To Gorole by pojechali
Tam kaj downi sie mieszkali!
Roz na wiosna, praje w maju,
Kedy ptoszki juz spiywajom,
Poszoł August w ponć, do Piekor,
A to niy ma fest daleko.
Bo tradycjo Ślonsko koże,
Do Piekor, do Matki Bożej
Iść roz na rok i porzykać,
Za siebie, za fest grzysznika.
August tam łoprócz rzykanio
Wysuchoł msze i kozanio,
A potym jak juz do dom szoł
To przygoda szpetno mioł.
Dwa chachary go chyciyły,
Po gymbie mu nawaliły
Potym nowo tasza wziyli
A zbitego łostawiyli.
Przy piekarskij leżoł drodze
August Kula zbity srodze.
I ratunku nawołuje.
Możno fto sie ulituje.
Łoroz parafiony idom,
Możno do mie dobrzy bydom?
Wszyjscy różaniec rzykajom
I do Augusta godajom:
Po coś chopie na pielgrzymka,
Wzion ze soba piwa krzinka
I naprany teroz leżys.
Cy w Ponbucka aby wierzysz?
August fest był załomany.
Przeca wcale nie je naprany.
Ale możno mu pomoże,
Chop co jedzie na motorze?
Dobry! Jada pograć w szkata
I po drodze wezna brata.
Możno inny ci pomoże?
No to trzimej sie- Szczynść Boże.
Potym jechoł chop na kole.
Pieronie! Musi cie boleć!
Pogapioł sie, pożałowoł
I dalij popyndalowoł.
Aże wrescie przejeżdzoł Gorol,
Stanoł swym wolkswagynym Pólo
I Augusta pobitego
Wsadziył do auta swojygo.
Potym zawioz do szpitala
Som na rynkach wniosł na sala
I doł siostrze dziesiynć złotych
By mu sok kupiła potym.


Moroł z tego taki płynie,
że Ślonzoki i Gorole
Mogom być casami świynci
Ale mogom być tyz świnie!

[bodzio_g]

Nojlepszygo w Nowym Roku...

Dziś trzech króli ...

Trzi królowie Monarchowie
kaj sie uwijocie
mocie mirra i kadzidło
i skrzinka we złocie
Jezus dzisioj narodzony
raczkom błogosławi
bo tym swojym narodzyniym
prziszeł by nos zbawić

Trzi królowie monarchowie
żodyn niy łobuty
ponoś było wos aż śtyrech
czworty szoł na skróty
poloz borok se na przełaj
i łaził po krzokach
a jak prziszeł do betlyjki
to było po ptokach

Herod wściekły szarpie brodom
korona mu spadła
jak usłyszoł ło Jezusie
giymba mu opadła
lotoł po swoich komnatach
ni móg sie łopanować
bezto kozoł wszytkich bajtli
zaroz wymordować

Aż prziszła na niego kryska
i giymba mu zbladła
mysloł bydzie królym świata
śmiertka go dopadła
zaroz kosom łeb uciyna
łoberwoł kadzidłym
po tym z piekła prziszeł dioboł
i wzion go na widły

autor :Józef W.

[bodzio_g]

Pódźmy wszyjscy do Betlyjki
do Jezusa i Maryjki
powitejmy malutkigo
i Maryjka matka jego

Tyś nom Jezu jest zbawiyniym
i na sercach pocieszyniym
my stawiomy kryki hoki
bo my przeca som ślonzoki

Witej Jezu w naszych progach
my widzymy w Ciebie Boga
na królewsiś tron gotowy
śpiywo Ci Bieruń stary nowy

autor Józef Jofek W. "Furgoł "

[bodzio_g]

O owieczce z jednym uchym

Opowiadani dostało wyrózniyni w kónkursie literackim "Naszo gowiydż" organizowanym przez Miejsko Bibliotyka w Jastrzymbiu




Kedyś to chałupy budowało sie "systymym gospodarczym", to znaczy wszystko robiyło sie samymu, a yno mulorz i stolorz byli najmowani. Reszta wszystko robiyli handlagry, to je gospodorze sami. U nos tyż tak było, tata robiył kamiynie sóm, potym handlagrowol mularzowi, a mama mu pómogała. Tak to twało te stawiani chałupy pora lot, a jak już sie wkludziyli to przi chałupie były yno haziel, gnojok i studnia.
Niy było tam jeszcze żodnych chlywików, ani szopów, a że czasy były ciynżki, jedzynio we sklepach było mało, na kartki i drogi, tóż trza było samymu coś uchować. U nas w doma chowało sie dycko prosiynta i barany, a raczyj owieczki. Gynsi i kurów tu niy licza, bo to tako drobnica.
Jak żech spómnioł niy mieli my jeszcze chlywka na ta gowiydź, tóż trzimali my to w pywnicy. Tata zbiył chlywik z desek, co zostały z budowy i tam trzimali my prosia. Na wiyrchu, nad chlywkiym na grzyndach siedziały kury, a z boku kole tego chlywka na lańcuchu prziwiónzano była owieczka, a czasami dwie.
Keroś noc śpiymy w doma, a naroz słychać taki ryk w pywnicy, owieczka sie drze, choćby jóm ze skóry obdziyrali. Ojciec leci do pywnice, ze świyczkóm, światła my tam jeszcze niy mieli, zaglóndo, a owieczka skocze, jak oszalało, łepóm trzynsie, cało we krwi. W piyrszej chwili tata niy wiedzioł, co sie stało. W kóńcu złapoł jóm za lańcuch, zaglóndo, a óna je bez ucha i krew pyrsko na wszystki stróny. Tata niy myśloł długo, yno łap koszula, potargoł i zawinył owieczce ucho szmatóm. Długo jeszcze potym beczała, ale w kóńcu sie trocha uspokoiła i tata móg sie rozejrzeć, co sie stało. Dziwo sie, a tam z boku z chlywika wystowo ryjok od prosioka. Tyn gizd wygryz dziura w desce, a owieczka nieostrożnie zbliżyła sie do tyj dziury i uchym mu pokiwała. To stykło, że ón jóm złapoł za te ucho i odgryz.
Tak to zostali my właścicielami owieczki z jednym uchym. Rana sie zagoiła i długo jeszcze mieli my ta owieczka. Przeżyła niy jednego wieprzka i niy jedna porka młodych wychowała. Dziura w chlywiku tata zabiył deskóm i wieprzki tyż dali my tam chowali. W kóńcu postawiyli my murowane chlywiki przi chałupie i tam my trzimali te wieprzki, barany, gynsi i kury. Było tak do czasu, aż szkody górnicze zniszczyły te chlywiki, były spynkane i musieli my ich zbulić, bo groziły zawalyniym.

opowiedzioł Stanisław Neblik

[bodzio_g]

Świytlica w sieci

Był pióntek, dziyń kedy dzieci miały w szkole informatyka na lekcji. Mały Franek od rana był już zaś chory ze strachu. Boł sie, że rechtorka bydzie sie go zaś pytać o tych kómputerach, tóż kómbinowoł, co tu wymyśleć, żeby sie z tego wymigać.
Synek mioł dziesiynć lot i niczym niy wyróżnioł sie od tysiyncy podobnych mu dzieci, ale jak by mu sie tak przijżeć, to było widać, że je biydnie obleczóny, niy zawsze w najnowszych galotach, a cwiter tyż już swoji wystoł. W szkole uczył sie Franek średnio, żeby nie powiedzieć słabo. Czynsto przichodziół niy przigotowany, bez zadanio, inkszych pómocy naukowych z dómu tyż nigdy niy nosiyl, tóż rechtory godały, że je lyń i stawiały mu mierne ocyny w dziynniku.
Nojbardziyj nasz Franek boł sie tyj lekcje o kómputerach. Zaś sie bydóm z niego śmioć, że nic niy umi, że je osioł. Żodyn niy wiedzioł, że synek kómputer widzi, tela co w tyj szkole, roz w tydniu przez godzina i to jeszcze z daleka, bo boji sie podynść i powiedzieć, że niy umi go obsłógować. Rechtoróm niy prziszło ani na myśl, że synek może "w dzisiejszych czasach" niy mieć kómputera w dóma. Przeca dzieci miały kómórki, kómpakty i inksze laptopy.
Komputer. Ón na zeszyt, czy ołówek niy mioł. Musioł sóm kómbinować od starki i chować te pora groszy, co by mu tata niy zebroł na gorzoła, abo niy dowiedzioł sie, że chowie przed nim, bo zaś by go pasym zerznół. Jedynie, co Franek znoł fest dobrze i czego nigdy w dóma niy brakowało, to prózne flaszki z gorzoły, bo pełne były yno wtedy, jak tata, abo mama kaj co dostali z opieki, abo od farorza. Mama tyż niy wylywała za kragel, tóż w dóma potym były chaje, ryki. Synek niy mioł kaj pisać zadanio, ani sie uczyć. Bez lato siodoł w zegródce i pisoł na ryczce, ale bez zima, abo jak deszcz padoł, to było gorszy.
To nie było jedyne zmartwiyni Franka, czynsto musioł lotać tatowi po piwo, cygarety. Jedzyni tyż musioł sóm se kómbinować. Wiela razy rano stanył do szkoły, mama z tatóm spali, a w dóma nic niy było do jedzynio i szol głodny.
Jak w szkole była wywiadówka, to musioł Franek cyganić, że mama je choro, abo że kajś wyjechała. Óna nigdy nie chciała sie pokazować w szkole, a synek tyż sie boł, że przidzie ożarto i narobi mu gańby.
Jedyne chwile uciechy mioł synek, jak jechoł do swojij starki. Miyszkała óna dwie wsie dali, w staryj chałupie sama i tyż niy miala leko, ale pómogała synkowi, jak umiała. To mu zeszyty kupiła, to piórnik. Starka fest sie starała nad synkiym, ale niy umiała mu pómóc. Sama miyszkała w jednej izbie, miała pora groszy rynty. Wziyna by synka do siebie, ale wiedziała, ze ojcowie go niy dajóm. Ón był im potrzebny, bo na niego mógli dostać pora groszy z opieki, żeby mieć za co żyć i pić.
Franek, jak na swój wiek radziył se dobrze. Umioł narómbać drzewa, słożyć ogiyń, a nawet co uwarzić. Niy roz mama z tatóm pojedli przi niymu.
Tak to żył nasz mały Franek. Było to w małym miasteczku, ludzie niy interesowali sie tak sobóm, tóż we szkole niy znali do kóńca jego problymów.
Tak to prziszoł tyn pióntek i Franek zaś musioł iść na ta niyszczynsno informatyka. Rechtorka kozała mu włónczyć kómputer i coś napisać w programie Word o sobie, ale synek niy wiedzioł o czym óna godo, tóż wysłyszoł, że je lyń i dostoł jedynka.
Było to pod kóniec roku szkolnego, Franek kóńczył trzecio klasa. Straszyli go rechtory, że niy przelezie do sztwortyj klasy, ale w kóńcu jakoś go przeciśli. Padali mu, że jak sie niy weźnie do roboty, to na drugi rok już mu niy darujóm. Synek sie tak tym przejón, że postanowiył bez feryje zarobić na kómputer. Padoł se, że zostawi go u starki i bydzie tam jeździył, kedy bydzie mioł czas. Du dóm niy móg kómputera prziniyś, bo tata by mu go zaroz sprzedoł za pół litra, tak jak koło, co dostoł na kómónio i wiela inkszych rzeczy.
Tak to bez feryje, jak yno Franek mioł czas, to lecioł abo na hołda, abo jakigo złómu poszukać. Kómbinowoł, co by yno zarobić na tyn kómputer.
Pinióndze synek krył w takim strómie w lesie, a jak jechoł do starki, to tam u niyj zostawioł. Nauczył sie, że ku chałupie niy może sie zbliżać z pinióndzami, bo niy roz już mu tata wybroł ostatni kotloki z kapsów.
Feryje zbliżały sie ku kóńcowi, a Frankowi cały czas brakowało jeszcze na tyn kómputer, tóż uznoł, że musi coś wymyśleć, bo jak sie zacznie szkoła, to niy bydzie mioł tela czasu i niy nazbiyro tych piniyndzy. Postanowiył, że bydzie chodziył zbiyrać wóngel na glajzy. Tam cugi tracóm dużo wónglo, to warci udo mu sie zarobić na kómputer. Ze sprzedowaniym wóngło tyż niy mioł problymu, bo woziył go starce, a óna była rada, że niy musi kupować drogigo wónglo i jeszcze płacić fórmónowi za prziwoz. Dała jeszcze synkowi koło, co by mioł czym tyn wóngel wozić.

Tak to Franek zarobioł na kómputer. Mioł już prawie nazbiyrane, ale wiedzioł, ze do szkoły trza jeszcze zeszyty, ksiónżki i wiela inkszych rzeczy, a na mama, ani taty niy mioł co liczyć.
Jedyn roz Franek zbiyroł wóngel przi glajzach, mioł już prawie pełny miech, ale jeszcze trocha chcioł dozbiyrać, a tam z boku stoł cug już od poru dni i kole niego leżało pełno wónglo. Tóż zaczón zbiyrać po ziymi, kole tych kólek i naroz cug ruszył....
Franek obudziył sie, zaglóndo i niy wiy kaj je. Wszyndzi yno bioło, ściany, łóżka. Dziwo sie, a kole łóżka siedzi zapłakano starka.
- Syneczku biydny ty mój.

- Starko, kaj jo je? Jo chca iść du dóm.
- Pomału, pójdymy chned, ale teraz leż spokojnie, wszystko bydzie dobrze.
- Starko, a skónd tyś sie tu wziyna? Kaj je mama z tatóm?
- Oni niy mógli prziść, tóż jo je z Tobóm. Niy starej sie nic.
Synek obudziył sie dopiyro z narkozy po poru dniach. Niy wiedzioł jeszcze, że w wypadku straciył lewo noga. Dopiyro po jakimś czasie zaczło dó niego dociyrać, że już nigdy niy bydzie lotoł za balym, ani normalnie chodziył.
Od tego czasu życi jego zmiyniło sie całkiym. Zaczli go odwiydzać rechtory ze szkoły, koledzy. Wszyscy dopiyro teraz dowiedzieli sie o jego sytuacji w dóma. Rechtory przichodzili do szpitala uczyć go, żeby niy mioł zaległosci w szkole. Okozało sie, że synek wcale niy ma taki lyń i po krótkim czasie odkryli, że je z niego zdolny uczyń. Nawet nauczył sie obsłógować laptopa i okozało sie, że mo do tego wielki talynt.
Wszyscy odwiydzali małego Franka, od czasu, jak stało sie ó nim głośno po wypadku, yno mama i tata nigdy go niy odwiydziłi. Zostali óni zawrzyci we hereszcie za brak opieki nad synkiym i odebrali im prawa do opieki nad nim. Franek tynskniył za mamóm i tatóm, tóż po dłóższym czasie uprosiył starka, żeby zawiózła go odwiydzić mamy i taty w hereszcie. Oba płakali na jego widok, ale to nic niy pómógło. Było już za niyskoro. Dostali do odsiedzynio piynć lot.
Wypadek Franka spowodowoł, że naroz wszyscy zainteresowali sie jego sytuacjóm, starce prziznali opieka nad nim, dali ji miyszkani we familoku, co by Franek móg wózkiym jeździć tam. Do szkoły wozili go autym specjalnym, dlo inwalidów. W dóma podłónczyła szkoła Frankowi internet i całymi dniami teraz siedzioł przi niymu i coś kómbinowoł. Dźwiyrze do chałupy niy zawiyrały sie prawie wcale. Dycko keryć coś mioł do Franka, a ón żodnymu niy odmawioł. Lata siedzynio przi komputerach zrobiły to, że kómputer niy mioł już przed nim tajymnic.
Franek skóńczył szkoła, jedna, potym drugo, poszoł na studia informatyczne i po studiach założył swoja firma kómputerowo. Zaczón tyż skupować stare kómputery, naprawiać ich i przekazować szkołóm na wsiach. Firma rozrosła sie tak, że po jakimś czasie była znano już w całym województwie. Franek założył tyż fundacjo "Świytlica w sieci", kero zbiyrała pinióndze na kómputery dlo świytlic we szkołach na wsiach, żeby dziecka, kere w dóma niy majóm kómputerów, mógły pobawić sie nimi po lekcjach, a niy yno przez jedna godzina w tydniu z rechtorym.
Mama i tata wyszli z heresztu i żyjóm dali we swojij chałupie, Franek posywo im dycko co do zjedzynio, abo kupi wónglo na zima, ale razym niy miyszkajóm, bo óni wolóm se miyszkać osobno, po swojimu.
Tak to kóńczy sie ta historjo Franka. Jakby kery chcioł wpłacić pinióndze na ta fundacjo "Świytlica w sieci", to musza Wóm pedzieć, że powstała óna yno w mojij wyobraźni, tak jak i całe opowiadani o Franku.
Fojerman

[jamles]

Bodzio, jeszcze roz sie Fojerman w łebie cosik ubzdurzy o jakimś Franku to mu powiydz,
że jo mu po gołyj rzici sztylym z ryla wyszczylom :evil:
jak już cosik mu sie prziwidzi to niych bydzie Ecik, Kondracik abo inkszy Masztalski,
ze Frankiem to już sam momy za tela frasunków

PS. to co pisoł Fojerman je myjglich, na torach przi grubie to je istno plaga,
pierońskie miglance posyłajom dzieci na haby coby mieć lekko kasa niy ino na gorzoła

[bodzio_g]

Jak go spotkom to mu nazdom...
ale ...póki co ...

Król rekinów - Bajtel I



Historyjo ta zdarziła sie fest, fest downo tymu, a możno prawie całkym niedowno, kajś fest, fest daleko, a możno kajś sam kole nas. W jednej familiji urodziół sie malutki syneczek. Ojcowie byli mu fest radzi, bo oboje byli już doś starzi, a do tej pory niy mieli jeszcze dzieci i syneczek bół jejich piyrszym dzieckym.



Los nie bół dlo ojców łaskawy i syneczek dużo chorowoł. Sztyjc yno mioł gorónczka, kucoł, nie chcioł jeś, chocioż fest ó niego dbali i kupowali mu roztomańte maszkety, owoce, witaminy. Dochtory nie poradziyli pedzieć, czamu tak sie dzieje, tóż padali im, że majóm jechać ze synkym nad morze, do sanatorium. Tóż uradziyli, że mama zostanie w dóma, a z małym pojedzie tata, kerymu też przido sie trocha świyżego luftu.

Za pora dni spakowali kófry i zaczli sie żegnać z mamóm. Zdało sie, że nie bydzie tymu kóńca i nie jedyn płaczek po licu polecioł. Nareszcie siedli do cuga i pojechali nad morze. Jechali cało noc, aż dojechali do piyknego sanatorium, kere stoło przi samymu morzu, dosłownie pora kroków. Syneczek bół tymu ogrómnie rod, bo do terazka nie widzioł tela wody, ani tela piosku do lepiynio babek. Tata też bół rod, bo bydzie se móg siedzieć pod paryzolym i rozwiónzować krziżówki, a synek bydzie blisko niego.

Tyn dziyn, a bół to piónty dziyń, jak sam przijechali, od rana bół zamroczóny. Morze było jakiś roztrzepane, ale było doś ciepło, tóż bajtel, jak dycko, lepiół se babki z piosku, a tata rozwiónzowoł krziżówki na swojij leżance. Oroz tata padoł se, że zońdzie do izby i zaparzi se bónkawa. Synek bawiół sie grzecznie we piosku, żodnego nie było kole niego, tóż za te piynć minut nic mu sie nie stanie.

Już, jak bół w izbie, chłop poczuł, że coś sie stało, coś mu nie dało pokój, tóż zostawiół kawa na stole i polecioł na dwór. Na brzegu nie było żodnego, synek sie straciół, yno mokre ślady na piosku, rozpłókane babki, pokazowały, co się mógło stać. Ojcież zaczół wyrobiać, lotoł tam, a nazod, wlazowoł do pasa do wody, wołoł, szukoł, ale synka nigdzi nie było. Ludzie usłyszeli te ryki, tóż sie zlecieli ze wszystkich strón, ale żódyn niczego nie widzioł, ani nie słyszoł. Synek przepod, porwała go fala. Dłógo szukali go fojermany, kerzi przijechali na miejsce, pływali na łódkach, ale nic to nie dało. Nie znodłi syneczka, ani żywego, ani jego ciała.

Co teraz przeżywoł jego ojciec i mama, kero sie o wszystkim dowiedziałą. Jejich jedyny i najdrogszy skarb sie straciół. Życi straciło dló nich syns. Nic nie pómogało, ani płacz, ani rzykani, ani ryczyni. Baba załomała sie całkym, rozchorowała sie i chneda potym umrzyła. Chłop ni móg se tego wyboczyć, że zostawiół synka samego przi morzu. Winiół siebie za to, co sie stało, tóż przestoł sie widować z ludziami, siedzioł yno sóm w dóma i po całych dniach zaglóndoł do okna i kómbinowoł.

Mały syneczek w tym czasie płynół rekinowi na plecach, daleko, na pojstrzodek oceanu. To óne, rekiny, wykorzystały mómynt, że tata sie straciół, tóż zrobiły fala, co porwała dziecko i wiózły go teraz do swojigo królestwa. Płynyły tak i płynyły dużo dni, a malutki syneczek yno płakoł i płakoł. Rekiny dziwowały sie tymu, bo futrowały go najlepszymi maszketami, tak mysłały, dowały mu jeś najlepsze żaby, ekstra ryby. Nie wiedziały, że małymu je teskno za ojcami, trza mu mlyka, suchych pieluch i ciepła, a nie yno mokrej, a słónej wody.

Na kóniec rekiny dopłynyły do swojigo królestwa, pokozały królowi jego nowego miyszkańca. Król rekinów bół już fest stary, sóm mioł yno jedna cera, kero była niedobro dlo ojców. Była niegrzeczno, nie słóchała, z kóżdym sie wadziła, tóż żodyn ji nie przoł. Król zaroz zaczón przoć małutkimu, chocioż tyn nie znoł godki od rekinów, to jednak doł rady przekónać króla, żeby zgodziół sie wybudować dló niego łóżko, co poradzi na wodzie pływać, kaj bydzie móg spać we suchym. Ni musioł już teraz moczyć sie we wodzie całymi dniami. Nauczół sie też jeś z morza roztomańte trowki, roślinki, a też i malutki, surowe rybki.

Za jakiś czas mieli wybiyrać nowego króla od rekinów. Ksiynżniczka, cera króla rekinów wiedziała, że ojciec ji nie przaje, a ku tymu je z nij dziołcha, tóż jóm nie obieróm na króla, tóż obmyśliła swój zły plan. Zaczła szczuć na siebie wszystkich, kerzi mógli by być obrani na nowego króla, żeby sie nie poradzili ze sobóm dogodać, a potym zaczła, niby tak bez cufal, spóminać, że najlepszy na króla pasowołby mały syneczek, kery ni ma zamiyszany w żodne kónszachty z rekinami. Inksze rekiny, nie pokapowały sie, co ksiynżniczka planuje, tóż, chocioz w piyrszej chwili nie bardzo były za syneczkym, to potym zaczły mu być coroz bardzij rade. Jak sie zaczły wybory, to wybrali królym syneczka i żodyn nie bół tymu przeciwny. Na miano dali mu Król Bajtel I, bo rekiny nie znały jego prawego miana.

Ksiynżniczka wiedziała, że król Bajtel I nie zno rekinij mowy, tóż dalij kómbinowała i zaczła prosić ojca, coby pozwolół ji wydać sie za niego. Za jakiś czas zszykowali głośne weseli i ksiynżniczka została Królowóm Hildóm II. Od teraz mógła już rzóndzić i dzielić. Biydny król Bajtel nie poradziół dogodać sie z rekinami, tóż zostało mu yno siedzieć na złotym trónie, we złotych szatach i korónie i kiwać rynkóm na rekiny, co pływały we morzu. A zło królowo mógła już teraz robić, co chciała: podniósła podatki, ograniczyła jodło, a dołożyła roboty kożdymu. Rekiny teraz dopiyro zejrzały, co sie stało, ale nie poradziły sie poskarżyć królowi, bo nie znały jego godki. Majóntek królowej zaczón rosnyć z dnia na dziyń. Na spodku oceanu, głymboko pod wodóm miała swoji izby, kaj miała pełno złota, broszek, a świycidełek. Żodyn ni mioł prawa tam zaglóndać, a nawet Bajtel ni mioł pojyncio, że to tam mo i wiela tego je.

Królowi urodziło sie w tym czasie dwoje dzieci, syneczek i dziołszka. Były to dwa piykne rekinki, a zamias przednich płetwów miały rónczki. Rekinki fest rade pływały we wodzie, ale poradziły też robić prawie wszystko rynkami, tóż grały z tatóm we warcaby, poradziły piyknei malować. Król miyszkoł na swojij łódce, co mu zrobiły rekiny. Mioł tam swoji izby, sypialki. Ekstra dlo małych rekinków wybudowali na łódce basyn, co z niego mógły skokać prosto do oceanu. Wskakować do basynu mógły yno rekinki, a królowo.

Królowo fest przoła swojim dziecióm, tóż roz wziyna jich na dół, do swojich izbów, co by im pokozać swoji świycidełka. Nie pomyślała o tym, że to sie obróci przeciwko nij. Małe rekinki miały w sobie połowa ludzkij krwie i serce ludzki, tóż zrozumiały, że wszystko te złoto i świycidełka mama nazbiyrała od inkszych rekinów. Rekinków nie radowało to, toż jak przipłynyły nazod na wiyrch, opowiedziały wszystko królowi. Były to niezwykłe rekinki, poradziły godać tak jak ludzie i tak, jak rekiny. Jedynie óne poradziły dogodać sie z królym Bajtlym I, a żodyn inkszy rekin tego nie poradziół.

Rekinki opowiedziały tatowi wszystko, co widziały w izbach od mamy. Król zaczón sie fest starać, po tym, co usłyszoł. Zaczón sie gorszyć na baba, że yno tak leci na te pinióndze, a złoto, a nie dbo o inkszych ludzi, yno ich jeszcze okrodo. Biydny król, nie wiedzioł, co mo zrobić, tóż kozoł zrobić narada. Zawołoł wszystkich swojich doradców, jak baby nie było w dóma i kozoł dziecióm opowiedzieć wszystko, co widziały. Potym inksze rekiny opowiadały o tym, co z nimi wyprawio królowo. Król sie fest staroł, bo zrozumioł, że to je jego wina, bo nie poradziół obrónić swojigo królestwa od złej kólowej. Jak skóńczyli opowiadać, to król ogłosiół swoji postanowiyni. Była to najtrudniejszo decyzyjo, od kedy zostoł królym, bo rozchodziło sie o jego baba. Król uznoł, że królowo trza zawrzyć w jejich kómnatach pod wodóm do kónca życio. Majóm jóm tam przikuć lańcuchami, coby nie uciykła i niech sie raduje swojimi świycidełkami, a nie wolno ji wypływać nazod na woda. Dzieci prosiły taty, co by im pozwolół chcocioż roz na tydziyń odwiydzać mamy pod wodóm, tóż sie zgodziół, bo mioł dobre serce. W tym samym postanowiyniu, król cofnół też wszystki podatki, kere płaciły rekiny i doł im wolność. Od teraz kożdy rekin może swobodnie pływać, polować i radować sie życiym.

Za jakiś czas królowi zrobiyło sie teskno za kimś bliskim. Były przi nimu dzieci, ale óne wiyncyj czasu przebywały we wodzie ze swojimi kamratami. Król siedzioł na trónie, na łódce, zagłóndoł na woda, a kómbinowoł. Jedyn roz król padoł se, że musi jeszcze roz popłynyć na brzyg oceanu, a poszukać se dlo sia baby. Tóż, tak jak pomyśłoł, tak zrobiół. Wybroł se pora najlepszych rekinów, rzóndzyni królestwym zostawiół swojimu synkowi, siod na pleca najwiynkszymu a najmocniejszymu rekinowi i popłynół w daleko rajza.

W tym samym czasie nad brzegym morza sparyrowała jedna dziołszka ze swojóm mamóm. Królowi fest sie óna spodobała, tóż rozkozoł swojim rekinóm, coby zrobiły wielko fala, co porwie dziołszka i prziniesie jóm ku nimu. Rekiny posłóchały króla i prziniósły dziołszka razym ze falóm prosto na pleca rekina, kole króla. Król symnół koróna, piyknie sie pokłóniół i padoł:



-Jo je Król Bajtel I, król rekinów i chca żebyś była mojóm babóm.



Dziołszka nic nie odpedziała, yno nie przestowała sie trzynś ze strachu i płakać za swojóm mamóm, co stoła na brzegu. Rekiny płynyły już nazod, do swojigo keólestwa, a dziołszka cały czas nie przestowała płakać. Król Bajtel I w tym czasie przipómnioł se, jako to było, jak go kedyś też porwała fala, downo tymu, jak óń sóm trzyns sie ze strachu, przemoknyty, zmarznyty, wyrwany od taty, jak nie wiedzioł, co sie z nim stało.

Oroz król zawołoł:



-Stój. Nazot, do brzegu płyń.



Rekiny nie wiedziały co sie stało, ale ni miały opowogi się pytać. Dziołszka nie widziała, że płynóm w drugo stróna, bo była za fest wylynkano i zapłakano. Jedynie król wiedzioł, co sie dzieje. Zrozumioł, że ni mo prawa odbiyrać dziecka jeji mamie. Ón sóm kedyś przeżół rozłónka z ojcym, zrozumioł, że ludzie majóm miyszkać na ziymi, a rekiny w oceanach, tak, jak im je pisane. Doł yno dziołszce kusku w czoło tak leko i rozkozoł pomału zaniyś jóm ze falóm na brzyg, kaj czekała zapłakano mama.

Dłógo potym ludzie godali o cudownym wyratowaniu dziołszki, co jóm fala porwała do morza, a potym cało a zdrowo prziniosła jóm nazod. Żodyn nie poradziół tego wytłómaczyć, dziołszka też nie pamiyntała, co sie z nióm stało. Opowidała coś o rekinach, co jóm porwały, ale żodyn ji nie wierzół, bo myśleli, że to bez te przeżycia coś sie ji pomyliło.

Król Bajtel I w tym czasie, dokupy ze swojimi rekinami wybroł sie w dalszo, niebezpieczno rajza w góra rzeki. Popłynół do jednego miasta, co go znoł z dzieciństwa. Chcioł poszukać swojich ojców. Nie wiedzioł biydny, że mama umrzyła zaroz po tym, jak ón sie straciół. Znod ale swojigo taty, co dalij przesiadowoł całymi dniami w dóma przi oknie i myśłoł o swojim malutkim synku, co sie straciół downo tymu. Chłop nie wychodziół prawie wcale z chałupy, a sómsiady przinosiłi mu czasym coś do jedzynio. Król Bajtel rozpłakoł sie, jak zejrzoł taty w oknie, ale ni móg mu sie pokozać, tóż obmysłół plan, jako może wzióńś go ze sobóm, żeby zaś mógli być razym

We wieczór, jak wszyscy spali, Bajtel kozoł swojim rekinóm zatkać ruła w moście na rzece, żeby woda sie dźwigła i załoła chałupa taty. Teraz rekiny mógły wpłynyć do pojstrzodka i wziónś taty w daleko rajza. Rano rozeszła sie po wsi godka, o tym że załoło chłopu chałupa. Żodyn niy móg zrozumieć, jako sie to stało, że załoło yno tyn jedyn dom i chłop sie straciół. Dłógo szukali, ale nic nie znodli. Yno we rzece pod mostym znodli trocha starych astów, a klamorów, tóż uznali,że to óne zatkały ruła i skuli tego zaloło chałupa.

Rekiny z królym i jego tatóm były już daleko w morzu, nazod do swojigo królestwa. Tata społ dłógo i obudziół sie dopiyro kole połednia. W piyrszej chwili fest sie wylynkoł, jak zejrzoł kole siebie dookoła sama woda i stado rekinów. Pomyśloł że mu sie to śni, że zaś jakiś koszmary go nawiydzajóm po przeżyciach ze synkym. W jednej chwili zdało mu sie nawet, że widzi synka, wielkigo, jak siedzi na plecach rekinowi . Ojciec chcioł sie obudzić, ale śnik nie chcioł sie stracić. Na opak, stowoł sie choćby coroz to bardzij prawdziwy. Synek odezwoł sie nawet do taty:

-Witóm cie tato. Jo je twój synek, co sie straciół downo tymu. Jo je teraz królym rekinów, a to sóm moji słóżóncy.

Jak godoł te słowa, to podpłynół blisko i skoczół ku tatowi. Tata nie poradziół nic pedzieć, tak go coś ściskało, yno dłógo i mocno prziciskoł synka do sia. Nie myśłoł teraz o niczym, ani kaj je, ani skónd sie sam znod. Ważne było yno jedne: zaś je dokupy ze swojim ukochanym dzieckym. Żeby tak teraz mógła sam z nimi być jeszcze jejich baba, a mama.

Tak się do ze sobóm ściskali, że usnyli i spali dłógo, aż ich obudziły ryki rekinów. To dziecka i wnuki wołały taty i starzika we królestwie. Wnuki złapały starzika i wciepały go do wody, żeby go mógli lepszy wyściskać. Potym postawili go na łódce, co miała od teraz być jego nowóm chałupóm.

Starzikowi wartko spodobała sie nowo chałupa i nowi przociele. Nie ruszoł sie nigdzi z dómu downo, tóż nie trza mu było ziymie do życio. Stykła mu mało izbetka z łóżkym, a na łódce staro leżanka, kaj se móg drzymać, a chytać ryby na wyndka i opowiadać wnukóm o ziymi, kaj żyjóm ludzie podobni dó niego, a jejich taty

Od tego czasu widać było sztyjc stado małych rekinków przi łódce, jak słóchały tych opowieści starzika. Wnuki tłómaczyły swojim kamratóm ta godka starzika, a starzikowi opowiadały o życiu rekinów. Za jakiś czas król padoł se, że odwiydzi swoja baba tam na dole pod wodóm. Chcioł ji wyboczyć i darować reszta kary, chcioł jóm też pokozać swojimu ojcu. Nie była już od tego czasu królowóm, ani babóm od Bajtla, ale była wolno, mógła sie zajmować dzieciami i pómogać przi chałupie króla Bajtla, jego ojca a dziecek. Majóntek królowej rozdali rekinóm, a za reszta wybudowali nowo, wiynkszo łódka dlo króla i jego taty.

Pływie óna bezmała do dzisiej po oceanie. Jakby kery z was trefiół kedyś Króla Bajtla I i jego królestwo, pozdrówcie ich ody mie .

Fojerman



napisoł to przi pómocy swojij cery Martynki

[jamles]

i jeszczu mu powiydz coby zaczaon fraszki pisać, bo te długie
to je jak list od biskupów i poła chopów drzymie jak kapelonek czyto ;)

[bodzio_g]

i jeszczu mu powiydz coby zaczaon fraszki pisać, bo te długie
to je jak list od biskupów i poła chopów drzymie jak kapelonek czyto ;)

Mówisz- mosz...

Na kryzys

Dycko loł żech Wóm sam woda,
Trzimały sie mie gupoty,
Choć mi tego trocha szkoda,
Trza przikryncić tyn kokotek,
Bo bezmała kryzys idzie,
Tóż pozbiyrać trza te graczki.
Jak tak dalij drożeć bydzie,
To loł byda yno płaczki


i jeszcze...

Ożarty Nowy Rok

Jedyn roz we Silwestra
trefiyły sie dwa kamraty,
bezto potym Nowy Rok
był rano ożarty.

Trocha mu sie w taszy
kalyndorz rozsypoł,
a było go gańba,
bezto sie niy spytoł,

jak razym pozbiyrać
mo ta ukłodanka,
nó i teraz mómy
tako niespodzianka.

Na poczóntku stycznia
je pojszodek lata,
potym bydzie wrzesiyń,
grziby bydóm w lasach.

A po wrześniu marzec
i pół metra śniega.
Tak go wyszykowoł
Stary Rok - kolega.

Móm do ciebie prośba,
Roku, ty nasz, Nowy:
na drugi roz pij toast -
bezalkoholowy.

autor - Fojerman

[bodzio_g]

Dziyń Jynzyka Ojczystego


Bezmała za pora dni, 21 lutego, bydzie Światowy Dziyń Jynzyka Ojczystego (czyli już był ...wczoraj -przyp wklejającego ). Tak se myśla, jaki to je tyn nasz Ślónski Jynzyk Ojczysty i co go czeko. Słyszy sie na kożdym kroku, jak to tyn jynzyk sie odrodzo, wszyscy chcóm godać, pisać. Ale trza sie spytać, tak kożdy sóm siebie, kery z nas zno tak na prowda jeszcze tyn jynzyk? Czy to, co sie czyto w internecie, abo słyszy w radiu, czy telewizorze, czy to je prawy ślónski jynzyk? Mojim zdaniym na pewno niy. Jak sie kery upómni o godka naszych starzików, to słyszy z jednej stróny, że to sóm „archaizmy” i jynzyk trza „unowocześnić”, to je spolónizować. Z drugij stróny sóm tacy, co padajóm: tyn jynzyk musi być inkszy od polskigo i wymyślajóm „nowy jynzyk ślónski.”. A kożdy je najmóndrzejszy i nie do se nic pedzieć. Mojim zdaniym dzisiej już mało kery z tych, co piszóm w internecie wiy, jako wyglóndoł kedyś jynzyk ślónski. Możno żyje jeszcze pora starzików, co go znajóm, ale óni przeważnie nie zaglóndajóm do internetu, yno siedzóm przed laubóm, abo za piecym i roz za czas opowiedzóm „jak to piyrwej bywało, abo jako sie to godało” Tóż, co z tym fantym mogymy zrobić? Abo siednóm do kupy te wszystki fachmany od ślabikorzów, słowników, a inkszych móndrych uczydeł i pokożóm nóm coś, co wiynkszość uzno za swój jynzyk, taki jakim godały nasze starziki, jaki idzie znojś we starych zdrzódłach, abo bydymy dalij żyć w tym „ślónskim piekełku”, kaj jedni bydóm kalyczyć polsko godka, bo zmiynióm pora kóńcówek, dociepnóm jakiś przeklyństwo i powiedzóm, że to je po ślónsku, inksi bydóm wymyślać jynzyk ślónski, z jakichś „Wikipedyjów”, a cało reszta powiy, nóm tak je dobrze, bele sie dogodómy, opowiymy wic, a pośmiejymy . I tak, za pora lot, bydymy mieć zaś Swiatowy Dziyń Jynzyka Ojczystego, jedni polskigo, inksi nimieckigo, bo ci co jeszcze coś poradzóm po ślónsku poumiyrajóm i problym sie sóm rozwiónże.
autor - Fojerman

[Fojerman]

Witóm wszystkich, co sam piszóm i czytajóm po naszymu. Nie byda za dużo pisoł, bo tela sam tego Fojermana je, że móm strach. Za chwila kery lodówka otworzi i tyż Fojerman wyskoczy :) Wciepna Wóm sam yno jedyn wierszyk:

O ślimoku, gliździe i krecie

Roz ślimok i glizda poszły tak o weta:
Kery z nich dwóch piyrszy zaleci na meta.
Ta poważno sprawa trza rozsóndzić przeca,
Bezto se na syndzie zawołali kreta.
Ślimok z glizdóm stojóm gotowi na starcie
I kożdy chce ruszyć z miejsca, jak najwarciyj.
Kret im na poczóntek kiwnół swojóm łapóm
i sie tyn maratón już na dobre zaczón.
Z boku posiodały, myszy, bónki, mrowce
I jedyn szmaterlok przisiod tyż na trowce.
Kret, syndzia wyścigu, musi widzieć wszystko,
Bezto se na górka siod, na kretowisko.
A óni tak lecóm przed sia, wiela dychu
I wcale im ni ma żodnymu do śmiychu.
Ślimok sie ślimaczy, kełże wiela umi,
Glizda sie naciongo i kurczy jak gumin.
A tam z boku larmo, bo uciecha majóm
I ptoki na strómach sie z wiyrchu dziwajóm.
Już je prawie kóniec, już brakuje siyły,
Żodyn nie popuści, chce wypruwać żyły.
Z boku keryś wrzeszczy: ”glizda, glizda gazu!”
„Ślimok, ślimok, jeszcze !” A echo powtarzo.
Juz widać ta kryska, jeszcze ze dwa cale,
A tam za wygrano żodyn nie do wcale.
Ślimok sie nacióngo i wystawio czułki,
A glizda jak fedra, jak piynć cali rułki.
Dopadli do mety, minyli łeb w łeb,
A tam przi kibicach, aże wszystko wre.
Czekajóm na kreta, ciekawi, jak diosi,
Aż syndzia wyniki wyścigu ogłosi.
„Kto wygroł, kto piyrszy dolecioł do mety?”
A kret pado na to: „nie wiym, jo je ślepy.”

Fojerman

[bodzio_g]

Jak tyż to piyknie coś sie tukej znod Fojermanku
już nie byda ... piracił cudzych konsków

[Fojerman]

Możesz robić swoji, jo Ci nie byda odbiyroł roboty :)

[Tedii]

Lecioł se roz dziambel ,zima była sroga
skrzydła mu zamarzły i slecioł na droga.
Aż nagle zza winkla wylazła ci krowa
i walneła kupa na dziambelka gowa.
Dziambel sie ożywił i zaczon ćwiergolić,
kocur go usłyszoł i chcioł go wpier.....lić,
nojprzód wytarł łajno ,skrzydła mu otrzepał,
późni powolutku dziambelka pochrupał .

Prziszoł czas na morał ,kery z bajki leci:
nie kożden jest wróg twój, co na gowa sroł ci
nie kożden jest kamrat, kery łajno zbieroł
a jak ci je ciepło, cicho siedź, nie ćwiergol!

[jamles]

http://g.wieszjak.pl/p/wieszjak.pl/www/e-kartki/wielkanocne/wielkanocne282.jpg

[bodzio_g]

Jamles - dziynki za życzynia
Teddi - piyknie !! - dawej dalij
Fojerman - to ...jadymy



PIT-y

Siedza tak dzisiej przi stole,
przeciepuja same kwity,
czuja sie, choćbych był w szkole,
bo wypełnióm roczne PIT-y.

Czym wiyncy sam czytóm,
to wiym z tego myni,
kalkulator cyko,
aż sie w oczach miyni.

Tu przichody, tam wydatki,
tu zdrowotne, tam na rynta,
wszystko do osobnej kratki.
Już mie boli z tego rynka.

A te odliczynia,
na lyki, na dzieci,
same ułatwiynia,
na internet w sieci.

Yno nie wiym czamu
zaś musza dopłacić,
a nazod dostanóm
sami ci bogaci.

autor- Fojerman

[tereska 11]

Witom Wos serdecznie :) wlazłach na ta strona przez przipadek i jezdech w siódmym niebie . Tako fajno stronka , a jo ji nigdy nie widziała. Takie fajne bery tu som pisane ,że az chce sie życ , Jezdech cało chepi ,jak czytom t e wszystkie opowiastki po ślonsku . Mom do Wos prosba , wydaja moja cera za berkmona i szukom jakis fajnych zyczeń po naszymu , czy może ftos z Wos mi cos napisać ? byda bardzo wdziynczno ,:rolleyes:

[gumis107]

'Jezdech cało chepi ' ale wiocha ,ani to ludowe ani angielskie ,ze nie wspomne o blednej pisowni slowa happy ,ale i tak najbardziej mnie rozwalil tekst jakigos slunskiego Don Juana ktory uwodzac jakos panienke zapodal uroczy i wyjatkowo uwodzacy w swoim mniemaniu komplement :" fojno zes jest z ryjo" :-)

[bodzio_g]

Fraszka za flaszka


Jedna flaszka,drugo flaszka
I już w łepie siedzi fraszka.
Jutro zrana łep, jak bania,
To nie wielko cyna za nia.
Nie podarmo przeca pija:
Flaszki sprzedōm...Z tego żyja.

autor - fojerman

[jamles]

Fraszka za flaszka ...
terozki wiem gizdzie pieroński czamu Cie chnet rok tukej nie było ochlapusie jedyn :evil:
a biksy tyż zbiyrosz ..... mom dwa miechy nazbiyrane ....... chcesz :rolleyes:;)

[bodzio_g]

Jamlesie - na złomie tyż pora groszy dostaniesz za biksy , zwłaszcza alamuniowe

[bodzio_g]

O piciu







Jo sie czasym napić musza,



boch niy ma kamela,


jak we karku czuja susza,


łykna mało wiela.






autor - Fojerman

[bodzio_g]

Slonskie wyliczanki ( skopiowane )


„Antek kupioł se maszkyty,
i drap lecioł na zolyty,
dziołsze ich po trochu dowoł
i jom rod, tak se futrowoł.
Roz, dwa trzi i zaczynosz Ty!”

autorka -Marta




„Roz, dwa, trzi i larmo
Ni ma życiu nic za darmo
chcesz mieć nogi jak oplerki
Grej we fusbal a ni w bierki”

autorka -Kasia




„Iki, piki
dwa szpyndliki
na zegrodzie gryfne dziki
za werksztelom dwa chlywiki
w króliczoku trzi starziki
…a na kogo padnie
to na tego bync”

autorka -Karola




„Wopno, cymynt, gips i woda;
gorol powiy: „ja ci podam!”.
Jo som biera kibel, kara,
bydzie chaupa, dowom wiara!”

autorka - dominika

[bodzio_g]

Chnet uciecha byndzie
Zmartwychwstanie przyjdzie

idymy na swiyncone,
bier koszyk, pakuj jajca i wyndzone
wusztem bydzie woniać wszyndzie
a kapelon godac byndzie :
wszyscy niech sie radujom
Alleluja wyśpiewujom
niech w te swiynta klara świyci
kożdy karlus kibel wody chyci
lejom chopcy, piszczą frelki
niych tyż rajwach byndzie wielki

http://images.photo.bikestats.eu/zdjecie,600,91933,20100404,koszyczek-wielkanocny.jpg

[bodzio_g]

Tedy-owdy


Cicho! Jo pisza!
Myśli niy słysza.
Niy widza liter.
Wypiōł żech liter
Dzisio dopiyro.
Pysk sie otwiyro,
Oczy mi klapiōm.
Dyć bych sie napiōł
Teraz doprowdy.
Bo tedy-owdy
To nima grzych.
Scyganiōł bych,
Że pija dziynnie.
Człowiek sie zdrzymnie,
Kej ledwa żyje
I tak przegnije
Całe dwa dni.
Aż mi sie śni,
Żech je kamela,
Co to niywiela
Trza ji do picio.
Dyć szkoda życio.
Wartko sie zbiyrōm.
Teraz dopiyro
Se tak łōnacza,
Że to od kaca
Łep mi tak pynko.
Tōż leca pryndko.
Bo tam w pywnicy
Mōm kajś dwie biksy.
Lech, abo Tyski?
Jo przaja wszystkim.
Wywietrzeć niy dōm.
Jak biksy sprzedōm -
Kupia jabola.
Choć lepsze wola,
Porzōndne marki,
Co myni siarki
Majōm we sobie -
Obala obie.
Dyć zaroz potym
Sie do roboty
Biera na fest.
Gupi żeśjest?
Jo do łopaty?
Bōł bych puklaty.
Zdrowio mi szkoda.
Wola loć woda.
Jeszcze niż usna
Powiym wōm yno:
Na trzyźwo już zaś
Mie to tak wziyno.


autor - Fojerman

[tola]

e tam, o "żubrze" nic nie było :(

[bodzio_g]

Dziś bojeczka
Rozu pewnygo w Soczi trefili sie w izbie Łukasz, Kamil, Jasiek, Maciek i Dawid.
Łukasz godo :- tee Kamil - wygrołeś złoty medal, może byś co postawił , skocz no sie po jakie piwko.
- a kaj trza skoczyć ?
- no tukej jakieś ...90 metrów stąd
- eee tak blisko ? to niech sie Simon abo Janne-k skoczy...

morał z tyj bojki taki: ucz sie i trenuj , bo jak nie umisz i nie potrafisz , to cołkie życie bydą cie po piwo abo po co inne posyłać

[Radzio10]

Dziś bojeczka
Rozu pewnygo w Soczi trefili sie w izbie Łukasz, Kamil, Jasiek, Maciek i Dawid.
Łukasz godo :- tee Kamil - wygrołeś złoty medal, może byś co postawił , skocz no sie po jakie piwko.
- a kaj trza skoczyć ?
- no tukej jakieś ...90 metrów stąd
- eee tak blisko ? to niech sie Simon abo Janne-k skoczy...

morał z tyj bojki taki: ucz sie i trenuj , bo jak nie umisz i nie potrafisz , to cołkie życie bydą cie po piwo abo po co inne posyłać

Haha dobre :) jednocześnie nawiązując do tematu zawsze fascynował mnie dialekt ślązaków, uwielbiam Was słuchać i czytać Wasze teksty chłopaki ! :D

------------------------------------------------------------
Polecam zakopane tanie noclegi (http://www.tatrzanskidworek.pl/cennik.php)

[smer]

Instrukcja rąbania klocka



Romboł hajer klocek, romboł go pod ścianom
I przi tym rombaniu ciulnoł sie w kolano
Że go zaskoczyło to nogłe zdarzynie
Na wcześniejszy wyjazd dostoł pozwolynie.
Poszoł se przekopym, jak mamlas po szynach
A tu na zakryncie ... Dup w niego maszyna
Kejby sie obejrzoł za siebie do zadku
To by boł uniknoł przikrego wypadku.
Stanoł i nadepnoł na kulok urżniynty
I gwoźdź zaruściały wloz mu aż do piynty
Musioł borok siednoć na okorkow kupie
Zaroz poczuł drzizga w swojyj chudyj dupie.
Górnik aże skoczył, hełm mu slecioł z gowy
No i ciulnoł gowom w ring od obudowy
Buła mu wylazła na pośrodku glacy
Straciył równowaga i ciulnoł na cacy.
Jak lecioł na plecy, chycił za kolejka
Palec mu prziczasła jakoś k....wa belka
Chycił za betonik, kiery wisioł z kraja.
Betonik wylecioł,no i dostoł w jaja.
Druty ze betonu , wlazły mu do miecha
Musi facet przyznać że mo richtig pecha.
Jeszcze zdonżył chycić jakoś deska z tyłu.
Półka go prziczasła i ćwierć tony pyłu.
Godajom wypadki, niy chodzom parami.
Jak to jest naprowda słyszeliście sami.
Tak jest niebezpieczno robota górnika.
Niy rób nic na dole - unikniesz ryzyka!

[bodzio_g]

Bardzo sie ciesza że ktoś tukej jeszcze zaglondo :yes:

[Balto]

Pytanie z drugiej strony Przemszy - Bieruń to już Śląsk czy jeszcze Śląsk?
Bo jak na razie w domu połowica ze Śląska (Zabrze / Bytom) i naprawdę jest wesoło...

[loneczka]

Bieruń? Chopie to zależy od tego kto jak się wyonaczył z domu.

[Eryka17]

......:)))))))))))

[Ywald]

Eryczko z Ciebie widza fajno frelka to tyż pisz bo tu i gorole mogą pisać

[Eryka17]

no mogą mogą....ale ..po śląsku fajnie się pisze i czyta :)

[Eryka17]

dobra:) będę pisała :)

[Eryka17]

Witaj Bałwanku Ywaldzie :) ja będę pisała po warszawsku......ale czytam Was.....jak piszecie po śląsku - i tak się uśmiałam, że mało...się nie...zakochałam :)

[Ywald]

Bardzo sie ciesza że ktoś tukej jeszcze zaglondo :yes:

Ja Bodzio terozki jo tu właża,tak fajnie tu piszecie tak zech sie usmioł ze myslołem ze pynkna ze smiychu,pozdrowiom Wos karlusy piyknie.

[Eryka17]

........piszcie...piszcie...trzeba się uśmiechać...bo inaczej zwariujemy....poproszę jakiś..wic po śląsku albo historię z życia...karlusa;)

[bodzio_g]

witejcie wszyscy na slonskich klachach :yes:

[bodzio_g]

Z pamiyntnika młodygo karlusa...

Pewnygo razu w kościele kapelonek mioł kozanie dlo narzeczonych i na kuniec godo tak :
- Ważne coby wszyjscy cołki czas sie dobrze poznawali bo przez to sie rozkochujom w sobie i dalij kochajom - i młodzi i starzy, bo jak już staro abo stary godo co już zno na wylot ta drugo osoba to łoni już sie tak nie kochajom i nie przajom.
czyli trza sie cołki czas poznować...to jo sie pytom terozki tuż przed świytym Walentym wszyskich zakochanych w sobie a także tych " zakochanych w Muratorze" - czy to jest przyjaźń czy to jest ...poznanie ??? :p

[bodzio_g]

A propos Walentygo - u mnie we wsi jest kościółek wtory od jutra bydzie przemianowany na sanktuarium Św. Walentego a wielki odpust we sobota 14.02

historia tukej : http://pl.wikipedia.org/wiki/Ko%C5%9Bci%C3%B3%C5%82_%C5%9Bw._Walentego_w_Bierun iu

[smer]

bodzio_g


Trocha późno żech sie kapnął, ale jednak ;)
Nojlepszego z okazyji Waszego Walusia Bieruńskiego ;)

[Ywald]

Kule ale super żeś to łopisoł,ło mało zech ze stołka niy zlecioł przy czytaniu:D(mom na myśli tyn przepis na rąbanie klocka)

[jamles]

....historię z życia...karlusa;)

dyć jo jeszcze nic nie naszrajbowoł, chyba, że łoczymś niy wiym :rolleyes::o;)

[Żelka]

A światłość już niedaleko:
w Grudniu się narodzi Dziecko,
co jednym wzniesieniem dłoni
świat ku światłości nakłoni.
Spójrzcie, jak pierzchają cienie!
Płynie Boże Narodzenie!"
K.I. Gałczyński

Zdrowych, wesołych Świąt!

[boluslolusj23]

Gustaw, Ludwik i Hubert wybierali sie do Francyje.
Tak se myślom: a jak my sie tam bydymy przedstawiać tak zdrobniale?
Poszli to tłumacza i sie go ło to pytajom, a łon im na to:
Pan jest Gustaw, to bydzie zdrobniale GUJ,
Pan jest Ludwik, to bydzie zdrobniale LUJ,
a Hubert godo: TO JO NIE JADA!!!
:lol2:

[Qba30]

Stary ale z brodą:

Gorol (G) podjeżdża na rowerze pod sklep i tam go zagadują miejscowi (M)

M: Co na kole?
G: Nie, po wodę mineralna
M mówią do siebie: Oooo, gorol, trza mu wica zrobić i spuszczają mu luft
G wychodzi ze sklepu
M: Cooo, pana???? hehehe
G: Eeee, nie do szwagra

[boluslolusj23]

Łostatnio raja, to mo być: Nie, to od szwagra.

Ale, że nom sie gorole na naszym pieknym Śzlonsku rozplynily jak wancki na kraglu, to ni ma rady. trza sie uczyć ichniego narzecza. Nie bydymy godac ino mówić.
Baby nie bydom klachać ino plotkować.
A podciepy już przy klopsztandze na styki łazić nie bydom.
I pieron jasny kiedysik w to tak przyfanzoli, że nom ino się w ślipiach blysknie i żodnyn tukej już nie PiSnie.

[bodzio_g]

Pierona jak downo mie tukej nie było :jawdrop:ino żech poszeł na dziadowizna ...

[selimm]

Bodzio...nie leń się

[Hamstergong]

Czekam na nowe wpisy :)

[Konto usunięte_1*]

bestorz

[gambit565]

Panowie, nie lencie sie!! Czekamy wszyscy, bo ja to po slasku tylko chyty i maszkiety.

[Konto usunięte_1*]

Same lebry abo już niyma hanysow ,jo niywiym ale coroz myni ludzi godo , dobre że aby tu kaj teraz miyszkom prawie wszyscy godajom , trocha inaczyj niż na górnym ale po Śląsku

[kazek69]

Nie znam Śląskiego, ale to świetna zabawa. Znajomi pomaga mi, tłumaczyć wasze wpisy :) Dobra zabawa:)