PDA

Zobacz pełną wersję : Ślonskie fanzolynie



Strony : [1] 2 3

bodzio_g
12-05-2005, 18:42
Wiosna
śniyg sie już kaś stracił- wiosna zawitała
całe chełmskie pola , w zielyń swom przibrała
a kwiotki na łąkach woniajom rozkosznie
wszyndy zieloniutko i wszyndy radośnie
bocoń na kominie ściele swe gniozdo
miesioncek zolytnie zaglondo ku gwiozdom
a w dziyń promyk słońca wleci bez łokiynko
jakby nom kcioł pedzieć- witej nom wiosynko

autor J.W.

bodzio_g
12-05-2005, 18:53
Lyń
w starym pryku leży lyń
nic niy robi cołki dziyń
nawet tyju niy zaparzy
ani jajec niy usmaży
matka woło - pościel wyro
i dyliny powyciyroj
kaj łonymu do roboty
dyć by zmazoł se galoty
i tak leży cołki dziyń
bo łon jest śmierdzoncy lyń
autor J.W.

bodzio_g
12-05-2005, 19:20
Górniczo dola
Robił Alojz na grubie i niy myśloł chorować
bo tyn twardy wongiel, musioł durch fedrować
wiertoł dziury w ścianie, zakłodoł patrony
zapoloł cynsznura - a huku w pierony
a jak dymy wyszły, broł sie za łopata
i cIepoł na pancer, tak jak jego tata
łoba fedrowali tak jak gupie ciele
bo kieryś wymyślył - planowe niydziele
kcieli żyć jak ludzie, sił niy żałowali
a kożdy se myśloł - co to bydzie dali?
teroz sie doczkali takij smutnyj chwili
gruba jym zawarli , a łonych zwolnili
niy pomogły strajki i lamyntowanie
że stracili zdrowie na pierońskij ścianie
teroz Alojz żyje na grubowyj łasce
ponoś mo fedrować wongiel na Alasce
przi siarczystym mrozie i z eskimosami
cheba łogupieje pomiyndzy fokami
łociec niy pojedzie, bo już jest za stary
pod nosym mu przyńdom zielone dolary
za to Alojz jedzie po ciynżko robota
choć już na Alasce - downo nima złota
niyroz mu sie przyśni, ta ślonsko wodzionka
i tyn świyży chlebuś - łoćby z fetym kromka
a jak mu sie przyśni ło ślonskiym łobiedzie
pociepnie Alaska i nazod przijedzie
choć już w życiu tela ton wonglo wyromboł
bydzie z familoka na hołda zaglondoł
tela lot fedrowoł, w przodku i na ścianie
i niygdy niy myśloł - że ELWRYM łostanie

autor J.W.

jan badura2
12-05-2005, 22:11
Kiedyś na Ślonsku cołkimi dniami,
bjoły hanysy sie z gorolami.
Z godki szło poznać kery je kery,
bezto sie prali jak indjanery.

Chłopy z chłopami, baby z babami,
tłokli sie solo i rodzinami.
Chude szkelety, wyżarte byki
furgaly kable i scyzoryki.

Różne tu boły łomoty i trzaski,
lamynty, przeklyństfa, skomlynja i wrzaski.
W końcu Pon Boczek te larmo usłyszoł,
poważnie sie wnerwioł i wszystkich wymiyszoł.

Malice doł Zynka, Zbychowi doł Hajdla,
wcisnoł gorola rodzinie łod Zajdla.
Hanysa kupjoła se baba z Rzeszowa,
wdowa po jednym górniku z Knurowa.

Jygna łod Dziubów wyszła za wdowca
co Gierek w aktówce go przywióz ze Sosnowca.
Ginter kobjytka wzion se z Czeladz,
Pon Boczek pedzioł: że se poradzi.

Ksiegowo Kowalsko co mieszko w bloku
dostała Hanysa banioka z przetoku.
Zep z warszawiankom krótko jest w związku,
a juz zajyżdżo dziołcha po ślonsku.

Bajtle zaś łod nich próbują mówić
i choć to krojcoki dajom sie lubić.
Małe hanysy lubiom fandzolić
jak chcom znerwować małych goroli.

I teroz już wszyndzie, w kościele i szkole,
som i hanysy, som i gorole.
Jedni chcom drugim sie przypodobać,
bo hanys chce mówić, a gorol godać

ps.Bodzio jadymy ?? :lol:

tola
12-05-2005, 22:32
A można prosić z przekładem na język polski? :roll: :wink: 8) :lol:

maksiu
12-05-2005, 22:35
toluś: nie łapiesz gwary śląskiej? nie wierze...

jan badura2
12-05-2005, 22:41
Loto, tyro pan Hilary, do dekla mu piere
Bo kajś ten boroczek posioł swoi brele.
Szuko w galotach, kabot obmacuje,
Przewraco szczewiki, psińco znajduje.
Bajzel w szranku i w byfyju
Tera leci do antryju.
"kurde" - woła - "kurde bele!
Ktoś mi rombnoł moi brele!"
Wywraco leżanka i pod nią filuje,
Borok sie wnerwio, gnatow już nie czuje.
Sztucho w kachloku, kopie w kredynsie,
Glaca spocona, caly się trzynsie.
Pieroński brele na amyn kajś wcisnyło
Za oknym już downo blank sie sciymniło
Do zrzadla oroz zaglondo Hilary-
Aż mu po puklu przefurgły ciary.
Spoziyro na kichol, po łepie sie puko,
Bo znejdly sie brele - te, co tak ich szukoł.
Czy to ni ma gańba? - Powiydzcie sami,
Mieć brele na nosie a szukać pod ryczkami.

a Ty nie patrzyła Gustlika ?

thalex
12-05-2005, 22:44
Wiosna
śniyg sie już kaś stracił- wiosna zawitała
całe chełmskie pola , w zielyń swom przibrała
a kwiotki na łąkach woniajom rozkosznie
wszyndy zieloniutko i wszyndy radośnie
bocoń na kominie ściele swe gniozdo
miesioncek zolytnie zaglondo ku gwiozdom
a w dziyń promyk słońca wleci bez łokiynko
jakby nom kcioł pedzieć- witej nom wiosynko

autor J.W.
Gratuluję pomysłu, fajnie byłoby abyś np "dziennik budowy" w takiej formie dialektu prowadził.
Mam na myśli ten forumowy, nie ten urzędowy bo by Tobie jeszcze jakiś Gorol nie zrobił odbioru .

Nie piszcie długich postów bo np ja mam kłopody z przekładem :D :D :D

bodzio_g
12-05-2005, 23:15
" POGODOMY PO NASZYMU "
Pogodomy po naszymu
bo my momy na to glejt
mama z Wirka, tata z Chebzio
a na grubie starzyk Bert.

Refren: Ona klacho, on fanzoli
bery, bojki łosprawiomy
nie poradzisz się dogodać
na nauka zawsze czas.

Pogodomy po naszymu
bo w urzędzie napisali
"Dziś zawarte do połednia -
my na odpust pojechali"

Refren: Ona klacho, on fanzoli...

Pogodomy po naszymu
farorz tyż nom szkoła doł
nie na taca, nie w koszyczek
ino w kabza forsa chcioł.

Refren: Ona klacho, on fanzoli...

jan badura2
12-05-2005, 23:40
Roz w robocie jedyn osioł,
Kanś se swoja tasza posioł,
Kaj na druge mioł śniodanie,
Sznity dwie i kompot z banie.
Ale głod mioł pieronowy
I sie wzion za żarcie trowy.
Do dziś zostoł przi tyj paszy,
Bo se jeszcze niy znod taszy

bodzio_g
13-05-2005, 08:57
" NOJWOŻNIEJSZE JEST KOCHANIE "

Starzyk mieli trzy cery
od jednej były Heli
Kiej sie z starką ożenił
czworty synek w drodze był

Refren:
Nojważniejsze jest kochanie
w izbie, w lesie i na sianie
nojwożniejszo jest żoneczka
potem frela, kochaneczka

Ojciec drugo cera wzion
nojgryfniejszo se wybroł
była rubo jak beka
kiej powiła Zeflika

Refren:
Nojważniejsze jest kochanie...

Jo Maryjce tyż przaja
dziołchów mom cołko raja
Małgola sie trefioła
a Andzia w planie była

Refren:
Nojważniejsze jest kochanie...

bodzio_g
13-05-2005, 09:02
Śląsko atmosfera

Nom na Śląsku jest jak w raju,
Richtig jak w oliwnym gaju.

Taki lufcik, tako gwara,
Chlebik z tłustym, mało ćwiara.
Czasym nom sie odechciywo,
Ale żodyn sie niy gniywo.

Czasym piwka sie napiją,
Do połednia w pryku gniją.
Ale co tam jak na szychta,
Żonka chłopa wyrychtuje,
Chleba z kawką naszykuje.

A na plantach siedzą starki i starzyki,
Szuko opa, szuko oma swoi kryki.
To gołymbi pofutrują,
To sie gacie komuś prują.

A widoki piykne momy,
Momy lasy, momy domy,
Nasze hołdy, nasze kominy,
Nasze miasta, nasze gminy.

bodzio_g
13-05-2005, 09:06
"Lokomotywa" w przekładzie na gwarę śląską

Lokomotywa!
Jest na banhowie ciynszko maszyna
Rubo jak kachlok - niy limuzyna
Stoji i dycho, parsko i zipie,
A hajer jeszcze wongiel w nia sypie.
Potym wagony podopinali
I całym szwongym kajś pojechali.

W piyrszym siedziały se dwa Hanysy
Jeden kudłaty, a drugi łysy,
Prawie do siebie niy godali,
Bo się do kupy jeszcze niy znali.

W drugim jechała banda goroli
Wiyźli ze soba krzinka jaboli
I pełne kofry samych presworsztóf
I kabanina prościutko z rusztu.
Pili i żarli, jeszcze śpiywali,
Potym bez łokno wszyscy rzigali.

W czecim Cygony, Żydy, Araby
A w czwartym jechały zaś same baby.
W piontym zaś Ruski. Ci mieli życie!
Sasza łożarty siedzioł na tricie.
Gwiozda mioł na czopce, stargane łachy,
Krziwiył pycholem i ciepoł machy.
A w szóstym zaś były same armaty,
Co je wachował jakiś puklaty.
W siódmym dwa szranki, pufy, wertikol,
Smyczy maszyna może donikąd.
Jak przejyżdżali bez Śląskie Piekary
Kaj wom to robiom kółka do kary,
Maszyna sztopła! Kufry śleciały
I każdy latoł jak pogupiały.

To jakiś ciućmok i łajza!
Ciupnął i ślimtoł sygnal na glajzach.
Mog iść do haźla abo do lasa,
Niy pokazywać tego mamlasa!
Potym mu ale do szmot nakopali,
Maszyna ruszyła, cug jechoł dali.
Bez pola, lasy, góry, tunele,
Dar za sobom samym te duperele
Aż się zagrzoły te biydne glajzy,
Maszyna sztopła i koniec jazdy.

bodzio_g
15-05-2005, 12:56
Gratuluję pomysłu, fajnie byłoby abyś np "dziennik budowy" w takiej formie dialektu prowadził.
Mam na myśli ten forumowy, nie ten urzędowy bo by Tobie jeszcze jakiś Gorol nie zrobił odbioru .
Ja nie czuję sie na siłach by taki "dziennik" napisać , ale może ktos inny ?
Zapraszam wszystkich do wpisywania sie po"ślonsku" różnych wierszy , przyśpiewek i berów.

bodzio_g
15-05-2005, 13:02
Haja z kuli kaji

Dzisioj była w doma haja,
Bo straciła mi sie kaja.

Żonka ryczy szukej czopki,
Mi stowiają sie sam chopki,
Łod szukanio moji kaji,
Jo niy robia przeca baji.

Szukom w kuchni i w antryju,
Nima w szranku i w byfyju.

W kożdy izbie żech poszukoł,
I w żyrandol żech zakukoł.

Jak do żadła żech sie wejżoł,
To na gowie kaja łobejrzoł.

bodzio_g
17-05-2005, 10:00
Wesele u Śwagra
Jak żech był na weselu u śwagra to zapamiyntołek dwie historyje, wtóre chciołek wom łopowiydzieć.
Piyrwszo to jak my wyjyżdzali łod młody pani do ślubu, to pod chaupą łod nii zrobiuno nom szloga. Na drodze postawili nom staro landara ze szrotu, i nijak niy szło jej ... wyłonacyć :wink: . Młody pon wyloz z merca z halbką , patrzy, a tu 6 chopa śmiejom sie z tyj halbki .
-Tela to nawet gaźnika niy zalejesz a co dopiyro , coby łodjechać. Szkyrtajom i szkyrtajom a tu nic - dalij niy chce łodpolić. Młody pon poszeł po drugo halba, a łoni , że tym to w baku ledwo sie zaszelonto i dalij ... nic. Zaczli wtedy ciś to auto, ale trzech do przodka a trzech do..... zadku, no i dalij ...nic. Spocili sie przy tym niemiłosiernie, siedli pod zgrotym i... patrzom na młodygo. W końcu śwagier sie ulitowoł i doł trzecio flaszka , a wtedy te stare pryki pokapowali jak wta bryka wyciś, coby możno było już jechac do farorza.
drugo historyjka łopowiym wom wkiej indzi.

szloga - brama , zastawa
halbka- buteleczka 0,5 l.
szkyrtanie- kręcenie rozrusznikiem
szrot- złomowisko
farorz - proboszcz

EDZIA
17-05-2005, 13:05
Myślę, że powinna się tu znaleźć perełka poezji ślaskiej, napisana na okoliczność spotkania u Krystiana.
ufff udało mi się ją wygrzebać z piwnicy forumowej :)

Nasz roztomiły, drogi Krystianie
i Wy, dwie szwarne Krystiana Panie!
Chcielimy piyknie Wom podziękować
że mogli u Was tak pobalować.

Chałupa fajno i akuratno,
a że familia tako kamratno
taki prask luda gościli sami -
wszyscyśmy radzi, że mogli z Wami
słożyć fojerka, pogodać wice
i "Karpiczańską" pić śliwowicę,
halbki i bira niejedna kista,
grill i pieczonki. A oczywista,
że tako glajcha pełno atrakcji
i fajer piykny na ślus wakacji -
wszystkie w pamięci Was tera majom
żeśta zrobili tyn fest anwajong.

Ludzie, chałupa to je istno cuda!
Masz chłopie grajfka, musi się udać!
Trzymiesz naprowda fajniste tempo,
wkrótce zaśpiewasz "We are the champions!!!"

W zdrowiu niech rośnie ta gryfno frelka,
niechaj Ci wzrośnie 100 razy geltag.
Życie niech płynie z żonką u boku,
byś niezależnie od pory roku
- luty, listopad czy środek maja
zawsze mógł słyszeć "Moj, jo Ci pszaja".
Niechaj Ponbocek do szczynścia wiela
byście go dycki mieli za tela.

No, starczy wreszcie tej śkryflaniny.
Tutaj swe z Forum pseudonimy
szrajbną kamraty z okolic Katowic
oraz auslyndry, kajś z Gorolowic.

bodzio_g
17-05-2005, 22:11
Wesele u Śwagra
Po ślubowaniu i po łobiedzie, jak żech mioł już trocha wlone, to żech wyloz na środek sali i padom do wszyckich ludków.
- W związku z tym , że młodo pani jest już wydano , prosza wszyckich co majom klucyki do miyszkanio łod niyj, o zdowanie ich do tego tukej miecha, bo juże na nic im sie nie prziydadzom.
Nojpiyrw prziszoł łociec młody pani a potym jeji bracik - wiadomo, łoni jeszce mogli te kluce mieć. Potym sie okazało , że inni tyż zaczyni zdować - starsi i młodsi, a nawet i emeryty mieli klucyki łod chaupy młody pani. Młody pon zaczon mieć trocha kwaśno mina, ale jo go pociesył , że juże nikt mu wiyncyj ......nie bydzie przeszkadzoł , jak bydzie som na som ze ślubnom. Pozbiyrołek miech z klucami ( a było ich ...... naście) i oddołek śwagrowi , coby mioł na zapas jakby mu sie traciły. Wtedy postawiłek drugi miech ( dlo uczciwości), coby wszyckie baby pozdowały kluce łod młodygo pona, aby i łon mioł tyż czyste sumiynie wobec żonki. Czekołech żech ćwierć godziny i... żodno niy prziszła :o . Jużech mioł prawić jaki to gryfny pon z tego moigo śwagra , a tu patrza - łod kuńca sale wyłazi tako staro baba w brylach i pod krykom i... łoddaje klucyk. Cało sala w gromki śmiych , a ... śwagier cołki modry na pysku, ino niy wiym do dzisiej, czy łode wstydu, czy go ślubno potraktowała ... swojom prawicom. Dobrze , że onkel był blisko i ich pogodził , bo niy wiadomo , jak by sie to weselisko skońcyło. Jo wróciłek z wesela cołki i ... zdrowy :wink: :D :D

17-05-2005, 22:49
jestem miłośniczką tego wątku, choć słabo godom, ale może się podciągnę u Ciebie :D

bodzio_g
18-05-2005, 09:26
Ciesza sie , że w ogóle wtoś tu zaglondo :wink: :D :D

bodzio_g
18-05-2005, 09:33
Na plantach

Dwa starzyki sie trefili,
Opa Ewald, opa Willi.
Jedyn ślepy, drugi głuchy,
Mają opy jeszcze ruchy.

Dwa kumpliki łosprawiali,
Jak to kiedyś w bala grali,
Za dziołchami sie łoglądali.

Potym my sie łożynili,
Opowiado dali Willi.
Kawalerka sie skończyła,
Potym wojna zaro była.

Po wojnie niy było roboty,
Naprawiali my klamoty.
Dwóch bajtli żech zmajstrowoł,
Na ludzi żech ich wyrychtowoł.

Godo ślepy do głuchego,
Jak zaś kiej sie trefiymy,
To sie piwka napijymy,
A tyn głuchy do ślepego,
Niy zapomna moi kryki,
I ... rozeszli sie starzyki.

MacKacha
18-05-2005, 15:39
Bodzio - świetno stronka, ale sie uśmiołach. A trafiłach przez przypadek :)
Pozdrowiom i trzimia kciuki za kolejne wpisy
Kasia

Wowka
18-05-2005, 18:05
Sztartnij tukej śląskie windows XP (http://members.lycos.co.uk/slawek/Slaski%20XP.pps)

abo, dali nechste łokna wersja98 (http://www.antraxja.iweb.pl/smile/download/showpps.php?show=85)

Trocha to trwo bo u inkszych mamlasów na gombjuterze to jest.
Knefel "Page Down" trza sztartnąć abo na szybe klupać.

Pyrsk ludkowie :wink: :P

bodzio_g
18-05-2005, 21:31
Murzinek Bambo

W Africe miyszko Bambo, Murzinek,
Blank czorny, mały lokaty synek.
Czorno mo matka, łojca czornego,
Ujka i ciotka, dziadka i ... kozdego.
Mo piykno chałpa - by ją zbudować
trza mieć patyki, deski i trowa.
Bo przeca lepszyj chałpy nie trzeba
Jak sie rok caly hyc leje z nieba.
Bestoż to sagie są Afrykony
I mało kery je łobleczony.
Bestoż fest dużo se uszporują
Bo czopek, mantli...nic niy kupują.

Bambo Murzinek to mądry synek....
I niy mo w szkole samych jedynek.
Bo sie mądrości wkłodo do gowy
W swyj afrykońskij szkole ze trowy.
W szkole tyj niy ma ławek, tablicy
I gimnastycznyj sali - by ćwiczyć.
Tam wszyscy afrykońscy szkolorze
Mają sie od nos troszyczka gorzyj,
Bo brak im heftów, taszy z książkami,
Bestoż po piosku piszą palcami.
Lecz skuli tego tyż fajnie mają,
Bo im nic do dom niy zadowają!

Jak już Murzinki w szkole głód mają
To przerwa robią i se śniodają.
Ale niy mają tasz ze sznitami,
Ani sklepiku ze kołoczkami.
Głodny Murzinek se w las zaleci,
By se na drzewie fest pomaszkecić.
Może se urwać figi, daktyle
Lub po banany na drzewo wylyźć.
A jak go suszy to zamiast Coli
Na fest sie wielko palma wgramoli,
Kaj sie napije bardzo zdrowego,
Mlyczka z łorzecha kokosowego.

My tu na Śląsku, czy tam daleko,
Za siódmom górą, za siódmom rzeką...
Mieszkają ludzie - kożdy w swym domu
I to niy wadzi przeca nikomu,
Że jedyn jy kołocz a inny daktyle.
Porozmyślej o tym choćby przez chwilę!

jamles
18-05-2005, 22:58
Wejrzynie na żywot łod zadku !

Zaczyno sie łod tego, że poru chopów przinosi Cie we srogij krzini i zaroski trefiosz na łoblywanie skorki. Prowadzisz spokojny żywot staroszka i stajesz sie coroz to modszy. Keregoś tam raza dostajesz łodprawa i idziesz do roboty. Mynczysz sie kole sztyrdziyści rokow i poznowosz radocha życio. Zaczynosz pić coroz to wiyncyj gorzołeczki, coroz to fescij imprezujesz i tyż coroz to dukszyj i gynścij sie kochosz. Kej Ci to już idzie cołkiym dobrze, zaczynosz sztudyjerować. Potym zdowosz matura i bez dukszy czos mynczysz sie we szuli. Przeżywosz piyrsze łodwzajymnione miłowanie we coroz to modszych frelkach. Zaczynosz łazić do Powszechnyj i niy spuszczosz ślypiow ze szykownych rechtorek. Coroz to mynij łod Ciebie chcom i mosz dużo czasu na roztomajte graczki ze inkszymi bajtlami. Robisz sie coroz myńszy, aże trefiosz do.......hmm 8) :oops: , kaj bez dziewiynć miesionczków sie bulosz i nojbarzij koji Cie klekot mutrowego serca. Zasik potym nogle......., Twoji życie kończysz na łorgaźmie.

bodzio_g
19-05-2005, 14:11
Jamles - :D :D

( nie pamiyntom tytułu)

Jak żech chodził do kowola
Ucyli mnie dymać
Kowol chodził do kowolki
Jo musioł im trzimać

Bo jo se tys musioł
Bo mi się porusoł
Ej mości panowie
Kapelus na gowie

Jo se tys musiała
Bo mi się rusała
Ej mości panowie
Chustecka na głowie

bodzio_g
21-05-2005, 09:35
Katowice

U nos we Katowicach sie wiela zmjynioło i furt cosik nowego sie widzi. Stare domy, co to je jeszcze za Winklerów i Grundmana postawjyli tera pjyknie na nowo łobciepali i dopjyro tera idzie łobejrzeć jak to sie downiyj ludziska starali, to co inkszego jak te nowe graniaste kszynki. A to jakoś gowa przyłonaczono, a to jakisik gzims na łozdoba, abo jake kwjotki ze kamjynia nałobkoło okien. Ludzie stojom, gymby rozdziowiajom, mało co im gybis nie wyleci.

Tretuary wszyndy wyrychtowane, żodyn nie bydzie jusz kromflekow łomoł. A geszefty momy tysz fajniste, kejby w Hameryce, idzie tak bez cołki dzień łazić i łoglondać.

A biercie na tyn przykłod tako poczta. Chałpa ta samo, ale jak sie wlezie to aże łocy porazi, som mesing i marmury a wszysko sie blyszczy jak by to wtoś sidolem wypucowoł. Łokiynka tysz gryfne, a wszyndy małe szezlongi ze siwyj skory aże by sie chciało na nich sie kantnonć. Nie chca Wos za błozna robić, ale za pora lot nie poznocie nasze Katowice. Przyjeżdżejcie ludkowie a nie pożałujecie.
autor : Hyjdla

Teroski jesce nom rondo rozkopali , i nijak nie idzie jeździć po tych Katowicach kole Spodka. Zwłaszcza gorole łod Sosnowca jak jadom do Chorzowa abo do Piykor. Jak byda jechoł na pielgrzimka chopów do Piykorski Pani to musza bić łod Tychów abo na hołda Załynzsko , abo na Bytków. Na Piykorskim wzgórzu bydzie okazjo niy tylko do modlitwy , ale tyż do spoktanio z kamratami i ...poklachanio. Może stykna sie tyż z kimś łod forum muratora...?

bodzio_g
22-05-2005, 21:19
Moje Radyjko

Ino rano wstana,
odsuna ta firana,
To widza na winklu,
jak zasuwo bana.

Kaj te ludziska sie zaroz z rana śpieszą?
Jedne sie nerwują, drugie sie zaś cieszą.

A jo niy mom sie kaj śpieszyć,
i tyż niy mom sie czym cieszyć.
Choć jedno mnie raduje,
i co wiela niy kosztuje.

To moje radyjko , to moje Radio Piekary,
dzięka nimu niy czuja się głupi ani stary.
Ta śląsko muzyczka i śląskie godanie,
Przy nim niy biere mnie żodne spanie.

Tu idzie pozdrowić tyż swoja rodzinka,
Chwyć za telefon w odpowiednio godzinka.

Jo właśnie słuchom ta melodyjka,
Któro płynie z mojego radyjka.
Jakiś raper jom chyba śpiywo,
i żodyn na niego sie niy gniywo.

bodzio_g
22-05-2005, 21:39
Ballada o Bieruniu

Bieruniu , Bieruniu ty stare miasteczko
Co nad Mleczną leżysz, niesforną rzeczką

Nad nią się zrodziłeś , ona cię chowała
Gdy brodem u kopca, kupców przyjmowała

W narożu przy rynku wzniesiono kościółek
A przy kościółku tym, dla parafii szkołę

A mioł Bieruń młodzież chyntną do nauki
Do wiedzy wszelakiej i do rzemiosł sztuki

Reszta to już nie pieśń , to rytm powszedni dnia
Tego co wokół jest, tego co wokół trwa

Lecz aby mogło trwać niejeden jeszcze wiek
Musi dlań serce mieć, żyjący tu człowiek

Muszą przede wszystkim, Bieruń kochać młodzi
Gdyż z ich pracy i serc, przyszłość tu się zrodzi

A może Bieruń być, być pewien jednego
Że nie zabraknie serc, bijących dla niego

Bieruniu, Bieruniu ty stare miasteczko
Co nad Mleczną leżysz, niesforną rzeczką

jamles
22-05-2005, 23:06
Tak jakosik na podzim spichnołech sie ze mojim kamratym ze hilfki, kiery – jak to u nos bele ciarach we Polsce – łapnoł fara bez przociela na urzyndzie.
– Pyrsk Hanys. A dyć jo cie cheba juń rok niy widzioł.
– Ano, Ojgyn. Fyrma kaj razinku robia machluje telkie ałsflugi bele kaj, coby my sie bździnka luftli i wszyjskie do kupy skamraciyli. To ci sie tak sztudiyrowanie mianuje: „fachmańsko integracyjo”. Latoś to ci nos wykludziyli na gon do Afriki.
– Niy godej Hanys. Padosz na gon do Afriki? I tyś tyż boł za jegra we tyj Africe? No, toż łozprawiej.
– Co tam zadoś godać? Kiej my już hań do tyj Afriki przifurgli, legli my z rańca na tyj Zaharze we telkij dupnyj przikopie i wachujymy kiej tyż to jakosik gadzina sie pokoże. Naroz gawca. Antilopa. Jo gywera do slypiow, prasknołech, antilopa szkopyrt i jo jom do miecha.
Niy zetrwało poł godziny melo tiger. Jo flinta do slypia, prasknołech dwa razy, tiger majtnoł yntka i jo go zaś do miecha. Anich sie niy pozdoł a tu gawca: pyndaluje elefant. Na doczkaniu gywera ku niymu, prasknołech ze łobuch rułow łoroz ...
– Hanys, niy bydź przepadzity. Kiej wrajzisz tego elefanta do miecha to niy szczimia i chlastna cie bez pysk.
Łon ani niy myrgnoł ino godo dalszij:
– No, jo jak niy praskna ze tyj mojij tuplowanyj ruły. I dej se pozor ... niy trefiołech ci tego gizda.

tomek1950
22-05-2005, 23:10
Bodziu suuuuuuuuuuuuuuuuper :D

bodzio_g
23-05-2005, 22:26
Tomek - dzięki :)
Widza , że warszowioki to ... wazelinioże :wink: :D :D

bodzio_g
23-05-2005, 22:29
Mioł szcęsci

Stary niedoba wybiyroł sie na pogrzeb sómsioda. Niż jesce z dómu wyszeł staro mu prawi tak. Dej se pozór, obyś wczas prziszeł a niy kaj o 2 w nocy. Mosz fajny czorny ancug, abyś go w gospodzie niy łobloł jakom gorzałkom. Aha ! Dzisio byda schody sztrajchować, tak dej pozór , obyś mi ich niy zaszmatloł. Przed dziesiątą mosz być w doma, bo sie chytom roboty.
-Nic niy bój - byda dzisio wczas w dómu. Jednak chop to chop. Prziszoł do dom o drugi , poczuł farba i wspómnioł se , że ślubno miała te schody sztrajchować. Aby ich niy zababrać, okrocył poryncz i wio na góra. Jak już był na wierchu, to mu kryka spadła na dół. Wio zaś na dól po niom i drugi roz sie winduje na porynczy na wierch. Prośnie mu to szło, pot sie loł z czoła, wyciongnoł śnuptychla z kapsy, a tu bęc – kluc mu wypod na dół. Musioł sie zaś na dół spuszczać i zaś wio na wierch. W końcu łotworził dźwiyrze , po cichu wloz do izby, ale baba sie zaroz łobudziła i pado.
- No pyknieś to prziszeł. Myślisz co jo niy wiym , że som dwie? Dyć teraziunko wybił zygor. No , ale mosz szczynście, żech dzisio tych schodów niy sztrajchowała , ino…. samom poryncz.
Skrót z: St. Ligoń – „Bery i bojki śląskie”

tomek1950
24-05-2005, 00:59
Tomek - dzięki :)
Widza , że warszowioki to ... wazelinioże :wink: :D :D
Bodziu, parę lat przepracowałem w serwisie maszyn górniczych. Niejedną szychtę na dole jako dolnik, szkoląc operatorów, lub robiąc przegląd. Nie raz miałem kłopoty językowe. :lol:
A możesz coś o Masztalskich? :)

bodzio_g
25-05-2005, 14:19
Tomek - wice o Masztalskich majom długo broda :wink: :D no i to nie tukej ino w "dowcipach", ale może cóś wynokwie kiej indzi

Ło dobrym wychowaniu –pora słówek (lo chopów)

Jak ino wstaniesz z łóżka , zarozki sie umyj, nojlepiyj mydłym wszycko jedno jakim , bele mydłym. Nie zapomnij umyć se karku i uszów. Pazurów nie łobgryzej, bo mosz do tego nożycki. Buty se opucuj, łoblecynie tyż. Koszula zawsze miej cysto i niy zapominaj o śnuptychli. Przi stole używej właściwych narzyńdzi do jodła. Widołkom nie dubej we zymbach ani nie dropej sie po gowie. Wykalackami nie kopej w uszach, bo mógłbyś skaleczyć se bębenki. Noża nie bier nigdy do gamby, a serwetki niy wiąż naokoło karku, cheba, że powiysz, że niy chces sie pokidać. Wszyscy sie bydom śmioć , żeś jest łoryginalny, a ty doprowdy sie nie pokidosz. .Przi jodle nie mlaskej, by nie podzieli że skończysz w szlacht hauzie. Po jedzeniu piknie dziynkuj za jodło, nawet gdy ci nie za bardzo smakowało. Niy używej obcych wyrazów , kierych znacenio niy rozumiesz, ino godej, jak cie matka i szkoła nauczyła. Nojlepij na tym wyjdziesz i niy zblamirujesz sie. Na powitanie godej dziyń dobry abo Szczyńść Boże, a na łodchodne godej do widzynio abo z PonBóckiym. Niy pierunuj a zwłasca przi babach i przi dzieckach. Niy chepej ani niy puscej bonków przi ludziach, bo powiynkszosz dziura łozonowo. ...

jak wom sie podobo to ... cdn. :wink: :D

bodzio_g
29-05-2005, 15:33
- Na trasie swego spaceru po Katowicach Gierek spotyka małego Ecika.
- Sekretarz urzeczony swoimi sukcesami pyta:
- Czy wiesz, kim jestem ?
- Nie wiym - odpowiado maluch.
- A masz rowerek?
- Mom.
- Dzięki mnie masz rowerek. A telewizor kolorowy masz w domu ?
- Mom.
- Widzisz , to dzięki mnie go masz. A tatuś ma samochód ?
- Mo
- Widzisz , to również dzięki mnie .Więc już chyba wiesz kim jestem ?
- Ecik patrzy uważnie na Gierka , a następnie zwraca rozpromienionom
twarz w kierunku domu i woło:
- Mama ! Tata ! Ujek Hubert z Niemiec przyjechoł !............

bodzio_g
29-05-2005, 19:54
Ło dobrym wychowaniu - pora słówek - dalszy ciąg

Do gorzołki i do cygaret powinieneś mieć łosiymnoście lot, a nojlepij to wcale, bo Ci puca i wątroba zgnije a o podmianka jest ciynżko .Z frelkami tyż nie kombinuj za wiela i zawczasu , bo Cie wyrychtujom na glanc. Jak już wtoro ci sie spodobo na zicher, to sie łożyń, bo po co mosz mieć lepiyj odemnie. Chałpa zbuduj se nowo, cobyś niy musioł ze świekrą sie wadzić. Cytej dużo muratora i słuchej sie starszych , ale rób jak uważosz ( ino uważej jak robisz). Na forum pisuj konkretnie, a nie pierdoły na przikłod ło fansolyniu. Jak mosz baba abo i dziecka, to niy zolyć na forach, bo potym niy bydzies miyszkoł w nowyj chaupie ino kaś pod mostym. Pszoj swoi babie i chowej dziecka na ludzi, a niy na chachorów, tak coby na starość mioł wto ci pampersy zmiyniać i łobiod podać. Żyj tak, cobyś niy musioł sie potym wstydzić przed familiją, jak już bydziesz starzikiem.

jamles
31-05-2005, 17:19
Chłop i baba przyszli do nieba, on 104 lot łona 102. On prawi do swojej. Aj jak tu pjyknie i zdrowo i cudownie. Łona potakuje. Łon zaś prawi, widzisz kejby nie te wszyjstkie dochtory i Twoje czosnkowe kuracje to my tu mogli już być sztyrydzieści lot rychlij.

bodzio_g
02-06-2005, 21:35
ptasi weseli

chcioł sie żyniyć wróbel roz i tak ptoszków wiele
a pon orzeł jako król, sprawił im wesele

kuropatwy dziywki te za zone im dane
do pona krogulca w las zostały posłane

krogulec jim dowoł ślub , jastrząb stoł z kadzidlym
gołąbeczek prosty chłop , za nimi z kropidłym

kosy zaśpiywały z nut , słowiki z gardzieli
w skrzypkach pękło siedym stron , grać na czym niy mieli

gysi wprzód zaczyny tan, kaczki niy umiały
lecz sie potym w jedyn zgiełk , wroz rozklekotały

sowy nawarzyły krup , sroki do nich wpadły
zanim nadszedł kuchorz kruk , wszystki krupy zjadły

to weseli wróbel mioł , staro powieść niesie
ptocy sie cieszyli tak , aż huczało w lesie

bodzio_g
03-06-2005, 16:16
NA LIPĘ

W hyc pod moimi liściami dychnąć se możesz.
Prosza, siednij se tukej, witom cie: Szczynść Boże!
Bo choć słoneczko gynał ze nieba blynduje,
To sie na moich liściach ukrop tyn sztopuje.
Tukej dycki fajnisty wiaterek zawiywo,
A we liściach szpok abo słowik piyknie śpiywo.
Powoniej tyż moje kwiotki. To z nich spijają
Pszczoły, kere potym złociutki miód dowają.
Legnij se tu ku mie! Niych listek mój opowiy
Ci jako bojka, cobyś lepij społ na zdrowie.
Widzisz tera, wiela poradza dać uciechy,
Choć niy rosną na mie jabka ani łorzechy.

selimm
04-06-2005, 12:33
Przychodzi hanys do sklepu w Warszawiie i pyta:
- Czy są fafkulce?
Ekspedientka nie kumata mówi:
- Nie ma
Na to hanys:
- To poprosza fa f spray'u

bodzio_g
04-06-2005, 22:15
Poszła baba do somsiada

poszła baba do somsiada i pytała sie o rada
coby mogła zrobić , coby chopa uspokoić

kto chce chopa uspokoić
musi wiedzieć co z nim zrobić

kupić mu we flaszce
dawać mu po troszce

przykryć pierzyną
aż go złości ominą

dać mu w bania w oczy
aż mu osik wyskoczy

a potym niy zwlekać
ino pieronym uciekać.

bodzio_g
07-06-2005, 09:27
O jak piyknie …

O jak piyknie tańcować , gdy muzyczka graje
Jeszcze lepij miłować ,jak ci dziołcha pszaje

Jak ci dziołcha niy che psoć , do chacharstwa trza przystoć
Jedna flaszka za drugom, gorzołeczka popijom

Ponoć wyszła ustawa, że muszymy pracować
A nom niy chce sie robić, my wolimy śturmować
ze śpiewnika...

bodzio_g
09-06-2005, 09:35
posłuchejcie teroz

O, posłuchejcie teroz , o łojcowie matki,
bo bydziecie opłacać od swych cerów podatki.
Chodziłech do tej starszej , to żeście mi niy dali,
bo żeście jom matulu do komory chowali
a dziś choć gdowiec stary , a przyjdzie sie przedstawić,
to cisną sie do niego i chcom sie za nim zabić.
Dziś śtyry cery mocie , a żodnyj mąż niy pieści
bo ta najmłodszo jucha , mo już lot szterdzieści

bodzio_g
15-06-2005, 22:04
Paulek i Gustlik

(na podstawie bajki Aleksandra Fredry .Paweł i Gaweł.)


Paulek i Gustlik razym se miyszkali.
Swady niy mieli, ani sie niy prali,
Bo Gustlik to chop pieronym spokojny.
Niy cis sie nigdy ku swadzie, do wojny.
Dycki gazeta czytoł lub groł w szkata,
Bądź se legnął, jak to na stare lata.
W swyj izbie na wiyrchu był w niebo wziynty,
Jak mioł co lubioł, czyli spokój świynty.

Paulek w tyj chałpie na dole mioł izba
I choć do tego niy chcioł sie prziznać,
Waryjot z niego był fest pofyrtany.
Myśliwca udowoł dycki nad ranym.
Trąbioł w goń sygnały, chytoł hazoki,
Na fazany szczyloł i inne ptoki.
Lotoł drap przy tym z izby do antryja
I na leżanka skokoł ze bifyja.

Biydok Gustlik skiż tego wyrobiania,
Gowa mioł wielgo jak na jesiyń bania.
Leci po prośbie: Pauleczku kochany!
Byćże tak choć ciszyj trocha nad ranym,
Bo żyje sie ciynżko i usnąć niy idzie.
Czamu rojbrujesz tak bez cołki tydziyń?
A Paulek na to: Ciś stąd gupia małpo,
Przeca se moga co chca robić z chałpą!

Możno dwa tydnie od zdarzynio tego,
W tyj chałpie dzioło sie coś blank inkszego.
Paulek sie jeszcze pod pierzinką grzeje
I mu sie na łeb coś z gipsdeki leje.
Bestoż klnie zmierzły i ślypia łotwiyro,
A tu je mokre praje cołkie wyro.
Drap na góra leci fest znerwowany,
Że niy poradzi poleżeć nad ranym.

Klup! Zawrzyte dźwiyrza. Bez dziurka kuknął
I praje zarozki z nerwów niy puknął.
Co ujrzoł? Woda? Co to je? - sie pyto.
Czamu ty Gustlik w chałpie ryby chytosz?
Na co woda w izbie i guminioki,
Na co wędki, kibel, hoczyk, chroboki...?
A Gustlik na to: Ciś stąd gupia małpo,
Przeca se moga co chca robić z chałpą!

Taki z bojeczki tyj morał płynie:
Gdyś wieprzkiem - inni ci jak świnie!

bodzio_g
23-06-2005, 19:16
W sądzie

Jedyn karlus staje przed sądym skiż tego , że maznął w kark babe , co jechała z nim do kupy w śtrasbance.
-Panie syndzio , beło to tak:
-Właża do śtrasbanki i siadom na ławce. Włazi jakoś paniuchna i siednyła se naprzeciwko. Prziłazi siafner i pani chce mieć bilet do parku Kościuszki… Łotwiero taśka, dobywo z niej bajtlik, zawiero taśka, łotwiero bajtlik, dobywo z niego 2 złote, zawiero bajtlik, łotwiero taśka, wrożo do niej bajtlik, zawiero taśka i dowo pieniądze siafnerowi.
-Pani – do parku Kościuszki bilet kosztuje 3 złote – pado siafner.
Pani łotwiero taśka, dobywo z niej bajtlik, zawiero taśka, łotwiero bajtlik, dobywo z niego 5 złotych, zawiero bajtlik, łotwiero taśka, wrożo do niej bajtlik, zawiero taśka i dowo pieniądze siafnerowi. Siafner zmienio i łoddowo babie reszta . Pani łotwiero taśka, dobywo z niej bajtlik, zawiero taśka, łotwiero bajtlik, chowo w nim reszta, zawiero bajtlik, łotwiero taśka, wrożo do niej bajtlik, zawiero taśka, a… siafner daje jej bilet. Pani łotwiero taśka, dobywo z niej bajtlik, zawiero taśka, łotwiero bajtlik, wrażo doń bilet, zawiero bajtlik, łotwiero taśka, wrożo do niej bajtlik, zawiero taśka. Po chwili przylazuje siafner i pado- przebocom, pani, i pokożom tyn bilet, bo zdo mi sie, żech go niy skasował. Pani łotwiero taśka, dobywo z niej bajtlik, zawiero taśka, łotwiero bajtlik, dobywo z niego bilet, zawiero bajtlik, łotwiero taska, wrożo do niej bajtlik, zawiero taśka i daje siafnerowi bilet. Siafner robi dziurka i łoddowo pani bilet. Pani łotwiero taśka, dobywo z niej bajtlik, zawiero taśka, łotwiero bajtlik, wrożo bilet, zawiero bajtlik, łotwiero taska, wrożo do niej bajtlik, zawiero taśka.
Ledwie to skończyła, wlatuje do banki kontroler. Pani łotwiero taśka, dobywo z niej bajtlik, zawiero taśka, łotwiero bajtlik, dobywo z niego bilet, zawiero bajtlik, łotwiero taśka, wrożo do niej bajtlik, zawiero taśka i dowo bilet kontrolerowi. Kontroler robi modrym łołówkiem śtrych bez bilet i łoddowo go babie. Pani łotwiero taśka, dobywo z niej bajtlik, zawiero taśka, łotwiero bajtlik, wrożo bilet, zawiero bajtlik, łotwiero taska, wrożo do niej bajtlik, zawiero….
Człowieku – przestoń bo Cie tu zaroz mazna …w łeb.
- A widzicie panie syndzio , toż i jo tak właśnie żech zrobił z tą paniuchną…

karlus - tu młodzieniec
śtrasbanka- tramwaj
siafner- konduktor
bajtlik- portfel
taśka - torebka

bodzio_g
24-07-2005, 10:18
O fedrowaniu we świynta
Pora lot tymu , kiej jesce partyja beła przewodnią siłą narodu na grubie beło zebranie skuli tego coby zwiynkszyć fedrunek . Wstaje młody "aktywista" i pado:
- Jo sie nazywom Pisula i proponuja cobymy fedrowali kożdo sobota , no bo co my bydymy w chałpie robić . Wstajymy rano , włonczomy telewizor , łoglondomy "5,10,15" , "tydziyń na działce" , pijymy kawa i sie nudzymy . Jak bymy robili w soboty to i wiyncyj wonglo bydzie i wiyncy zarobiymy , a Polsko bydzie tyż bodatszo :roll:
Wielkie brawa były i Pisula siod zadowolony :wink: :lol:
Za chwila wstoł stary Ecik Żymła i pado:
- A jo sie nazywom Żymła i padom coby my robiyli tyż w niedziele , no bo ....co my bydymy w chałpie robić. Wstajymy rano , włonczomy telewizor, łoglondomy "teleranek" , "ziarno" , pijymy kawa i sie nudzymy , a potym z nudów to sie kochomy ze starom. A potym ... rodzom sie takie ciuliki jak tyn Pisula :wink: :D :D

bodzio_g
01-08-2005, 21:30
O wójcie i geodecie
W jednyj wsi miano wyrychtować nowo droga. W sobota na miejsce zjechali sie robotniki, inżyniery i geodeta, coby wymierzyć droga. Mierzono i mierzono do samygo wieczora, a kupa palików powbijano w pole. Kiej to skońcyli , inżynier geodeta pado do wójta , coby przez niedziela popilnowoł palików przed złodziejami. Gdy w poniedziałek drogowcy stanyli do roboty , patrzom a tu palików ni ma. Geodeta poszeł z pierunami do wójta a łon pado:
- to jo panie te paliki kozoł powyciongać , coby ich niy skradziono i przechowołek je na gminie .... :roll: :wink: :D

bodzio_g
05-08-2005, 21:55
O ...seksie
Pora dni tymu w robocie spotkołek sie z kumplym i tak rozprowiomy o wszystkim i o pogodzie . Jo mu godom, jak żech sie spocił na budowie przi tych upałach, a łon mi pado:
- Jo tyż sie tak poca , a zwłaszcza po ... seksie z moją
- a czamu zwłaszcza po seksie ?
- bo tyż zawsze pod koniec lipca mi tyn seks wypado :roll: :D :D

dorotazab
06-08-2005, 19:24
Jo Wos witom slonzoki!
Jo jest z Zabrza i rozumia calkiem co piszycie mimo zem sie tam niy urodzila ale za to wychowala i letko mowia po lonymu to i tak kapuja o co lazi.... :wink: :wink: :wink: :wink: :wink:
Pozdrowiom Wos wszystkich!!!!

bodzio_g
07-08-2005, 13:26
Ciesza sie , że nie pisza tylko sobie a muzom :roll: i że wtoś tu w ogóle zaglondo.
Przynaglom inszych do ...fansolynio po ślonsku ło wszystkim i ... ło niczym :wink: :D

Szakuana
07-08-2005, 18:04
SKULI GIPKIEGO WYJAZDU DO FATERLANDU SPRZEDOM DRAPKO;

Wertiko na wysoki glanc
Szrank z trzyma dzwierzami
Szyslong odwanckowany
Dwa kronloitry
Dwa nachtiszle
Tepich wyklupany
Cztyry gardinsztangi
Gramofon na kurbla
Jedyn landszaft zagraniczny
Blumsztynder z myrtom
Doniczka sznitiochu
Byfyj
Durszlok na nudle
Szuflodka z nicmi i jeglami
Sztriknadle,Tolszeta,Cwitry,
Biksa z magi wyrflof
Flaszynpucer
Szpangi do wlosow
Szranczek na szczewiki
Kwyrloki ,Ausgus ,Kibel
Nachtop zalyjtowany
Kokotki ,Badywanna ,Kolkastla
Hok z masingowym gritym
Zdzadlo , Klajder ,
Sztynder z pelcmantlym i nutym
Oberchymdy z zapasowymi sztulpami i kraglami
Holzyntryjgry , Spodnioki ,
Trzy pary fuzekli (posztopowane)
Szesc bindrow na gumach
Cwiter z rolkraglami
Slubny ancug z kulkami na mole
Szczewiki z wysokimi krontflekami
Plisz hut z szyrokom krympom
Holebajn
--- Po tym jeszcze....
Kryka po fatrze
Gybis po mutrze
Briftasza , Taszyntuchy ,Bigelbert
Dwa struzoki bez rusow
Brotbiksa , Kloper , Szlynzuchy
Bigle obchynklowane
Sztrozaki ze szmat , Dwa male lojfry
Krauzy z flaumami i apfelmusym.

Wszystko to loglondac mozna u ;

Gryjty Harbol
FRIDENSHITA--wele Kochlowic
JUGENDALEJ 8/10
(drugi sztok- przyjsc przeazajnfart do hinterhausu).
:D :D

dorotazab
09-08-2005, 03:20
No i teroz to po przeczytaniu tego logloszynio to juz mysla ze wszystko jasne :) :) :)
Konkurs na slonckie fanzolynie wygrala szakuana
:D :D :D

bodzio_g
10-08-2005, 02:53
No i teroz to po przeczytaniu tego logloszynio to juz mysla ze wszystko jasne :) :) :)
Konkurs na slonckie fanzolynie wygrala szakuana
:D :D :D
jestek za , a nawet przeciw :wink: :D :D
a w nagroda proponuja biksa luftu z Kochłowic i szolka kłodniczanki :wink: :D

Szakuana
10-08-2005, 03:40
Teroski lopowiem Wom slaski kawal.

Spotyko sie Masztalsko z Zelozkowom i pado do nij:
-Wy Zelozkowo musicie se sprawic zaluzje do waszygo lokna ,
bo jo wczera widziala jak wasz chlop sie z Wami sexowol.
-a Wy Masztalsko to se lepi kupcie nowe brele , bo to nie byl moj chlop, ino Wasz.

bodzio_g
15-08-2005, 20:31
Jak ... zostołek łojcym :wink:

Poranaście lot tymu zaspołek żech na szychta, i ... dzwonia do biura coby wziońść taryfa na tyn dziyń i godom tak :
- sztajger - zaspołek dzisiok do roboty i chca wolne , bo żech ... właśnie sie dowiedzioł , żech zostoł łojcym.
- Ja ? winszuja , to co ci sie urodziło ?
- aaa tego to jeszcze nie wiym, to byda wiedzioł za ... 9 miesiyncy :wink: :D :D

Szakuana
16-08-2005, 02:20
dobry kawal - Bodzio!
Daj wiecej.

bodzio_g
23-08-2005, 23:11
O ... przewadze baby nad chopym :roll: :o

Przichodzi do dochtora młodo para
- panie dochtorze , żona mi nie daje ...
- a ty giździe pieroński, mamlasie , fajtłapo , pokrako jedna , jo ci nie daja ?? zaroz zoboczysz ty gnido jedna , jo ci nie daja ??....
- ...żona mi nie daje dojść...
-jo ci nie daja dojść ??, ty impotencie jedyn z dziada pradziada, jełopie , hipokryto , ty kałamuku , ty..., tobie ino jedno w głowie...
-...dojść do słowa . :roll: :wink: :D

tola
24-08-2005, 00:49
:D :D :D

bodzio_g
02-09-2005, 00:38
O żabie co kopała
Jak żech mioł 4 latka , matula posłała mie do piwnice po kartofle. Jo żech poszeł po nie a byłek w krótkich batkach , a tu nagle ... żaba skoczyła na mnie :o :roll: . Jo z wrzaskiym do izby i wołom od proga , że żaba mnie .... kopnyła :o :roll: :wink: :D . Na dodatek żech pokozoł śliwa jako mi wyskocyła na łydce łod tego kopniyncio. Ino że łona była od tego , żech sie rypnoł łydką o schoda wtedy jak żech pitoł przed tą żabą :oops: :wink: :D

batki - spodenki
pitoł - uciekał

tomek1950
02-09-2005, 00:56
:D :D :D

bodzio_g
11-09-2005, 21:34
W wojsku
Zaczna łot tego, że na ślonsku i w górach godo sie czasami kruca fuks abo kruca bomba :wink: :D . Poranoście lot tymu, jak żech był w wojsku, miołek czasami służba dyżurnygo podoficera lub jego pomocnika. Roz pisorz dowódcy kompanii wypisoł mnie i kolegi na służba podoficersko a potym na apelu wyczytoł rozkaz na cołki głos:
Dyżurny podoficer kompanii :- Gruca , Fuks !! :o :D
Tak sie składo że piyrwszy to byłek jo , a tyn drugi to kolega :wink: :roll: :D

wszelkie podobieństwo do nazwisk i sytuacji jest ... niezamierzone
pozdrawiam wszystkich Fuksów :D

tomek1950
14-09-2005, 01:24
:D Bodziu, bomba. miałek podobnie. :D :D

bodzio_g
14-09-2005, 22:35
:D Bodziu, bomba. miałek podobnie. :D :D

czyżbyś sie nazywoł ... Fuks ?? :wink: :D , bo moigo nazwiska raczyj ni mosz. Z drugi strony niy pamiyntom abymy razym służyli w kamaszach :roll: :wink: :D

bodzio_g
14-09-2005, 22:50
O nazwiskach ...
Skoro idzie ło miana, to znom taki przipadek, co chop łożyniył sie z mojom znajomom , co miała ... te samo miano panieńskie co jei prziszły chop. Beło nawet tak , co ich łojcowie mieli te same piyrwsze imie , ino ... matka mioła inne imie. Mimo to niy byli łoni spokrewniyni 8) . Farorz mocno sie dziwowoł na tym i nawet niy kcioł ślubu dać , no bo jak to... :roll: :D . Dziepiero jak sie łoba fatry pokozali farorzowi , to wtedy uwierzył i ślub doł. :wink: :D .

miano - nazwisko
farorz - proboszcz
fater - ojciec

bodzio_g
18-09-2005, 21:39
Bojka o kotku

Roz kociak boł chory
I leżoł w łóżeczku
I prziszoł pon doktor
-Jak sie mosz koteczku?
Zle bardzo, oj boli mie rączka i nóżka
A na to pon dochtor
- wyskakuj no z łóżka
Stond morał dlo wszystkich jasnym sie staje
- Niy kożdy sie kociak do łóżka nadaje. :wink: :roll: :lol:

bodzio_g
18-09-2005, 21:44
List łod Barbórki...

Kiedy to tak dlugo smykom sie po swiecie
kiedy to codziennosc wyciepna przez okno
kiedy to na stolku jeszcze siedza o swicie
kiedy to komputer spoziero na mnie markotno

to zarozki cni mi sie za moim drogim Slaskiem
to zarozki mi serce wartko z radosci klupie
to zarozki mi wspomnien przybywa z wrzaskiem
to zarozki cni mi sie za Wami w tej chalupie.

To nic, ze to "dziwaczno" strona wszyscy nazywaja
to nic, ze marzeniem, zludzeniem umacniam sie w wierze
to nic, ze twarzy nie zobacze, usta nie porozmawiaja
to nic, ze palce bola od klepania po klawierze

bo wiem, ze ftos tam jest co ze Slaskiem zwiazany
bo wiem, ze ftos wartko list dlugi do krzynki wciepnie
bo wiem, ze ftos skoczny kuncek muzyki pusci w tany
bo wiem, ze tam sa kumple uczynni i ktos Pyrsk rzeknie

Najwazniejsze to, ze Goronco Linia do mego Slaska wartko biegnie
Najwazniejsze to, ze Ojcow wiara, historia bedzie miala przetrwanie
Najwazniejsze to, ze godka naszo daleko i wszedzie nos dosiegnie
Najwazniejsze to, ze nigdy nie zaginie Nasze Slaskie Beranie !!!


autor : naczelno poetka łod slonskich babeczków

bodzio_g
02-10-2005, 17:17
O Tobołach i Myszerej
Spotkołek sie roz z kumplym co se przygrywo w kapeli po weselach i inszych biglach i łopedzioł mi jak to roz jedyn , co to ledwo sie trzimoł na szłapach zamawioł :
- chopy , zagrejcie mi Toboły
- a co to takigo ??
- nooo nie znocie ?? tobołów nie znocie ?
- a jak to leci ?, może pan zanuci
- nooo - to boły piykne dni.... a ... Myszerej znocie ??
- ....??
- nooo - my szerej pancerni.... :roll: :wink: :D

tomek1950
11-10-2005, 00:33
Bodziu, jestem Twoim fanem :D Prosza o wincej

bodzio_g
12-10-2005, 22:04
O ... wypadkach przy i w pracy

Jak żech pedzioł jednyj znajomy , jak to siła grawitacyji pokunała wytrzimałoś moi szłapy w kostce i zech rewirowoł bez mała 2 miesionce, to łona mi pado że noga skryncioła ... wstawając od ...komputera bo jij ściyrpła w kolanie. Tak to skrzynia tyż może być ... niebezpieczno
Kolega co z nim robia wczoraj łobalił sie i strzaskoł łokieć , bo ... siedząc na fotelu na kółkach wychyloł sie do zadku i rypnoł na plery.
Inszy kompel po szychcie tak popiył , że jak szoł po ... międzytorzu kolejki ( wąskotorowej ) to ... dziwoł sie , czamu tyn gelynder taki niski , a schody takie ...długie i czamu pysk taki mo scharatany :roll: :D
Słyszołek jesce o jednym takim co na mazurach jak zejrzoł kupa babów w ryncznikach to .... spodł ze schodów i sie tak połobijoł , że mu ...broda posiwiała i piwa ni mógł utrzimać w gorści :roll: :wink: :D

gelynder- poręcz
rewirować - chorować

bodzio_g
16-10-2005, 17:04
O... pewnym stwardnieniu roz... i o ...prawie zawale

Zaznaczom że to co napisza to niy żodyn wic ani horror ino cołko cołkiym prowda

Leżołek se roz i dychołek w izbie po ciynszkij robocie a tu nogle prziszła ku mnie tako jedna somsiadka co była ...w moim guście :wink: . Zaczyni my łosprowiać ło różnych sprawach aż w końcu zeszli my na tematy khm khm :wink: :oops: :lol: . łona sie pochyliła ku mnie a jo łoboczył co nieco czym łona łoddycho. Zrobiyło mi sie ciepło i zaczonek sie seblykać , wtedy jej tyż zrobiyło sie gorko i tyż zaczyna sie ...seblykać. Zaczyni my sie gilgać tu i ówdzie aże zrobiyło mi sie duszno i krew zaczyna szybci krążyć :roll: :wink: . Nogle ... słysza zbliżające sie odgłosy kroków...
Wtedy żech sie skapnoł że to mi sie śniło a jo śpia i musza sie łobudzić, bo mnie nakryjom na spaniu, bo żech jest na szychcie w robocie . Budza sie , łotwiyrom łoczy, chca wstać ... a tu ... niy moga :roll: . Wszyćko mom ... stwardnione :oops: i niy moga sie ruszyć, a jo dalyj jezdek poseblykany :oops: :roll:, a odgłosy kroków coroc głośniyjsze. Zaczynom sie dusić , serce mi ścisko, krew niy odpływo od ... różnych części ciała , grozi mi zawał a jo dali ni moga sie ruszyć. Myncza sie i myncza tak cołki ... kwadrans, aż ...w końcu żech sie naprowda łobudził (ufff) cołki mokry i ..rozprażony a moja miała już ...dzwonić po pogotowie ratunkowe.
W taki oto sposób mało co abych mioł zawał serca i ... stałe stwardnienie wszyćkich kończyn ciała i niy mogłbych tukej pisywać tych fansolyń :roll: :wink: :D

wic - kawał
dychać - odpoczywać
seblykać - rozbierać
skapnąć - zorientować sie
szychta - dniówka w pracy
rozprażony- tu : rozgorączkowany

tomek1950
17-10-2005, 01:42
Bomba, zajrzyj do KK

jamles
17-10-2005, 17:02
czym łona łoddycho
to je balkon :wink:

tomek1950
17-10-2005, 19:50
:D Pieruny :D :D

tola
19-10-2005, 00:10
Bodziu...mówiłam, że jesteś Mocarz :D 8) :wink:

jamles
19-10-2005, 18:46
Osioł bez taszy

Roz w robocie jedyn osioł,
Kanś se swoja tasza posioł,
Kaj na drugie mioł śniodanie,
Sznity dwie i kompot z banie.
Ale głod mioł pieronowy
I sie wzion za żarcie trowy.
Do dziś zostoł przi tyj paszy,
Bo se jeszcze niy znod taszy.

Uwe i Wili

Uwe i Wili w jednej stali wili,
Uwe na wierchu, a Wili na dole.
Uwe spokojny nie wadzi nikomu,
a Wili wyrabioł choby we stodole.

To pies, to hazok, ciepoł w nim ryczkami,
Gupioł i turpioł durch trzaskoł dźwierzami.
A kady szczylać naczął z gazpatronów,
To dymu pełno było w cołkim domu

Uwe sie wnerwił i ślozł na dół do niego
I pado: "Wili, jo nie strzymia tego!"

A Wili na to: "Co komu do jemu, a jemu do komu,
Ty giździe pieroński, jo jest w swoim domu."

Uwe po gowie poskroboł sie ino,
Poszoł do siebie i coś medytowoł...

Rano Wili jeszcze na szezlongu chrapie,
Naraz mu coś z gipsdeki na kichol kapie.
Serwoł sie Wili, leci ku górze.
Stuk! Puk! Zamknione!!!

Filuje se przez dziurka: Hen Jezu, całko izba w wodzie,
A Uwe se siedzi z wendkom na komodzie.

"Was machts du, Uwe", "Jo se fisza łowie"
"Du bist Idiot, mnie kapie po gowie!"
A Uwe mu na to: "Co komu do jemu, a jemu do komu,
Ty giździe pieroński, jo se jest w swoim domu."

bodzio_g
20-10-2005, 22:54
O tym jak żech wywołoł ... katastrofa w Czernobylu

Dnia 25 kwietnia 1986 wieczorym pożegnołek sie z muterkom i z kamratami ( łobalili my pora halbów ), kiere mie wsadzili do cuga w Katowicach i ...pojechołek w siną dal.
Jak żech siod i jechoł niy pamiyntom, potym przesiodłek sie ranym w Warszawie do inszygo cuga co mie zawióz do N.D.M. W tym cugu straśnie mie ruła poliła , ale spotkołek warszawioka co go tyż ... ruła poliła.
Kole 8.00 wysiedli my w N.D.M. i kupili my se zeltry i ...jakiś utrwalacz .
Jak już wilgotność podniebiynia beła w normie to my zabrali sie do godki w jakim celu my tu sie znodli.
Okazało sie , że celem jest ... jednostka wojskowa . Po kilku utrwalaczach warszawiok pado , że nie pójdzie do woja za żodne skarby , a jo padom , że mie nawet atom nie ruszy.
Wieczorym trocha żech łotrzyźwioł i pomyślołek że dlo pokoju na świecie pójda jednak do tego woja.
Było już ćma jak my przekrocyli szlaban jednostki, a wartownik ino sie uśmiychnoł.
Borok niy wiedzioł że my uratowali w tyn sposób świat łod zagłady nuklearny, bo jak bymy prziszli po północy to na pewno by była wojna atomowo .
A jak bymy byli planowo czyli o 8 rano to i tyj pieruńskij katastrofy by niy było.
W tyn oto sposób tak jak Franek Dolas wpłynołek na ... historie świata w latach łosiemdziesiątych ubiegłygo wieku.

muterka - mamusia
halba - pół litra
cug - pociąg
ruła - tu - przełyk
zeltra - napój gazowany
borok - biedaczysko

bodzio_g
20-10-2005, 23:38
O tym , jak było we wojsku

We wojsku bardzo ... miło spędziłek piyrwszo nocka, bo byłek jeszcze w cywilnych łachach a kożdy mioł cóśkolwiek przemycone z cywila , więc godka była do samygo rana.
Wtedy prziszła pora na ... zmiana ciuchów i strzyżenie . Wtedy zapytołek sie sierżanta czy moga zatrzymać sobie jedna rzecz na pamiątka i pokazuja mu grzebiyń do włosów kiery mioł ... 30 centymetrów długości a jo mioł już włosy na ... 0,5 cm.
Szczewiki dostołek nr 45 a szłapa mom 43, ale kolega za mną, co mioł szłapa 39 dostoł ... tyż 45 . Potym delbeta , kompiel i na kompanio.
Tam dostołek sie pod dowództwo taki jednygo łod Białygostoku i ... wszyscy my "młodzi" bardzo go ...polubili :-? . Nawet dziś go pamiyntom jak nos ...musztruwoł .
Dobrze , że ino pół roku sie z nim mynczyłek a potym poszedłek na inno kompanio a łon dalij sie mynczył z "młodymi". A tyn cwaniok warszawiok co ze mną prziszoł do woja zaczon świrowac i za pora tygdni wyszoł do cywila .
Na odchodne chwolił sie sztymplym z wpisym " B-6 " czyli odroczynie na 6 miesiyncy. Biydok za pół roku prziszoł nazod do woja i ...odsłużył cołko służba . Jak jo wychodził do cywila to łon jeszcze pół roku musioł garować - ot cwaniok warszawiok niestety .. przedobrzył :roll:

jamles
21-10-2005, 20:26
O tym , jak było we wojsku

We wojsku bardzo ... miło
Tam dostołek sie pod dowództwo taki jednygo łod Białygostoku i ... wszyscy my "młodzi" bardzo go ...polubili :-? . Nawet dziś go pamiyntom jak nos ...musztruwoł .
:roll:
czy to nie boł jakiś szac od Toli :roll: :o 8) :wink:

tola
21-10-2005, 21:04
O tym , jak było we wojsku

We wojsku bardzo ... miło
Tam dostołek sie pod dowództwo taki jednygo łod Białygostoku i ... wszyscy my "młodzi" bardzo go ...polubili :-? . Nawet dziś go pamiyntom jak nos ...musztruwoł .
:roll:
czy to nie boł jakiś szac od Toli :roll: :o 8) :wink:

:o :roll: :o

tomek1950
21-10-2005, 21:57
Tyn warszowiok to nie był jo. Jo był w 1971. :o

jamles
21-10-2005, 22:11
O tym , jak było we wojsku

We wojsku bardzo ... miło
Tam dostołek sie pod dowództwo taki jednygo łod Białygostoku i ... wszyscy my "młodzi" bardzo go ...polubili :-? . Nawet dziś go pamiyntom jak nos ...musztruwoł .
:roll:
czy to nie boł jakiś szac od Toli :roll: :o 8) :wink:

:o :roll: :o
szac - narzeczony

8) :oops: :wink:

http://www.tomex.kom.pl/index.php?page=slaskie&page2=slownik

tola
21-10-2005, 22:13
...nie był... :( :wink:

bodzio_g
30-10-2005, 00:03
O...górnikach

Jeśli wtoś mi powiy , że górnik nic niy robi ino dużo zarobio , to go zaroz mazna w pysk :wink: :D . Wiela łon musi sie natyrać na dole a wiela na seblykać i łoblyjkać to ino łon wiy.
Bo dzicie łon prawie cołki dziyń sie seblyko i łoblyko. Rano wstaje z pryka to sie seblyko z piżamy i łoblyko do ciuchów . Po przyjściu na gruba i na łaźnia seblyko sie z ciuchów a łoblyko do arbajtu i ...idzie na zjazd szolą na dół. Tam ciynżko tyro ( ło tym kiej indzi ) cołko szychta . Po szychcie wyjyżdżo na wiyrch i idzie do łaźni kaj sie seblyko i sie myje . Potym sie łoblyko w ciuchy i jedzie ku chałpie . W chałpie sie seblyko z ciuchów "wyjściowych " i łoblyko ciuchy "domowe". Po łobiedzie seblyko ciuchy i oblyko arbajtciuch , coby cosik zrychtować przi chałpie. Za godzina abo dwie przichodzi Ecik - somsiad i pado : - Alojz , doś tego, podź se mną na piwo , muszymy pogodać . Wtedy tyn Alojz seblyko arbajtciuch i łoblyko ...ancug i idzie z Ecikiem na piwo . Po piwie wraco do chałpy i ... co robi ? Ano seblyko ancug i łoblyko ... zwykły ciuch coby siednąć do kolacyji i łobejrzeć co w TV. Na koniec seblyko wszystko i ... łoblyko piżama coby iść spać, bo rano zaś na szychta.
Czy wtoś policzył wiela razy tyn biydny górnik musi sie naseblykać i nałoblykać ?
Spróbujcie to zrobić bez jedyn dziyń, to łoboczycie jako to ciynżko i mitrynżno robota

maznąć - uderzyć
seblykanie i łoblykanie - rozbieranie i ubieranie
pryk - łóżko
gruba - kopalnia
szola - winda do zjeżdzania na dół kopalni
arbajt- tu ubranie robocze
szychta - zmiana na kopalni ( 8 godzin pracy )
tyranie - ciężka praca
zrychtować - wyszykować , zrobić
ancug - garnitur, ubranie wyjściowe

bodzio_g
30-10-2005, 17:44
O ... piyrwszej szychcie na grubie

Jak żech mioł piyrwszo szychta na dole to łoblekłech arbajtancug, bacioki, hełm na łaźni i poszełek na lampownia . Tam pobrołek lampa górniczo, maska przeciwpyłowo i poszełek na felezunek. Sztajger przidzielił mie do jednygo co sie już znoł na dole i łod tej pory może życie i rzić zalezało łod niego. Poszli my do szole , drzwiczka sie zawarły i ... jako to beła piykno jazda :roll: . Prędkość 12 metrów na sekunda żech jechoł pionowo w dół, dobrze, żech do galot niy narobił bo by beła gańba. Na dole my siedli do cuga ( takigo ciasnygo , że końduktor ni prziszół na kontrola biletów ), kiery nos zawióz na przodek . Kaj tam , do przodka trza było deptać jeszce 2 kilometry. Jak żech doszeł to już byłek cołki mokry ( z wysiłku i ze strachu) a tu trza było dopiyro zacząć robota !! Dobrze że mie potraktowali ulgowo i ino 3 godziny żech robił, bo wiyncyj to bych chyba podł na pysk. Potym zaś 2km do cuga , godzina cugiem pod szyb, szola w góra i ...nareszcie na wiyrchu po 7,5 godzinach szychty na dole. Na łaźni ni mogłek sie poznać - taki byłek mokry i czorny . Kompel mi sie pyto:
- no i jak tam szychta ?
- farona , gdyby nie tyn zygarek co mi sie należy po 25 latach na grubie to bych ... ciepnył tą robotą
- to ...wiela już robisz ?
- no dzisiok miołek piyrwszo szychta :wink: :roll: :D

gruba - kopalnia
felezunek- podział prac
szola - winda kopalniana
bacioki- buty gumowe
cug- pociąg

tomek1950
02-11-2005, 20:23
Bodziu, a marka to gdzie? :D

jamles
03-11-2005, 00:40
Bodziu, a marka to gdzie? :D
nie ściepoł i dostoł zaroz 1/4 co mu na Barbórka amnestionowali :wink:

bodzio_g
13-11-2005, 00:05
Bodziu, a marka to gdzie? :D
nie ściepoł i dostoł zaroz 1/4 co mu na Barbórka amnestionowali :wink:
jużech wyjechoł i ... marka ściepoł, bo do Barbórki niedaleko :wink: :D

bodzio_g
13-11-2005, 00:26
O ... Masztalskim jak był we szpitalu :roll:

Masztalski mioł wypadek na grubie i leżoł w szpitalu , podłączony do różnych aparatów. Wpado Maryjka i siado na rancie łóżka i pado:
- co ci to chłopecku? takiś ty borok ! cierpisz , ja ?
Masztalski ruszo gębom i pokazuje cóś rynką
- co to - lamyntuje zaś baba - napisać mi cóś chcesz? mosz tu kartka i ołówek
Masztalski pisze cóś i zamyko oczy
- tak żech bez chopa łostała! - lamyntuje baba i wzrok zatrzymuje na zapisanyj kartce
" Maryjko , pieruna, bier ta swoja rzyć z tyj ruły , bo dychać ni moga !!" :-? :roll:

ja - tak
rant - kant
rzyć - ... pupcia

tomek1950
14-11-2005, 03:02
Bodziu, jechałem kiedyś z Wiednia pojazdem przypominającym samochód. (tarpan) Spać mi się chciało okrutnie już na granicy. W Mikołowie, na stacji benzynowej, godzina była chyba 2 w nocy, podszedł do mnie jegomość i poprosił o podrzucenie do Warszawy. A ja miałem zamiar się zdrzemnąć. Zgodziłem się pod warunkiem, że będzie do mnie cały czas gadał, bym nie zasnął. Całą drogę do Warszawy opowiadał dowcipy o Masztalskich. Ani razu się nie powtórzył, a ja myślałem, że pęknę ze śmiechu. O senności nie było mowy.

bodzio_g
20-11-2005, 22:27
Bodziu, jechałem kiedyś z Wiednia pojazdem przypominającym samochód. (tarpan) Spać mi się chciało okrutnie już na granicy. W Mikołowie, na stacji benzynowej, godzina była chyba 2 w nocy, podszedł do mnie jegomość i poprosił o podrzucenie do Warszawy. A ja miałem zamiar się zdrzemnąć. Zgodziłem się pod warunkiem, że będzie do mnie cały czas gadał, bym nie zasnął. Całą drogę do Warszawy opowiadał dowcipy o Masztalskich. Ani razu się nie powtórzył, a ja myślałem, że pęknę ze śmiechu. O senności nie było mowy.
to nie byłek jo :roll: :P
pisołeś kajś , że ... zaniedbuja poezja ... jo ? jo ? poezja to jo mioł przed słubem a terozki to mom ale proza a nie poezja :evil: :wink:
poza tym do pisanio to jo taki skory jak ty w dzienniku :wink: .
Jo zanim cóś napisza, musza zrobić cołki tydziyń konspekta, scynariusz, schematy, układy a potym w niedziela ... nie wiym co pisać :evil:
Terozki cołki tydziyń skłodołek i skryncołek kabelki do sztromu ze śzwagrym i podłonczyliśmy je do napiyńcio z innygo źródełka . Wczoraj załonczyliśmy prąd i ...przy obwodzie gniozdek wywaliło :evil: . Szwagier ele(pst)ryk pado :- no to momy kupa :oops:
wszystkie gniozdka jo skryncół wiync ...jest fajnie . Ale ...przypomniało mie sie że jedno gniozdko na cołkim piyntrze słożył szwagier i ... ale skondże znowu szwagier elaktryk sknociłby robota. Już widza ta mina i ...dziwny usmiyszek na gambie. Rozkryncomy wszystkie gniozda (oprócz szwagrowygo) i łoglondomy co jest grane. Nikaj ni mogymy znolyźć usterki :evil: tzn zwarcio. Na koniec oglondomy gniozdko od szwagra i ...u niego żabka uszkodziła izolacyjo na kabelkach we puszce. Trza beło widziec jego gamba jako mioł :wink: :D

sztrom - prąd
gamba- ...buzia :wink:

tomek1950
20-11-2005, 22:33
Bodziu, dzięki za odzew, ale swagier to czerwonego kapelusza na grubie założyć nie może :D

bodzio_g
20-11-2005, 22:42
Bodziu, dzięki za odzew, ale swagier to czerwonego kapelusza na grubie założyć nie może :D
u nos na grubie czerwone majom ino ...nowoprzyjenci , ale takich już downo ni ma.

tomek1950
20-11-2005, 22:45
A nie elektryki?

bodzio_g
20-11-2005, 22:48
elektryki majom u nos ...zielone ( ino ni wiym czamu :wink: )

tomek1950
20-11-2005, 22:50
Jak jo robiył na grubie to miyli czerwone. Sztajgery i inne takie biołe, te co z dynamitem żółte.

bodzio_g
20-11-2005, 23:47
Jak jo robiył na grubie to miyli czerwone. Sztajgery i inne takie biołe, te co z dynamitem żółte.
co gruba to inaczy majom...

A wiysz jak to beło jak do Masztalskigo przyszli starzy kumple ?
ano stary masztalski usadził ich przy stole i pado
- fajnie coście tu prziszli ku mnie , pogodomy se , ale, ale , co to jo mioł zrobić ... a ... kawa miołek wom zrobić
poszeł robic ta kawa , podoł im ją i pado
- fajnie coście tu prziszli ku mnie , pogodomy se , ale, ale , co to jo mioł zrobić ... a ... kawa miołek wom zrobić
i znowu poszeł robić ta kawa , po chwili niesie ta kawa i pado
- fajnie coście tu prziszli ku mnie , pogodomy se , ale, ale , co to jo mioł zrobić ... a ... kawa miołek wom zrobić
i znowu robi ta kawa a ci kumple już ni mogom, bo to ...moczopendne jest , ale ...wypili ta 3 kawa i godajom
- wiysz , fajnie co my se tu posiedzieli , pogodali ale ...muszymy już iść .
No i idą se drogom ci kamraty i godajom miyndzy sobą
- pieruna , tym masztalski to mo już pierunowo skleroza , tyla czasu my u niego byli i ...nawet nom kawy niy zrobieł.
Na drugi dzień do masztalskigo przychodzi wnuczka i pyto sie dziadka , czy byli ci koledzy u niego , a on pado
- dobrze co niy prziszli , bo farona , nie dość , że ...kawy ni mom to jeszcze wszystkie szolki czorne i nie pomyte leżom w zlewie :roll: :wink: :D

szolki- kubki

tomek1950
21-11-2005, 00:17
Do Masztalskiej prziszła nachbarina i mówi: Ty se kup nowe gardiny bo ja widza jak wy ze swoim chłopem figlujeta.
A Masztalska: To ty se kup nowe brile bo jo nie ze swoim ino z waszym figluja.
:oops:

bodzio_g
21-11-2005, 00:24
Do Masztalskiej prziszła nachbarina i mówi: Ty se kup nowe gardiny bo ja widza jak wy ze swoim chłopem figlujeta.
A Masztalska: To ty se kup nowe brile bo jo nie ze swoim ino z waszym figluja.
:oops:
...a potym łona poszła do lykarza z nożym wbitym w kolano i pado , że chciała popełnić ...samobójstwo.
Dochtór sie pyto ,czamu wbiła nóż w kolano ?
- bo mi somsiadka pedziała , żeby trefić w serce , to trza cylować dwa palce poniżyj ...lewyj piersi :roll: :D

jamles
02-12-2005, 19:53
o lyniu już było na pierwszyj stronie, a że to choćby ło mnie :oops: to dom wom link
do bojki o szpetnym kaczorku, bo mie sie nie chce tela bymbnić w te knefle 8) :wink:
http://www.slonzoki.de/utopek/05/brzidkie_kaczontko.htm
na wieczor to mogiecie łopedzieć abo przeczytać swojim a może i cudzym bajtlom :wink:

bodzio_g
02-12-2005, 23:21
O utopku i smoku wawelskim

Tyj bojki dzieci, jeszcze niy słyszały,
Bo to bojka jest blank nowo,
Co zaś spochoł Meguś mały,
Poczytejcie słowo, w słowo.

W czerwonyj magierce na głowie,
Wybroł sie Utopek, na staryj kameli,
Poszukać w mieście Krakowie,
Cołkim nowych przijocieli.

Bo keryś kamrat mu pedzioł,
Na ucho w tajymnicy,
Ze Smok tam jakiś miyszko,
Wielki postrach okolicy.

Mo tam jakoś srogo jama,
Pod zomkiym królewskim,
Jest tam tyż zieleźno brama,
A w nij klucz diobelski.

Bezmała łogniym z pyskow,
Sromotnie smok pluje.
Na dokłodka młodo frelka,
Co wieczor łon potrzebuje.

Sztyry fury jabek w ciescie,
Siedmiogłowy gizd tyn zeżar,.
Nojszwarniejszyj dziywki w mieście ,
Jak niy dajom, zrobi pożar.

To mi styknie ! - padoł Megus,
Żeby śnim porządek zrobić,
Już niy bydzie tam tyn "Chlebuś",
Do swyj jamy dziywek wodzić...!

Jo cie naucza moresu,
Ty potworo z miasta Kraka,
Poznosz droga do Hadesu,
Jak zamiynia jo cie w raka.

Tak jak pedzioł, tak sie stało,
W wielki zmiynił go raczysko,
Bydzie teraz brakowało,
Smoka w Krakowie nad Wisłom.

Teraz tu w rybnickim morzu,
Smok po dnie se szpacyryje,
Bez to nom tu ciepłyj wody,
Nawet w zimie niy brakuje

autor : B. Dzierzawa

tomek1950
03-12-2005, 08:56
BALLADA O PIWKU


JEST TAKI NAPÓJ - MISTRZOSTWO ŚWIATA,
KERY TU WSZYSTKIM CHOPOM SMAKUJE.
CZY DO KRUPNIOKA ABO DO SKATA,
ŁON DO KOŻDEGO MIEJSCA PASUJE.
ROBI GO ŻYWIEC ,WARZĄ GO TYCHY
I JEST NA STOŁACH COŁKIJ EUROPY.
CZASYM NIY TRZEBA NAWET ZAGRYCHY
PIJOM GO WSZYJSCY , NIY INO CHOPY.
JEST PRZECA STARSZY NAWET ŁOD WINA
A W SMAKU NIY MO DLO SIEBIE RÓWNYCH.
PIJOM GO W GÓRACH I NA NIZINACH.
W EUROPIE JEDYN Z NAPOJÓW GŁÓWNYCH!
JAK JEST NA DWORZE PIEROŃSKO HICA,
A I WIATEREK ŻODYN NIY DMUCHA,
WTEDY CI INO ROZJAŚNI LICA,
ZIMNEGO PIWKA POŁNIUTKO KUFA.
W KUFELKU PIWA BIOŁY KRAGLICZEK
A POD NIM ZŁOTO Z SZUMYM BOMBELKÓW.
ŁOSTATNI ZA TO ŁODDOSZ GROSICZEK,
BYLE CI WLOLI KILKA KUFELKÓW.
LECZ JAK WYPIJESZ TROCHA ZA DUŻO
MOŻESZ MIEĆ W GOWIE POWAŻNE SZMERY.
WTEDY SIĘ TWOJA STARO ŁOBURZO,
ŻE I WYKRYNCOSZ TAKE NUMERY.
PIJOM SE PIWKO STARSI I MODZI
COŁKI ROK PRAWIE , NAWET I W ZIMA.
JAK SIĘ MO UMIAR TO NIY ZASZKODZI,
GORZYJ , JAK TEGO UMIARU NIY MA.
JEST NAZYWANE NAPOJYM BOGÓW
BESTO NIYKERZY CZUJOM SIĘ W NIEBIE.
PRZI KUFLU PIWA NIY MA TYŻ WROGÓW
LUDZIE SIE MAJOM BARZI KU SIEBIE.
MOŻNO DO PIWKA TROCHA POŚPIYWAĆ,
ABO TYŻ PEDZIEĆ PORA DOWCIPÓW.
PRZI PIWKU CZAS TYŻ MIŁO UPŁYWO,
DOCHODZI NAWET I DO ZOLYTÓW.
PIJMY WIĘC PIWO , BYLE NA ZDROWIE,
CZYLI INACZYJ – ZOWDY Z UMIARYM.
BO KOŻDY ŚLĄZOK DZISIOJ CI POWIY:
NIYCH ŻYJE PIWO – WIWAT BROWARY!




Henryk Polok

jamles
03-12-2005, 15:06
Tomek to napewno napisoł Polok :roll: jobych padoł, że Ślonzok 8) :wink:

tomek1950
03-12-2005, 20:02
Tomek to napewno napisoł Polok :roll: jobych padoł, że Ślonzok 8) :wink:
Ślonzok, ale familia Polok :D

bodzio_g
04-12-2005, 17:24
GÓRNICZY STAN
1.
Górniczy stan hej! niech nam żyje
niech żyje nam górniczy stan
bo choć przed nami dzienne swiatło kryje
toć dla Ojczyzny trud ten jest nam dan.
2.
Bo choć synowi podziemnych czarnych światów
każdy chętnie poda swoją dłoń
niech żyje nam górniczy stan górniczy stan
niech żyje nam.
3.
Czy nie słyszysz dzwonka z naszej wieży?
dzwięku kilofa, który wzywa nas
Hejże do szybu niechaj każdy bieży
i szczęść nam Boże zaśpiewajmy wraz.
4.
Bo choć synowi podziemnych czarnych światów
gdy wreszcie góry się zachwieją
i wróćmy bracia do światłości bram
wejdziemy wszyscy z tą błogą nadzieją
że słodka milość wzruszy serca nam.

bodzio_g
04-12-2005, 17:26
WALCZYK GÓRNICZY
1.
Gornicze skarby pod Ziemią
glęboko ukryte drzemią
na ścianach, filarach, górnicza już wiara
wykuwa do skarbów drogę.

2.
Jo śląski pieron spod Bytomia
wydobywom węgiel każdego dnia
a tam na wiyrchu słoneczko lśni
żonka się krząta, syneczek śpi.

3.
Górnicza lampa się pali
to słoneczkow naszej kopalni
kombajnem dziś węgiel spod ziemi dobędę
dla fabryk, dla wsi, dla miast.

4.
Jo dzielny górnik silny jak tur
wydobywom węgiel każdego dnia
a tam na wiyrchu jest domek mój
w nim staro czeko, dziubeczek mój.

bodzio_g
04-12-2005, 17:37
Górnicy, górnicy...

Górnicy, górnicy
co węgiel kopiecie
o świecie nie wiecie
pod ziemią siedzicie

Na świecie na świecie
słoneczko nam grzeje
a u nas w kopalni
pot ciągiem sie leje

Na wiyrchu dziołchy
przy bramie czekają
na spacer z chłopami
już sie namawiają

Jak bedzie wypłata
z pieniędzmi przyjdziecie
to z nami dziołchami
se potańcujecie

Bo górnik chop szwarny
rad w końcu wywija
i pięknej muzyczki
z kochanką nie omija

bodzio_g
04-12-2005, 18:00
MODLITWA DO ŚWIĘTEJ BARBARY

Barbaro, Patronko święta,
o górnikach twych pamiętaj.
Strzeż nas od wszelkiej przygody,
żywiołu ognia i wody.

W złej godzinie śpiesz z pomocą,
czuwaj z nami dniem i nocą.
Święta Barbaro, podziemi Pani,
bądź zawsze z nami.

Kilofem rwąc węgla bryłę,
krzepną dłonie nasze w siłę.
Lecz Ty, twych synów wysłuchaj,
Ty im dodaj siły ducha.

Wspieraj w walce z pokusami,
módl się i wstawiaj za nami.
Święta Barbaro, podziemi Pani,
bądź zawsze z nami. Amen.

bodzio_g
10-12-2005, 19:54
O ... roratach

- Wstowej! A gibko, bo przidziesz prawie ksiyndza seblykac, jak sie tak bydziesz grzeboł... - moja Starka zowdy ciepła przi budzyniu jakies zartobliwe powiedzonko. A godała to bez nerwow, dlo szpasu, bezto dziyn zaczynol sie od usmiychu.
Za oknym bylo jeszcze blank cima, ale kaj niykaj juz widac bylo swiatełka w oknach somsiednich chałpow. Wartko zech sie oblyk, przemyłech slypia lodowatom wodom, wzionech taska z ministranckim ancugiym, taszynlampa i w droga!
Jeronie, jakech sie musiol mocowac z tymi dzwiyrzami, coby sie nimi przedrzic bez ta zaspa sniegowo... Biołego puchu było po kolana, a jeszcze nikt z chałpy niy wylaził, toz piyrsze kroki stawiołech, forsztelujonc se, zech je zdobywcom bieguna. Dalij szło gładzij, bo na tretuarze ludzie wydeptali juz wonziutko sciyzynka. Pod nogi swiyciłech se latarkom (jako ministrat czułech sie zwolniony od noszynia lampionu). Ale przedy mnom i za mnom szły bajtle z przepiyknie zbajstlowanymi krzineczkami na swiyczka (nowoczesniyjsze były na bateryje). Tuz przed dzwiyzami kosciola trefiłech szkolnego kamrata. Achim juzas mioł kapse wypchane jakimis szpargałami. Rozglondajonc sie po tajniacku wyjon jakis malynki pakecik.
- Wiysz co to je? - spytoł.
- Niy... - padom wyciongajonc po to rynka.
- Przidzie czas to obejrzysz - wigyjcowsko mrugnył do mie i wraził pakiecik nazot do kapsy.
Niy miołech za wiela czasu na łosprawianie, toz machnyłech rynkom i poleciołech do zakrystie sie przeblyc. Tam juzas bylo larmo, bo jedyn synek wzion ministrancko kiecka drugimu. Trza sie bylo jednak drap uwinonc, bo prziszoł farorz, a z nim zartow niy było.
Drynknył dzwonek i przi roratnij piesniczce wylezli my na kosciół. Bajtle stoły na samym przodku z migoconcymi lampionami. Łoroz jak niy zaczyło strzylac z lewa i z prawa. Nikt niy poradził spokopic skond te larmo! Ale jo juz wiedzioł, jakech ino wejrzoł na rozesmiano gymba Achima. Farorz wszystkich spieronowol wzrokiym, aze sie uciszylo... Dopiyro przi wyjsciu z koscioła Achim pokozoł mi puste pudełko na plaspatrony... Było z tym synkiym trocha utropiynia, ale tyz lepij sie te roraty zapamiyntało... :-)

autor- Beszad

taszynlampa- latarka kieszonkowa
forsztelujonc se - wyobrażając sobie
tretuar- chodnik
bajtle - dzieci
zbajstlowane - zrobione
spokopić - zorientować sie
plastpatrony- kapiszony

tomek1950
10-12-2005, 23:20
Pisz, pisz Bodziu, publikuj. Fantastycznie się czyta :D
Mazurski Gorol z Warszawy :wink:

bodzio_g
11-12-2005, 08:40
Pisz, pisz Bodziu, publikuj. Fantastycznie się czyta :D
Mazurski Gorol z Warszawy :wink:
cheba inoTy tukej zaglondosz i sie łodzywosz , ale ...dobre i to :wink:

bodzio_g
11-12-2005, 08:52
Ślonsk

Witej ślonsku piykny i miły
w tobie żyć...daje dużo siły !
Ślonsko ziymia ślonski luft i my na tyj ziymi,
to coś do czego wszyscy stamtond pochodzoncy tynskniymy.
Ślonsko godka wyrożnio sie łod innych
to nasza mało tajemnica łod pokolyni.
Miyszkać na Ślonsku to wielko uciecha
szczegolnie ulubiono jest domowa strzecha.
Ślonsk to kraina naszego pochodzynia
skond sie łona wziyna tego to ja niy wia.
Wiym za to bardzo że to ziymia nasza
łod pokolyń broniono i mało ojczyzna nasza.
Wielko jest Polska jeszcze wiynkszy cały świat,
nasz Ślonsk to Ślonzokow mały ,a zarazem cały świat.
Goscinny Ślonsk przygarnoł ludzi pełne rzesze
kere latami u nos robiom, ku wielki uciesze.
Jak tak dali pudzie bydymy takimi
jakimi chcom być wszyscy - co sie polubili.

autor - Dana

bodzio_g
11-12-2005, 08:55
Do Policje mieli zatrudnić nowych pracowników. Zgłosiły sie trzi blondynki.
Ale nojprzód trza by im zrobić mały test, czy sie nadowajom...
Wołajom piyrwszo s nich, pokazujom jij fotka faceta z profilu i kożom coc ło nim pedzieć.
- Łon mo jedne ucho - pado kandydatka na policjantka
Ale gupio. Wyciepli jom. Wołajom drugo. Te same pytanie...
- Czy łon ni mo jedne ucho?
Zaś ta wyciepli. Wołajom łostatnio kandydatka. Pytanie lo tego chopa...
- Łon nosi chyba szkła kontaktowe...
Komisjo robi wielgie łoczy, sznupie we papiorach - znodli... richtig łon nosi szkła kontaktowe...
- Skondzeście wiedzieli, co łon nosi szkła... - pyto sie komisjo
- To proste... - łodpedziała blondina - łon niy może nosić brylów, bo mo jedne ucho...

tomek1950
11-12-2005, 12:19
:D :D :D

tola
11-12-2005, 20:34
cheba inoTy tukej zaglondosz i sie łodzywosz , ale ...dobre i to :wink:

a o mnie zapomniałeś? :( o wiernej czytelniczce 8)

tomek1950
12-12-2005, 00:53
Bodziu, mosz u mnie kszynka piwa :D

bodzio_g
12-12-2005, 07:29
Tomek i Tola - zapisołek wos w kapowniku i ...sie nie wyprecie coście tukej napisali

"Ojczyzna - ślonsczyzna" - profesor Jordek

Do Slązakow przylgnęło słowo: Pieron. W Polsce mówi się: ”To są pierony ślaskie”, ”znów te pierony przyjechały”. Sami Ślązacy, słysząc to nie sprzeciwiają się temu – ba! – w piosence spiewają sami o sobie: ”Jam śląski pieron spod Bytomia”. Okreslenie”pieron” przyjmowało tu różne znaczenia. Dawniej było przekleństwem. Jeśli ktoryś z naszych ojców w gwarze zaczął pieronować – matki mówiły: Przestoń przeklinac, bo z dna piekielnego nie wyjdziesz... lub Jak ty przed tymi dzieciami wyglądosz, Boga się nie boisz. Młode pokolenie Ślązaków coraz rzadziej mówi: – Pieronie. Przeszło na bardziej soczyste przekleństwo, zaczynające się na literą ”k”. Pamiętając dawniejszy język górników np. oczekujących na zjazd na dół, czy wyjazd z kopalni, grających skata słyszy się jeszcze:

- Na pierona mi to (po co mi to). –
- A pieron go tam wie (nie wiem, nie wiem, co o tym sądzić, kto go tam zrozumie)
- Co za pieron z niego (jaki to mądrala, cwaniak, oszust)
- Kii, pieron...
- Pieron na pieronie nie pozostanie (wszystko zaniknie, nic nie pozostanie wszystko zostanie zburzone, zniszczone)
- Za pierona tego niy znojdziesz.
- Kaj go tam pieron poniosł (kto mu tam kazał iść, jechać).
- Pieron by mi kozoł (nikt mnie do tego nie zmusi).
- Niech go pieron trzasnie...
W wypowiedziach dawnych górników była również używana forma – ”pieronek”, odnosząca się głównie do małych chłopców:
– To ci pieronek (mądrala, chytrusek, cwaniaczek).
– Jak jo tego pieronka chyca...
Stosowana była także forma przymiotnikowa
– pieroński, pierońska, pieronskie w sensie zły, zła, złe np.
- pierońskie porządki (złe porządki), pierońsko pogoda (zła pogoda), pieronskie czasy (złe czasy).
Rzadko spotykało się formę żeńską w sensie: pieronica. Mówiło się raczej:
– Mom pierońsko baba – czyli kobietę żandarma, baba Herod. Osoby wymawiające ”pieronie” (nie w złości) nie przywiązywali do tego specjalnej wagi. Nie używający tego zwrotu odbierali to natychmiast jako drażniące ucho przekleństwo. Kiedyś w Lędzinach ksiądz chodzący po kolędzie został powitany przez gospodarza:
– Szczęść Boże, farorzyczku. Witom wos piyknie... Ale, pieronie nie łotrzepujcie tak tego śniegu z butów, ino wchodźcie!
– Gospodarzu, nie przeklinajcie – zauważył ksiądz
– Przeca jo, pierona nie klna...

sebo8877
13-12-2005, 09:08
Witom serdecznie
Dopiyro teraz ech trefiył na te nasze godani. Stąd tez witom szystkich serdecznie i wyrażom swoj wielki podziw dla bodzio_g .
Jesz es wielki - i wcale ni beztosz że pijesz mlyko yno beztosz że tak piyknie łosprawiosz o naszym godaniu. Tak czimej jo jes z tobom jak cza cosik połosprawić służa pomocom mimo tego żech z tych mynszych slonzokow i pomimo tego żech wyjechol za babom aż na podkarpaci.
Teraz tu je moja chłupa kiero nieustanie remontuja ale sercym i duszom zawsze byda slonzokiym i nikt mi tego nie odbiere.
Wszyskim pod koniec winszuja wesołych gorkich i festelnie piyknych świat bożego narodzynio by dzieciontko przinioslo Wom to coście se wymarzyli.


Dzieciontko - U kazdego cos innego ogólnie ten co przynosi prezenty 24 XII. U jedych gwiazdka u innych Mikołaj a u nas Dzieciontko:)
Beztosz - dlatego
Gorkich - ciepłych goracych

A reszta chyba rozumicie :)
sebo8877

bodzio_g
13-12-2005, 19:20
Witej Bastek w ... klubie :wink: :D
mom nadzieja że nakryklosz tukej cóś jeszcze , bo mi to licho idzie.
czekom na jakie ciekawe historyje z Twoigo życio

bodzio_g
13-12-2005, 19:53
Z pamiyntnika .... karlusa

Bendonc.... młodym karlusym... 24 lata tymu 12.12.1981 byłek u kolegi na geburstagu tzw łosiemnioska. Beło hucznie i wesoło, gorzołka i piwo my pili, musik groł ze szrancka, kupa godki i balety :wink: :D
Fredek Mercury i Beatlesy ciupały na całe galoty, aż tu nagle ... film sie urwoł. Szrank przestoł grać , w tivi zrobieł sie śniyg :o :evil: .
- Farona - przez te Twoje waty na szranku elektrownia przeszła na ... dziesionty stopiyń zasilanio , sztrom za rzodki , abo śniygiym nos zasuło - godomy do jubilata. Borok mioł jednak Quinsów na taśmie i jakoś tam my dalij sie bawili
Dopiyro w połednie my sie dowiedzieli, że skuli ...przeciążynio sieci energetycznyj nasz naczelny Wojtek wprowadziył stan wojynny :roll: :-? :evil:

szrank - szafa
sztrom- prąd

tomek1950
14-12-2005, 00:39
Bodziu, pamiętam ten wieczór 12.12 81 i poranek 13.12. A połowa ludzi nie wie o co chodzi :o
Pozdrawiam Ciebie i Sebo

wilcza75
14-12-2005, 07:24
Witam
Czytam pierwszy raz i widzę ciekawie tutaj.
Zajrzałem tu przez przypadek bo ujrzałem wpis dawnego i przyszłego krajana [dzień dobry/noc Tomku1950].

Ależ bajerant z Ciebie Bodziu_g. No No :lol:
tomasz

bodzio_g
14-12-2005, 15:35
Z pamiętnika dziadka Johana z Tychów

„ Stan wojynny ”


Sztrajk na „ Piaście ”, njy boł jeno najdukszym i nojwjynkszym protystym polskich robotnikow we grudniu 1981 roku, nale njyspotykanym we cołkim śwjycie. Dwa tydnje pod ziymjom we cołkim zagrozynju. Protyst zaczło łokoło 2000 bergmonow, do końca zasik dotrwało ich myńszo połowa. Cza bouo przetrfać njy ino we ciynżkich fizycznje, nale psyhcicznjy warunkach. Kożdy ze nos narażoł swy zdrowje, a nawyt i życie. Wszyjstcy we kraju juze sie poddali,
eli łostali pokonanji bez milicyjo i wojokow. My zasik trwali do końca solidarni i czynsto ze pustymi żołondkami czekali my na szczyńśliwe rozwjonzanjy. Njy pokonoł nos wtedy, jak sie go pjyknjy nazywało „ wymiar sprawjydliwości ”. Wtynczos łorganozatorow i uczystnikow straszyli najwyższymi korami do roszczylanjo włoncznjy.
Mogymy Pon Bockowi dziynkować, ize mieli my takigo Dyrechtora, kery sprzeciwjoł sie bandyckim sposobom rozwjonzanjo sztrajku. Pedził komisarzowi, kery wtedy rzodził grubom ( boł to pułkownik lotnictwa ),
ize łon jako łodpowjedzialny za zycie załogi njy prziłoży rynki do rozpylynjo gazu we grubowych chodnikach.
Straszyli tys nos wodom, zbrojnym desantym i nynkali psychicznjy fałszywymi alarmami i prowokacjami.
Dochtory kerzy sjyzdżali na doł, po wyjeźdzje na wjyrch godali komisarzowi, ize po tak dugim czasie przebywanjo pod ziymjom organizmy naszy som tak liche, ize napywno łodbije sie to na naszym zdrowju.
A kejby puścili gaz, to połowa ze nos by tygo njy przeżyła.
Siłowe rozwjonzanjy sztrajku na naszyj grubie przewidywało :
1. uderzynjy grupy antyterorystycznyj
2. zatrucjy gazami obezwładnjajoncymi
3. zatrucjy wody we lajtongach ( wywołanjy biegunki )
4. łodciyncjy dostaw zywności łod 23.12. ( plan zrealizowano )
(...)
Njy myście se, ize my tam ino jydli i spali. Bez cołkje dwa tydnjy naszy życie boło zorganizowany. Jo i moji kamraci elektrykorze pilnowali coby nikaj njy brakło sztromu i plompały wszyjstkje plompki, keby ściany i chodniki njy potopioło. Dbołech tyż ło łonczność, kero boła poczebno mjyndzy wszyjstkimi grupami bergmonow rozsionych po dole. Beztosz tyż wjedziołech co sie kaj dzjyje, znołech nastrojy kamratow i jak wojynny koryspondynt wszyjstkoch łopisywoł. Mjarkujcie se, ize dziynnjy ło dziewjontyj wjecor bez GTL-e
( głośno mówiące telefony liniowe ) rozlygoł się „Kabaryt”, kery choć trocha doł sztrajkujoncym łodyrwać sie łod rzeczywistości. Musza tyż pedzieć, ize wjerszyki i pjeśniczki keje my tam słyszeli, a njyroz i wice boły naszkryflane bez samych sztrajkujoncych.


Przeciw narodowi

Trzinostygo grudnia , cołki narod sie głowi ,
Wypowjydzioł Wojtek , wojna narodowi .
Ze pomocom ZOMO i gumowyj pały ,
Probowoł nom wybic naszy ideały .

Cołki narod zgupjoł , wodzow pozawjyrali ,
internowanjym – bicie mianowali .
Żodyn prowdy njy godo, gazety cyganiom ,
Myśloł se Wojtek , ize narod złomje .

Bergmon Piasta i Wujka na sztyry szłapy kuty,
Sztrajkujom inne gruby, tosz i stojom huty.
Przi pomocy ZOMO i twardych narkotykow,
WRON-a probowaua zdusić robotnikow.

ZOMO się dopuszczo bratobojczyj walki ,
Przeciw robotnikom karabiny i pałki .
Wojsko stoło ze boku , mjyszać się njy chciało,
Tosz ZOMO same, na matki i zony naciyrało.

Kożdy ze nos twardy, njy poddo sie juncie,
A wy matki , żony w gymba im plujcie.
Njy dejcie się bracio, broncie się i siostry,
Njy pomoże juncie, nawet terror łostry.

Krziwda norod cuje, ło swoji się bije,
Bo wodzow we maras, ZOMO wdeptuje.
Mocni się cujymy, bo we dobryj sprawje,
Siłom pokonomy przemoc i besprawjy.

pisownia oryginalno , autor Johanek

bergmony - górnicy
lajtong - rura z wodą

bodzio_g
14-12-2005, 15:39
Z pamiętnika dziadka Johana z Tychów c.d.

Ponjydziołek 14 grudnia

Ponjydziołek je drugim dnjym stanu wojynnygo. We tyn dzionek chyba cołko załoga kero prziszła do roboty niczygo dobrygo njy mogła łoczekiwać.
Skuli zamyntu na wjyrchu, I zmjana sjechała troszka niskorzij i to dopjyro po tym jak chopy ze Zakładowygo Komitytu Robotniczygo NSZZ „ Solidarność ”, wytuplikowali zebranym na cechowni bergmonom jaki grozi im njybezpjeczyństwo ze strony władzy. Na łobydwóch poziomach zmjana I przeleciała bez nojmnjyszygo problyma .
Dopiero kej zacon się wyjazd ze poziomu 650 , keryś ze bergmonow PRG staroł sie namowić reszta ludziskow zebranych we poczekalni ło zamiarze łostanjo na dole. To wystompjynjy dało poczontek protystu,
kerego zakończynjy żodyn njy mog se wyłobrazić.
Do czynści załogi zmiany I , zaroski po sjyździe na doł wele podszybio dołonczyła zmjana II ,
zasik na poz. 500 m boło normalne wydobycjy . Jo we tyn dziyń mioł III zmiana i kejżech wychodzioł nanja ze chałpy wele połdziewjontyj na wjecor njy zdowołech se sprawa ze sytuacyji jako namje czeko na grubje.
Kej my sie wszyjstcy przeblykli i poleźli na nadszybjy keby sjechać na doł, łokozało sie ,
ize njy dajom nom tygo zrobić skuli jejigo wstrzimanio. Wjyrch mjarkowoł se, ize na dole,
łoczym my njy wjydziyli trwoł sztrajk. Dopjyro po intyrwyncyji rosjuszonych grubjorzy u zastympcy dyrechtora,
sjechali my na doł. Wtynczos się stało, ize cołko zmjana III dołoncyła do ryszty załogi ze poprzydnich zmjan.
Zaroski kej my sjechali poleźli my na mjyjscy kaj zgromadzioła sie protystujonco juści załoga.
Tamkej zapoznali nos ze panujoncom sytuacyjom.

Ta pjeśniczka na melodyjo „ Chłopcy radarowy ” Andrzeja Rosiewicza njych bydzie pzrikłodym naszygo bojowego nastawjynio.

Tam na wjyrchu wojsko stoji,
Cofo sie, bo brak im woli.
Leci ku nim som jeneroł,
Bo ze zadku ZOMO go popjyro.

Refryn : Jadom, jadom chamy,
Doszli już do bramy.
Ludzie ich wszczimali,
Łoni się cofali.

My siedzymy tu spokojnjy,
Wjyrch myślom durch ło wojny.
ZOMO siła pokazuje,
A komisorz smjyrć łobjycujy.
Refryn :
My im naskwol tu siedzymy,
I sie teroz zastawjymy.
Wszyjstkje szyby i łotwory,
Wjyrch zaś nom, njych liże wory.
Refryn :
My szkryflomy postulaty,
Łoni dzielom, je na raty.
My na pywno to wygromy,
I rzodzoncych powjeszymy.

bodzio_g
14-12-2005, 15:43
Ależ bajerant z Ciebie Bodziu_g.
tomasz
O niewierny Tomaszu !! :wink: prawie wszyćko co jo opisuja to ... świynto prowda , reszta to przedruki i ...tyż świynto prowda

tomek1950
14-12-2005, 22:45
Jest prawda, świnto prawda i g.... prawda :wink:
Bodziu, szrajbuj. Nawet te tragiczne kawałki czytam z przyjemnością. Doskonale pamietam te czasy i nie mogłem zrozumieć jak ci ludzie byli w stanie tyle czasu DOBROWOLNIE wysiedzieć pod ziemią. Ja czasami siedziałem 10 godzin i wyjeżdżałem ledwie żywy z mocnym postanowieniem, że następnego dnia nie zjadę. Zjeżdżałem, bo taka była moja praca, a szefa moje wrażenia z dołu nie interesowały.
Pisz proszę.

sebo8877
15-12-2005, 14:20
Czejś Wom wszyskim
Jo też Wom w takim razie opowiym moji zarzyłosci z Grubom.

Było to w siodmej klasie piyrszej szkoły czyli podstawowki. Na samym poczontku we wrześniu czy cos kole tego. Nie bardzo mi sie chciało uczyć i zadeklarowoł ech piyknie w doma że po podstawowce ida do zawodowki gorniczej i wala na gruba. Przeca moj starzik, ujec łojciec wszyscy robiom na Grubie to czamu ni mom i jo robić. jako że czasy byłu nie Ciekawe władza zaczynała szabrowac tyn kraj - kontunuje zresztom do dzisio - lata 90 moj tata wzion mie na gruba żeby mi jom pokozac. Je maszyniokym tak wiyn siodech do kibla - wiym że nie wolno ale siodech i pojechali my na 800. jakis jego komple mie tam zakludziyli. Kaj mie zakludziyli - na som przedeczek tam kaj jest tak 40 stopni cesjusz wali na dekiel, gorko jak pieron, dychac ni ma czym, cima jak u murzina w rzici, rynca wyciegniesz to jom nie widac. Bołech tam moznej z 10 minut - pokozali mi wszysko kiety z pancra - kieru w każdej chwili może sie urwac i po chopie, pokozali jak to wszyso czeszczy gwiżdze i sypie sie nalep, pokozali mi te pól metrowe pokalday kiere trza wybrac na leżonco. Pokozali mi prawdziwo Gruba.
Wyjechołech na wiyrch nic ech nie robiył - w łaźni szorowołech sie z poł godziny a i tak ech sie pomijoł i sie nie domył. przijecholech do dom. Zastanowiył nad swojom przyszlosciom i stwierdziył ech że nie pójda tam robic za rzodne skarby i piniondze.
Bestosz jeżeli ktos mo jakis problymy ze gorniki zarobiajom tela czy tela , ze majom pyndzyjo po 25 rokach roboty zaproszom na 1 jedyn szychta - a gwarantuje że zmieniom zdani.
Dzisio mom 28 lot skończono Politechnika Ślonsko - robia w zagranicznej firmie - mom to co mom - a wszysko jakby sie na to nie dziwac zawdziyńczom GRUBIE i mojimu łojcu kiery tez je dumny z teego że mo w rodzinie piyrszego inzyniera - bo on żył w takich czasach że było mu zakozane iści na studia.
To tak na marginesie dlo wszyskich tych kierzi nie chcom sie zbytnio uczyc
Pozdrowionka
sebo8877

bodzio_g
15-12-2005, 15:29
Dzisz Seba - jakby nie gruba ,....to byś lumpym łostoł :wink: :D

bodzio_g
15-12-2005, 15:38
Komgrole i chroboki

W mojij putni som komgrole
co mjyszajom jak gorole !
Zanim czowiek sie skapuje
taki komgrol już grasuje !
Puszczo maile i pomału
doprowadzo mje do szału !
Poprzestawioł mi litery ,
a mje z nerwow gnijom nery !
Już ni wspomna cyfrobrokow -
-komputerowych chrobokow !
Te dziepjyro tu skokajom
i mi wszysko przestawjajom !
Już se s nimi nie wjym rady
taki to som wredne gady...

autor - Jyndrys

bodzio_g
15-12-2005, 15:52
Stringi

-jakie miano po naszymu, noszom "stringi" ?
- nici, we rzici -

- czym sie rożniom stringi, łod piły ?
- niczym - ( to sie wrzino i to sie wrzino )


- czym sie rożniom stringi, łod richticznych majtek ?
- downiyj, keby łoboczyć goło dupa, cza boło łodchylić majtki !
- teroski, keby łoboczyć stringi, cza roschylic połdupki !

tola
15-12-2005, 19:12
:D :D :D dobre

sebo8877
16-12-2005, 07:24
Jo znom ze stringami trocha inakszy

Czym sie różniom Stringi od piły tarczowej ??

Niczym i tu i tu chwila nieuwagi i palce w rzici :)

sebo8877

17-12-2005, 01:06
:D::wink:

bodzio_g
17-12-2005, 09:47
Z pamietnika dziadka Johana z Tychów c.d.


Czwortek 17 grudnia 1981

Życie na dole nabjyro tryści . Trzyci dzionek sztrajku je cołkjym znośny, a kożdy ze nos dostaje zakrys swoich łobowjonskow. Ze wjyrchu dostajymy przemycone wiadomości i dowjadujymy sie ło tragedyji na „Wujku”. Teroski już wjymy, ize muszymy wytrwać jaknojdużyj i wygrać ze cygaństwym….. Komisorz zwołuje sztab kryzysowy, ale ze tygo co wjymy pod grubom nima wojska, ani ZOMO. Dociyrajom do nos wjeści, ize som przimjarki do zatrucio kopalnianygo luftu gazami….. Żodyn tys, ze nos njy wjy co dziyjy sie ze chopami na „Ziymowicie”. Za wszylko cyna chcymy śnimi nawjonzać kontakt, tosz we kierunku somsiadujoncyj ze nami gruby wysyłomy pora bergmonow, keby zaciongli jynzyka. Do kontaktu njy dochodzi skuli zatopjonygo chodnika granicznygo. Tosz po dukszyj naradzje zadecydowali my dotrzić do „Ziymowita” bez pozjom 500. Pod wjecor tygo samego dnja, pomyśnjy wroco delegacyjo, a śnimi pora chopow ze Ziymowita. Terosku już wyjmy, ize tam sztrajkuje wele 1400 chopow, a sytuacyjo ze jodłym wyglondo gorzij niźli u nos. Chocioż myslom, ize się to poprawi, bo zajynli komora MW ( materiałów wybuchowych ) ze 8 – mjoma tonamy dynamitu, a tym samym majom fest atut. Ci co łodnos wrocali łobładowanji byli kej jakisik kamele, na puklach niośli jedzyni i cygarety….. We jednym ze mjysc we kerym żyli sztrajkujoncy, łodprowjało sie nabożyństwo i boło łono transmitowane bez GTL-e. Nogle bez ty gośniki rozlygo sie głos nawoływujoncy do łobrony jednygo ze naszych prziczółkow na kery napjyro atak. Wszyjstcy jak jedyn chop ruszyli we wskozanym kjerunku, byli i tacy, kerzy łoblykali sie we bjygu. Njy bołech we wojsku, ale we tym momyncie pocułech kejbych boł na wojnjy. We chwila potym wszyjstko prziszło dosia i łokozało sie, ize tyn alarm boł fałszywy. Jeszcze my njy łochodli po jednym, a tukej łogłoszajom drugi, nale i łon łostaje odwołany, widać, ize keryś ze nos njy wyczimuje nerwowo i mo łomamy. Niskorzij naszli jydnygo ze bergmonow, kery zaszył się we koncie i zachowywoł sie inakrzij niźli pozostali. Mioł wyłupjasty ślypja i cosik we kołko mamrotoł, chyba dopadła go depresyjo. Stan psychiczny chopa wymogoł jygo wydanio na wjyrch. Keby uniknońć podobnych sytuacyji, łod tygo momyntu powołano do życio patrole, kerych zadanjym boło bjyżoncy kontrolowanjy ważnych strotegicznjy punktow......

O losie

Górniczo mynczarnja , naszom njydolom ,
Fedrujymy wongjel , aże nos gnaty bolom .
Durch fedrujymy , aże we łocach ciymno ,
A we naszych chałpach , ciyngjym zimno .

Elektrownie wongiel polom , turbiny terkocom ,
I durch za wschodnio granica, wywożom go nocom.
Leci szychta za szychtom, aze pot ze czoła kapje,
Leci Wojtek do Moskwy i po drodze sapje.

Narzyko borok, ize wongla brakuje,
Solidarność mu durch rynce kupluje.
Na „Piaście” sztrajkujom i njyroby leżom,
Jednak Wojtkowi Sowieci njy wjerzom.

Wziońć im wolne soboty, njych ich krew zalywo,
A tymu co chce polić, njych se rombje drzywo.
Prikazy Wojtek, do kraju prziwozi,
We zamjan tygo, naszy dobro wywozi.

Myśloł Wojtek, ize styknom ciepłe słowka,
Za njydziyla partyjno ciepnjy nom złotowka.
Pralka, telewizor za njydziela i śwjynto,
Wolnygo njych robol, cołkjym njy pamjynto.

Ze dołu njy wyjyżdżo, tyn ryl popaprany,
Zasik ich matki napjyrajom na gruba bramy.
Bergmon sztrajkuje, robić mu sie njy chce,
Na jich njyszczyńście myśli i cosik zychce.

autor - Johan
pisownia oryginalno

bodzio_g
18-12-2005, 01:58
O ... porzondkach przed świyntami

Co rok na świynta robiemy porzondki w chałpie. Jo tyż robia porzondki. Zawsze na świynta porzondkuja ... kasety z filmami , wkiere zech nagroł w czasie poprzednich świont. Musza je wtedy gibko łobejrzeć , cobym mioł kaj nagrać nowe filmy we aktualne świynta, tzn filmy z dzieciontka łoglondom przed zajonczkiem, a te z zajonczka łoglondom przed dzieciontkiem. Zabiyro mi to cołki czas przeznaczony na sprzontanie, a potym to jo jest taki zmynczony tym fechtunkiym, że zaroski mi sie chce spać. Dobrze że moja staro niy cyto co jo tu maluja bo by mi zaroski wkulała po grzbiecie, a jo mom jeszcze ...pora kasetów do wysprzontanio na jutro i na cołki tydziyń do świont.

tomek1950
18-12-2005, 14:46
:D :D Bodziu, niemogę, pęknę ze śmiechu. :D To sprzątanie super. Mnie dziś też zapędzili do sprzątania, ale kaset nie pozwolili sprzątać.

bodzio_g
18-12-2005, 15:55
Z pamietnika Johana z Tychów

18 grudnja 1981

Łod samusjyńkigo rana przichodzom wjyści, ize pod brama gruby podjechały trzi SKOT-y wroz ze wojokami. Na jich widok, nogle śleciały sie pod gruba babecki ze pobliskich chałpow i we lamyncie stanyły sztrabom. Tak lamentowały, aze keryś ze wojokow wytumaczył jim, ize ino przijechali po matyrioł wybuchowy, kery został wydany ze poziomu 500. Po załadunku łodjechali, ale babom to dali njy dało pokoju i durch łoblygały droga ku grubje. Łod poczontku sztrajku na wjyrch wyjechało już srogo ludziskow. Jydni dlo widzimisia, inni zasik skuli zdrowja, a jeszcze inksi ze wzglyndu na stan psychiczny. Teroski je nos wele 1700 chopa, ale zdowomy se sprawa ze tygo, ize im mnjyj nos bydzie, tym łatwij nos wykurzom. Do świont coroz blizyj i njyma widoku na zakończynjy tyj mynczarni, bestosz naszymi staraniami chcymy ku nom zaprosic ksiynzulkow. Myślymy co sie nom to udo.


Modlitwa gornika

Pon Bocku nasz , ach Pon Bocku drogi,
Momy skuplowane rynce i nogi .
We jednyj Polsce mjyszkomy ,
I Slonzoki na mjano momy .

Żyjymy łoroz na jednyj ziymi ,
I czamu taki zło sie plyni .

Jydni jedzom rarytasy ,
Inksi majom puste basy .
Jednym , mjynki fotel ciało tuli ,
Inksi chodzom we zekrwawjonyj koszuli .

Pon Bocku nasz , ach Pon Bocku drogi ,
Kaj je kres, naszyj mynki i trwogi .

Chopy my twardzi , choc ze krwi i kości ,
Dłowjyni. Podnoszymy się we złości .
Jajmużny łod żodnygo njy chcymy ,
Chocia co naszy , siłom weznymy .

Ciynżko kożdy snos robi ,
Dodej nom otuchy, Pon Bocku drogi .

autor - Johan

pisownia oryginalno

bodzio_g
18-12-2005, 21:18
:D :D Bodziu, niemogę, pęknę ze śmiechu. :D To sprzątanie super. Mnie dziś też zapędzili do sprzątania, ale kaset nie pozwolili sprzątać.
cołkie szczynście że przeżyłżeś te sprzontani , pewnie jeszcze czeko Cie kupowani . Jo już zakupy porobiył , a co żech przy tym użył to napisza kiej indzi bo dzisiok już wyczerpołek limit fansolynio :wink: :D

tomek1950
18-12-2005, 22:07
Bodziu, tego sprzontania końca nie widać, a kaset nie dają nawet poustawiać równo :(

bodzio_g
19-12-2005, 22:01
O ... promocjach na świynta

Wczora żech widzioł w TV jak sie robi promocyje w markietach. Handlyrze majom na przikłod szczewiki na sprzedaj za 300 złotych, to na tabuli z cenom piszą nad tymi 300 złotymi nowo- staro cena 1000 i ją przekryślajom, że to niby przecena z 1000 na 300 . Lepsi handlyrze do tego tawsena wydłuzajom jedyna coby była wyższo , a nad zerami domalowujom "brzuszki" i przerobiajom zera na łosymki i wyłazi cena ... 1888 (przekreślono) . Jeszcze lepsiejsi handlyrze coby urealnić przecena do tyj nowyj ceny (przeceny) 300 złotych tyż domalowujom kryski ale do trójki z jeji lewyj strony coby 3 przerobiyć na ...8 . Wtedy przichodzi tako paniusia co mo kasy jak szklorz kitu i ...z zachwytym kupuje te szczewiki za ...800 złotówecek. Wtedy co robi tyn handlyrz ?? Biere szczewiki wkiere leżały zakurzune łod roku obok tych sprzedanych za 300 , ale łony (te drugie szczewiki ) kosztowały do tyj pory 200 złotych i ... stawio je przi tyj tabulce z cenom promocyjnom za ...800 złotych :roll:
Założa sie z Tomkiym ło kista piwa , że taki handlyrz sprzedo prawie wszystkie szczewiki i nie tylko ... :wink: :D

tomek1950
19-12-2005, 22:25
Bodziu, galoty, kaboty i fusekle też sprzedo :D

bodzio_g
20-12-2005, 15:02
Z pamietnika dziadka Johana z Tychów

Sobota 19 grudnja 1981

Łod samuskigo rana, dyrekcyjo staro sie przekonać nos do wydanio na wjyrch poru skipow wągla, kery je potrzybny do uogrzonjo przigrubowygo łosiydlo. Chcom nos chyba wzionć na litoś…… Dzisioj po 6-ciu dniach sztrajku momy pjyrwszo wizyta dochtorow, domogało sie ji pora chopow ze rożnymi dolegliwościami. We tymacie naszygo stanu zdrowja dochtory byli zaskoczyni pozytywny. Jedyn śnich pedzioł, keby brać pod uwaga statystyka wizyt we przichodni, tukej na dole bydzie 50 przypodkow ciynżkich. Jednak ty przywidywanja njy sprawdzioły sie i łod dzisiok dziynnje pod wjeczor som do naszyj dyspozycyji….. Kele 2-gij popołednju uo zyzwolynjy na zjazd kunom starajom sie ksiynża. Przeciwko tymu keby kunom zawitali, njy mo nawyt som Komisarz, chyba se myśli co bydom nos namowjać na wyjazd. Minyło pora chwilek i ze klotki na poziomje 650 m wychodziło 3-ech ksiynży łobleczonych we sutanny na kere naciepnjynte mieli kufajki, a na szłapach gumjoki. Jednym śnich boł farosz ze Nowygo Bieronia, dwóch pozostałych to ksiynża ze Tyskich parafiji. Łodwjydzali wszyjstkje grupy i ze kożdym godali. Dziwowali sie naszym warunkom bytowym i stanym psychicznym, kery bou łodmjynny uodtygo co przedstawioł wjyrch. Przed sjazdym łoszczygali ich, ize tam som sami desperaci i samobójcy, kerzy siłom przeczimujom i zastroszajom tych co majom pragnjynjy wyjechać….. Zapewniali nos, ize prziszli ze Słowym Bożym i njy majom zamiaru przekonywać nos do zmiany decyzji. Kej ino je naszom wolom, som gotowi nom sużyć we Wilijo. Za zgodom Papjyża przodki udzielom nom absolutorium, potym zasik wykomunikujom. Jutro zasik we kościele na Starych Tychach we naszyj intencyji łostanje łodprawjono suma, a we samo Wilijo, Pastyrka. Nazot do klotki wleźli kele 8-myj na wjeczor, a wroz ze nimi doś srogo grupa bergmonow i wszyscy wyjechali na wjyrch….. Jak co wjeczor bez GTL-e głoszone som nojważnjyjszy informacyje, kere nos tyczom. Jedyn ze bergmonow, kery broł udzioł we eskapadzie na Ziymowit łopedzioł zdarzynjy kerego boł śwjadkjym na poziomje 500. Ze chopami ze Ziymowita widzieli sie ino bez mało dziura, kero musieli wyrombać we śwjyrzo postawjonyj tamje. Wymjynili ze sobom wiadomości, nasi podciepli im cygarety, zasik łoni nom 300 kg dynamitu. Kej nasi szli nazot, łomało co njy wpadliby na kogoś ze wjyrchu, ino skuli dobryj znajomości chodnikow unikli konfrontacji. To co nom przekozali, kożdymu ze nos smroziło krew we żyłach.

My bergmony, som my w kupje,
Wojtka z partiom, momy w dupje.
Sztrajkujymy bez łobawy,
Wywalczymy słuszny sprawy.

My tu wszyjstcy wjarom równo,
Chcesz uciekać, zbjyrej gówno.
Uciekajom same szczury,
Bo jim spiecho sie do gory.

ZOMO z glinom rozbrojymy,
Wojtka z partiom przegonjymy.
A kej wszystko załatwjymy,
Po kielichu se szczelymy.

autor - Johanek

bodzio_g
20-12-2005, 15:47
Ojczyzna - ślonsczyzna


Rozmowki ślonsko-polskie

Znow sie pokłocil – zaś zrobioł haja.
Kocham cię bardzo – mocka ci przaja.
Piękna dziewczyna to gryfno frelka.
Lonty – ubranie, flaszka – butelka.

Dziadek to starzik, karlus to chłopak.
Ubrał odwrotnie – oblyk naopak.
Bizy to kancik, spodnie – galoty.
Franciszek – Francik, manterlok – motyl.

Ryma to katar, kara to taczka.
Pani za ladą to sprzedowaczka.
Ślubno to żona, lauba – altanka,
A narzeczona to je galanka.

Życzę ci szczęscia – winszuja piyknie.
Więcej nie trzeba – Bog zapłać, styknie.
Ślypia to oczy, kragel to kołnierz.
Wojok bigluje – prasuje żołnierz.

Ubrał skarpety – oblyk fusekle.
Słoik z pokrywką to krauza z deklym
Wyszedł w kaloszach – mo guminioki.
Nieudacznicy – Co za boroki!

Łańcuch mu zleciał – spadła mu keta.
Wziął papierosa – wzion cygareta.
W kredensie szklanka – glaska w byfyju.
Łyknął herbatki – szluknyl se tyju.

Witam serdecznie! – Szczynść Boże wszyskim!
Zaczął się kłócić – Wylecioł z pyskiym.
Alech sie uśmioł! – Zrywałem boki!
Wszyscy są mili – Same Ślonzoki.

autor - Olek

tomek1950
20-12-2005, 18:19
Bodziu, świetny słownik :D dzięki.

sebo8877
22-12-2005, 13:05
Wito Was ludziska festelnie.

Na wymianie doswiadczyń nie umieli se dać rady z HASIOKIYM - beztosz ech im to wyeklerowoł ze ślońkigo na nasze i tu na dole cytuje wprowdzie w naszym ojczystym jynzyju ale zawsze cos ftos sie wywiy nowego.
Pozdrowiom Was moc gorko na te Boże Świynta niech dzieciontko prziniesie Wom to czego chcecie, by Was chłopy i baby słochały, dziecka po Wos nie wrzeszczały a pinyndzy i zdrowio na wszysko stykło.
sebo8877
No to teraz o HASIOKU



Co to jest chasiok?
to jest "śmietnik"

Tak też zrozumiałem z kontekstu podsłuchanej rozmowy telefonicznej.
Ale w tym wątku to słowo ma chyba inne znaczenie? :roll:
PS. Pochodze z "najszczystszego" pod wzgledem jezykowym rejonu kraju i z tego wzgledu niewiele znam regionalizmów, czy też gwary.

No to chopy jo Wom wyekleruja skond wzion sie chasiok ??!!

Pozwolicie że żeby wszyscy potrafili zrozumiec napisze Wam odpowiedź po polsku :P

Otóz ślask jak sami wiecie lezy na materiale organicznym zwanym weglem. Jako iz poprzez proces spalania materiału organicznego z zawartościa wszystkiego co mozna sobie wyobraźić powstaje popiół i żużel we wszystkich koksowaniach elektrownia a i domkach jednorodzinny to jest odpad.
- Ślask ongiś kiedys był "żaśmiecany" trzema językami - a jakby policzyc to byłoby i ich więcej ruski, pruski, austryjacki, austro-wegierski i między innymi czeski. Jak powstało słowo "chasi" ja bym pisał je raczej wg tego skąd powstalo czyli "hasi" W języku czeskim istnieje słowo (hasić - ć miekkie) po polsku znaczy gasić. Jako że wszystkie popioły i żużle oraz popiół z piecy w domkach jednorodzinnych wynosiło sie na własne podwórko (a w przemyśle trzebabyło ugasić ten goracy popiól). Za zwyczaj w piecach pali się Zimą to owy popiół wynosi sie na śnieg - ten popiół ulega teraz gaszeniu na śląsku gaszyniu kiedyś haszyniu (z czeskigo) i tak przez "obracanie slowami" popół zwyczajowo zwie się hasi. Jako iz dodając do hasio piasek, cement i wode wibrując to i susząć powstaje (po polsku pustak żużlobetoowy) po śląsku HASIOK.
Owy pustak HASIOK mo jeszcze jedno znaczenie - o którym była mowa czyli śmietnik - Jako iz ten popiół wywoziło sie gdzięs latem lub zakopywało w Ziemię trafiały nań wszystkie śmiecie - stąd z normalnego hasio po czasie zrobiył sie chasiok :P

bodzio_g
23-12-2005, 18:47
dziękuja panu profesorowi Sebo za wykład ojczyzny - ślonsczyzny :wink: :D - prosza o wiyncyj

bodzio_g
23-12-2005, 19:25
Świynta
No i momy świynta .
Chałpa wyrychtowano, choinka ustrojono, kasety łodkurzone , paki narychtowane, makówki stygnom, karp usmażony, kołocz upieczony...
Ino na dworze ciaplyta, śniega coroz mniy, dziyń barzo krótki, ale ...
podejmy sobie rence, podzielmy sie opłatkiym, złóżmy se życzynia świonteczne, przeprośmy sie z tymi co sie powadziliśmy, uściskejmy sie serdecznie , zaśpiywejmy se kolendy, pomyślmy o nojbliższych i o dalszych krewnych z wtorymi ni momy kontaktu - zadzwońmy do nich abo odwiedźmy ich. Jak pamiyntom to kolacyjo wigilijno, pasterka i wspólne śpiywanie kolyndów to beło nojważniejsze w całych świyntach . Z łezką w oku marza, aby tak było zawsze familijnie w doma jak i tukej na forum .
Zdrowych pogodnych i familijnych świont wszystkim życza i Szczyńść Boże

bodzio_g
24-12-2005, 08:54
Z pamiyntnika karlusa

Choinka

Bendonc młodym karlusym... barzo kciołek mieć swoja choinka z lasa. Starsi łopowiadali mi jak to przinieśli z lasa piykno choinka , to jo tyż majonc 13 lot kciołek byc duży i przinieś duuuużo choinka. Już wybiyrołek sie po nia na poczontku grudnia , ale mamulka pedziała mi , że to jeszcze za wczas. Niy mogłek sie doczekać wkiej w końcu pójda po nia.
Tydziyn przed wiliją nie wytrzymołek i poszedech do tego lasu. Długo żech szukoł , nale w koncu żech jom znoloz -idealno. Z duszom na ramiyniu przysmyczyłek jom do chałpy i ustroiłek ryncznie robionymi ozdóbkami. Założyłek piyrwsze elektrycne lampki i beła ... cudowna.
To beła piyrwszo i łostatnio choinka wtóro żech przinios z lasa, nale za to nojpiykniyjszo w cołkiym moim życiu. Potym były sztucne , ale nigdy niy były takie piykne jak ta prawdziwo. Teroz tyż mom sztuczno , bo chca być ekologicny i tak już łostanie.
zdrowych i pogodnych świont.

bodzio_g
30-12-2005, 01:43
Dziyń z życia nałogowca.

Łoko łotwiyrom, jeronie jusz rano,
Zajś żech sie szlajoł, noc niyprzespano,
Palica mie boli i czynsom sie grace,
Dobrze żech sie niy znod we pace.

Wczora żech przeca nic niy planowoł,
Do roboty żech rano ze pryka stowoł,
Szychta tak gryfnie mi przeleciała,
Nale pod koniec jusz mie graca świyndziała.

Świyndzi i korci, do kabzy siyngom,
Szukom potmanyja i klepoki wyciongom,
Na halba styknie, radość łogarnio człeka,
Że tak niywiela uszczyńśliwi czowieka.

Potym żech skoczoł do sklepu chyba,
Bo mi przed ślypiami świto oberiba,
Jusz niy pamiyntom, przeca to tak downo,
Chyba mie obsłużoła jako frela szykowno?

Dalij żech bezmaś spotkoł kamratow,
I chyba żech wlecioł do jakiś gratow,
Bo mie latoś tak jakoś plecyska bolom,
Byda sie musioł szmarnońć badysolom.

Grali my w szkata, jakeś frelki boły,
Bezmaś żech nawet lotoł na poł goły,
Tako skleroza, przeca bych wiedzioł,
Ftoś mi godoł, żech do ałsgusa cedzioł.

Chciołech łod dziołchy dostać kusika,
Tak gryfnie boło, idzie dostać bzika,
Niy, jo niy wierza, godocie gupoty,
Że jo ze psym urzondzoł jakieś zaloty?!

Już niy chca wiedzieć, nic niy godejcie,
Dejcie achtlika i gorzoły nalyjcie,
Bo tego na czyźwo spokopić niy idzie,
Jak sie moja dowiy, to co to bydzie?

Zajś larmo w doma, i haja w siyni,
Czy sie coś we moim życiu zmiyni?
No dyć musi sie zmiynić przeca,
Jak sie jusz piyńć lot w „AA” lecza...

autor - Sławek "Hajduk"

tomek1950
30-12-2005, 12:23
:D wesołe, :evil: prawdziwe niestety i przez to smutne :(
Pisz Bodziu.
Lubię czytać co piszesz.

bodzio_g
30-12-2005, 23:26
Tomek - dziynki za dobre słowo

na tyn Nowy Rok wszyskim życza :
- coby łon niy był gorszy łod starygo, bo wiadomo juże , że lepszejszy łon niy bydzie :wink: :D
- chopom coby balowali z babami aże do ...trzech króli 8)
- babom coby mile i godnie spyndziły Silwestra , bo ... jo go znom , łon som niy ślyzie :wink: :D

bodzio_g
03-01-2006, 11:48
Z pamiyntnika ... karlusa
Bendonc ... młodym karlusym wybrali my sie z komplami na Sylwestra do kuzynki łod moigo nojlepszygo przijaciela. Nos beło 4 i ich tyż beło 4 i bigel zapowiadoł sie na łostro. Przijechali my tam ło 22.00 i zaczyna sie balanga. W dobie totalnygo deficytu my mieli wszisko na stole a humory my tyż mieli wielgie. O północy słożyli my se życzynia , wypili bełta gazowanygo i ...po chwili imprezka sie zaczyna komplikować.
Bercik poczuł potrzeba ... odcedzić kartofelki i poszeł w plener. Reszta chopców poczuła potrzeba kontynuacji imprezy barzi kameralni a tu ... jedna frelka łostała bez pary. Rozgrzoni bełtym do czerwoności ( jak cegła ) i źli na Bercika zaczyni my go szukać . Szukali my do piontyj i ... niy znolyźliśmy go :evil: . Jak sie poźniyj łokozało to łon łodcedzioł te kartofelki , potym kajś lyngnoł w śniygu , a potym jak sie łobudził to sie pozbiyroł i .... poszoł do dom ( ino 4 km.) :roll: :evil:
Skuli Bercika terozki mom bajtle młodsze i niy mom jesce wnukow, a i baba tyż mom inno :roll: :wink: :D

tomek1950
03-01-2006, 17:04
:D

bodzio_g
04-01-2006, 20:54
O tym... jak na grubie zabrakło telefonów

Pora lot tymu trza było snolyść przerwa na kablu uziymiającym czy cóś takigo . Fachmany ustalili coby cołki kabel podzielić na dwie czyńści i w środku przemierzyć go w łobie strony. Posłali dwóch kopidołów do lasku tam, kaj wypadło tyn środek i łoni zaczyni tam kopać. Za pora godzin na cołki grubie siedły wszyskie telefony :o . Sztajger elektrycny nie łapiąc łobu awaryji ze sobom poszeł łobejrzeć co tam kopidoły zrobieły. Tam sie łokazało , że obok tego uziymiającygo beł inszy jeszce grubszy przeciynty na wuszt choby gilotynom. Patrzy a tam kupa ciynkich drucików w tym kablu...
- pierona chopie coś ty narobieł !!
- eeee jo panie sztajger myśloł, że to korzyń i żech go ciachnył szpadlym :roll:

wuszt - kiełbasa
korzyń - korzeń drzewa

bodzio_g
05-01-2006, 14:23
O tym ...jak roz brakło prondu
Łostatnio czynsto ni ma prondu skuli wiatru , skuli śniega , skuli braku gazu ... itp.
Ale roz niy beło prondu w Lyndzinach bo ...
W staryj rozdzielnie w piwnice szoł stary kabel co ło nim juże nikt niy pamiyntoł . W nocy do tyj piwnice wleźli melbuksy , czyli tzw poławiacze pereł abo inaczyj ...poszukiwacze zaginionego złomu. Kabel fajnie wisioł pod deką i źle by sie go ciyno blotym to ... postanowili go łopolić fojerkom. Nasnosili patyków i słożyli fojera a potym siekoczym urombali żyły i poszli do domze złomym. Ciekawe ino czy festelnie sie dziwowali że prondu w chałpie niy majom , bo tyn kabel był ... głównym zasilaniym cołkigo miasta :o :roll: .

Lyndziny - Lędziny - takie miasteczko kole Bierunia :wink:
szoł- szedł, prowadził
źle by sie go ciyno blotym- źle cięło piłką do metalu
deka - płyta betonowa
fojera - ognisko
siekocz - duży przecinak
festelnie - mocno

bodzio_g
08-01-2006, 02:48
Historia zbawiynia po naszymu
Kiej tak czytom w Biblii ło raju jak tam Adam z Ewą się żyli, to się myśla, że ten fto pisoł Biblia musioł być chyba z Vaterlandu, bo pisze że boł to ogród na wschodzie. Niekiere górole godajom, że tyn cały raj to boł u nich w górach. No, ale przeca kożdy Ślązok wiy, że tak na prowdy to Raj boł tu u nos, na Śląsku. A boło to tak...

Boło to niy tak blank downo, ale niy boło jeszcze u nos żodnyj gruby, ani huty, ale boło kupa zielonych drzew, zwierzyny i ludzie żyli się szczyśliwie, bo Ponbócek wzion i wszystko stworzoł: słońce kiere świyciło po łoczach, modre niebo, zielone lasy, ląki, pola, ptoki co furgajom po niebie, połno zwierzyny w tych lasach i we wodzie.

Na koniec Ponbócek pedzioł do swoich kamratów: poćcie weznymy i jeszcze stwo*rzy*my coś nojlepszego chocia to wszycko jest takie piykne, teroz stworzymy cosik na nosz łobroz: stworzymy ludzi. Kiej to wszyst*ko jest takie piykne to jak weznymy i stworzy*my ludzi, i bydom łone sam z nami miyszkac to zoboczcie sie jakie łone bydom szczęśliwe. Domy im to wszycko. Zapytocie się do kogo tyn Ponbócek godoł kiej jeszcze żodnego człowieka niy stworzoł. Z Ponbóckiem było tak trocha dziwnie. Bo ich boło trzech.

Pierwszy boł tak jakby najrozsądniejszy i najmądrzejszy z nich, łon to prawie wiedzioł już nojprzód zanim cosik się stało, i łon wszycko planowoł i kierowoł wszystkim, skuli tego nazywali go Łociec. Drugi zaś boł bardzo dobry, dlo niego wszystko co Łojciec pedzioł boło Święte i patrzoł durś jakby ino Łojcowi dogodzić. Czasym kiej Łojciec mioł jakiś pomysł coby jeszcze stworzyć, ale tak do końca niy wiedzioł czy jest to jeszcze potrzebne, czy niy to ten drugi go namowioł coby to stworzoł. I fto wiy może kiejby nie łon toby nos ludzi na świecie nie boło. Łon tak uważnie słuchoł Łojca, że ten go fest kochoł i beztóż nazywoł go Synem. Trzeci z nich boł jakby najmodszy i mioł bardzo bystry umysł. Kiej Łojciec coś wymyśloł, to łon gibko wymyśloł jak to zrobić i już realizowoł tyn pomysł. Czasem jak Syn kajś wyłazioł na przechadzka, i go jakiś czos niy boło w doma, a Łojciec tesknioł za nim to godol to niego: słuchej Duszku być taki dobry, leć i zobocz jak mój synek się daje rady, leć gibko. A tyn bardzo chętnie lecioł (a umioł fest gibko lotać) tak że czasym boł jakby łącznikiym miyndzy Łojcem a Synem...
cdn.

bodzio_g
08-01-2006, 12:47
Historia zbawiynia po naszymu cd.

I tak sie w trojka byli, a mieli tako siła że mogli wszycko zrobić co chcieli, co im ino przyszło do gowy. W jednym byli bardzo podobne tak że ciężko czasem było ich rozróżnić, wszystkie byli niysamowicie piykne, że kiej się paczało na kieregoś z nich to jakiś taki blind bioł, i tak człek móg siedzieć i patrzeć i też boł szczęśliwy. Wyobrażocie się co to było jak łone w trójka się spotkali. I bardzo szczęśliwie im boło sam na Śląsku. Godali łone, że to jest Raj.
No wiync uzgodnili coby stworzyc czlowieka na ich łobroz, żeby rządzioł tymi wszystkimi rzeczami co łoni dlo niego stworzom. Tak jak pomyśleli tak zrobili, Duszek wzion trocha marasu, obkuloł ze wodom i wyrzeźbioł tak piyknie że aż Łociec się zachwycioł. Potym Syn pedzioł: weź Duszku i dej temu człowiekowi trocha twoigo życia, tak coby boł durś taki łobrotny i żywotny jak ty. Miyszkej w człowieku i dej mu trocha naszego szczęścia. Łojciec chętnie przystoł na tyn pomysł i tak też Duszek zrobioł. Stworzyli łone wiync ludzi, stworzyli chopów i kobiyty (kiere były jeszcze trocha piykniejsze niż chopy).
I pedzioł Ponbócek człekowi: Adam (akurat wtencos spotkoł Adama) daja Ci tako wolność weź i rządź tym wszystkim. Jo żech to stworzoł dlo Ciebie, ciesz się tym wszystkim i nazywej te wszystkie rzeczy tak jak Ci się podobo, rozmnażejcie się tyż tak coby jak nojwięcej ludzi mogło korzystać z tego co my stworzymy. I ludzie żyli sie, mieli wszystkiego pod dostatkiem, to co musieli ino robić to patrzeli na to co Ponbócek stworzoł i nazywali to i cieszyli się tym, bo boło to bardzo piykne. Kiej spotkali Ponbócka, to byli jeszcze bardzij szczęśliwi, bo jak się paczało na kieregoś z nich alibo tyż na nich wszystkich to aż człowiek nie wiedzioł co robić i z tego zachwytu i wdziynczności że Łon ich stworzył i za te wszystkie dary bardzo mu dziękowali, i kłoniali mu się. Ponbócek zaś radowoł się razym z nimi.
Ponbócek stworzoł tyż inksze stworzenia jak anioły, kiere durś byli kole Ponbócka, służyli mu i podziwiali też wszystkie te rzeczy kiere Ponbócek stworzoł i Jego samego też podziwiali, tak że często niy mogli wytrzymać i musieli z tego zachwytu śpiywać Ponbóckowi jaki Łon jest piykny.
Boł też tam jeden anioł kiery boł cołkiem bystry, ino że ten pieron boł taki zowistny kiej ludzie i inne anioły tak Ponbóckowi prawiyli i śpiywali. I pomyśloł się: jo tyż jestech cołkiym szprytny i przeca bystrzejszy niż inksze anioły, przeca mie tyż by się mogli łone kłoniać i piyknie mi prawić (nie pomyśloł łon ino fto tyż go boł stworzoł).....

bodzio_g
08-01-2006, 15:46
... No i pewnego razu wzion, jak spotkoł Adama jak się przechadzali z Ewom, pedzioł im tak: sluchejcie ludzie jo coś wiym ino niy wiym cy moga wom pedziec. Adam pado: godej aniołku co jest grane. I ten podstępny aniołek pado im tak: wiym o pewnym skarbie, jest łon zakopany sam pod tym dzrzewym. Tym skarbem jest tako roślina co rośnie w ziymi, jak jom spożyjecie, to bydziecie takie piykne jak som Ponbócek. Też będziecie lśnić takim blaskiym.
Adam się pomysloł Po co mi to. Mom tu wszystko co mi trza, słonko mi świeci, żonka mom urodziwo, co jo się byda męczyć kopiąc za jakims zielskiym? Pedzioł to Ewie jak już aniołek poszoł, ale Ewie łoczy się zaświeciły i pado: Patrz bydymy takie piykne jak Ponbócek. Czemu Ponbócek niy zrobioł nos takimi piyknymi jak łon. Adam pado: Ewa tyś już jest tako piykno, no ale przeca my sa ludzie, a Ponbocek jest ino jedyn, niy mogymy być wszyscy Ponbockami. Ale Ewa pado: Weź niy pindol ino bier sie za szufla i kop. No to Adam tez tak zrobioł. Kiej tak kopoł to pado: Ewa, idź i zawołej jeszcze Zeflika, Achima i innych kamratów to nom kopanie pódzie gibcij. Ewa poszła i opedziała im co aniołek im pedzioł. Tak ich namowiyła, że chopcy tyż przyszli z łopatami i zaczynli kopać.
Za pora dni kiej mieli już blank wielko ta dziura, przechodzioł tamtyndy Ponbócek. I pyto się: Chopcy, co wy tam kopiecie? Adam ni za bardzo widzioł co pedzieć i godo: No, Ponbócku szukom tukej takich glizdów coby im dać jakieś fajne nazwy tak jakżeś mi przykazoł. Ale Ponbócek co wiedziol wszystko godo: Adam nie pindol bo wiym co Ci pedzioł Lucyferek, tam niy ma żodnyj rośliny. No ale kiej chcesz to zabronić Ci niy moga bo żeś niy jest moim niywolnikiem.
Jak Ponbócek poszoł Ewa godo: Widzisz, cosik tam musi być, a Ponbócek niy chce coby my byli takie urodziwe jak łon, kopiymy dalij. I tak ludziska kopali i kopali, aż po jakimś czasie dziura była tako głęboko, że ludzie złazili do nij pora godzin, kopali godzinka i zaś musieli wyłaźić na wieczerzo.
Wtedy Lucyferek pedzioł do ludzi: Słuchejcie może wy nie wyłaźcie stąd, a jo byda wom codziennie donosioł jedzenio i wszystkiego co bydziecie potrzebowali. Ta roślina musi być już kajś tutej, za pora dni, no najdalij za tydzień powinniście na nia trafić.

bodzio_g
08-01-2006, 15:49
... I tak mijoł czas, ludzie przyzwyczaili się do nowych warunków, chocia cierpieli bo zaczynli chorować na łoczy, kiere były przyzwycza*jone do światła słonecznego. Najgorsze z tego wszystkiego było to, że zaczęli ludzie umierać, bo nie mieli tam takich warunków do życio jakie mieli na wiyrchu kaj niy umierali. Lucyfer donosioł im wszystkiego co potrzebowali, ale kozoł się ludziom kłoniać przed sobom jak kiedyś kłoniali się Ponbóckowi. Coż mieli ludzie robic kłoniali mu się choć nie były to takie same radosne ukłony jakie oddowali Ponbóckowi, wyjścia jednak nie mieli. Chcieli dokopać się do skarbu, który pozwoloł by im dorównać Ponbóckowi, poza tym nie wiedzieli co mieliby mu pedzieć, nie boło ich tyla czasu na powierzchni, już prawie zapomnieli jak łon wyglądo. Tęsknili tyż do niego, ale jednak bardzij chcieli wykopać te zielsko.
Jakoś ułożyli się życie pod ziemiom, pokopali sie takie komory kaj próbowali normalnie żyć, mnożyli się, a dzieci kiere się rodziły niy wiedziały czy ta legynda o Ponbócku to prowda, abo ino tako historyjka. Jedyne światło jakie znali to boł ogień, kiery ludzie rozpolali z drzewa co im Lucyfer przynosioł, a wlaściwie nie łon ino wszyskie pomocniki co ich sie najon.
Czasem kiej ludzie podłazili do tego głównego szybu jaki wykopali, slyszeli wołanie z wiyrchu, ale nikt nie chcioł wierzyć tym kiere te wołanie słyszeli. To Ponbócek wołoł do ludzi, coby wyłazili z tyj dziury, na wiyrch. Ludzie zoboczyli co kiejby na prowdy żyli na wiyrchu jak słyszeli w legyndach to bołoby im chyba lepij ale byli już tak głymboko, że ino niykiere ludzie sztudiowali insztrukcje jak wylyź na wiyrch, ale tak na prowdy to już nawet te co to sztudiowali to niy wiedzieli jak się wydostać, bo to boł taki skomplikowany systym korytarzy, że niyjedyn sie tam stracioł. Ale ludzie chciyli wierzyć co kiedyś udo im sie wylyź i przyłazili do nich po porady i zbiyrali sie coby dysputować ło tyj drodze na wiyrch i ło tym co pedzieć Ponbóckowi jak już tam wylejzom. Boła tyż tako grupa ludzi co niy kopali, ino sztudiowali insztrukcje, tych co kopali w starych czasach i tych co słyszeli głos Ponbócka przy głównym szybie. Łone nazywali sie faryzuesze i pedzieli, że niykire z nich słyszeli jak ftoś z wiyrchu wołoł, że sam przidzie i wyciągnie ich z biydy....

bodzio_g
08-01-2006, 15:53
... A na wiyrchu Ponbócek boł bardzo smutny że ludzie łod niego poszli i siedzom w dziurze, niy takigo życio łon chcioł dlo ludzi, chcioł żeby byli łone szczęśliwe. A Lucyfer śmioł się z Ponbócka i godoł mu: Ludzie wolom mie i robiom to co jo im koża.
I tak mijoł czas a Ponbócek - szczególnie Łojciec boł bardzo smutny, nikt niy reagowoł na jego wołanie. W końcu Ponbócek - Syn godo: Łojciec słuchejcie jo wezna i pójda tam na dół i powiym ludziom, co ty sam siedzisz smutny i wtedy łone na pewno zostawiom te kopanie i wylejzom.
Łojciec aże się rozpłakoł, bo z jednyj strony niy chcioł się rozstować z Synkiem kierego tak kochoł, a z drugij strony bardzo chcioł coby ludzie wyleźli i przebywali z nimi. Jak to Łojciec kiery wiedzioł wszystko pedziol: Synku, ale anioł ciymności z jego sługami, kiere nie kopiom ino dostarczajom ludziom jedzynio i drzewa niy pozwolom Ci cobyś ich wzion, bydom Ci robić różne świństwa i w końcu Cie zabijom. Synek godo na to: Jak bydzie tak źle to poślesz mi Duszka, w końcu to Ty jestżeś Łojcem i Panem i możesz mi posłać Duszka coby mie łobudził.
Łojciec kiery wiedzioł jak bardzo ludzie skrzywdzom jego ukochanego Syna, wiedzioł że niykiere ludzie w ogóle nie uwierzom jego słowom, długo myśloł, ale w końcu się zgodził i pedzioł mu tak: Synku - często przyłaź pod główny szyb, tam kaj ludzi niy łażom, jo tyż byda przyłaził pod szyb i tak bydymy się słyszeć. Jak niy bydzie Cie przez trzy dni to jo zaroz pośla Duszka po Ciebie. Uważej na siebie....

bodzio_g
08-01-2006, 16:08
... Syn zloz w ciemności do ludzi, żeby ich wyciągnąć na wiyrch, do Ponbócka. Szoł w dół cołki miesiąc, i bardzo się dziwił, że ludzie mogli tak głęboko się zakopać w poszukiwaniu czegoś czego niy ma.
I tak doszoł Ponbócek do piyrwszego skupiska ludzi. Kiej łoni go zoboczyli niy wiedzieli skąd łon wzion takie biołe szaty, myśleli, że może Lucyfer wymyśloł jakiś nowy proszek do pranio, abo co. Ale kiedy łon napoczon im łopowioadać o Łojcu, jak łon ciyrpi na wierchu i jak czeko na nich to starsi przypomnieli sie o dawnych czasach kiej miyszkali w szczesliwych warunkach. Łopowiadoł im tyż, jak piyknie jest na wiyrchu i że ludzie tam niy umierajom. Niykiere z ludzi uwierzyli Ponbockowi, bo łon mioł tako siła, kiej ftoś boł chory i pedzioł Ponbóckowi: Jo wiym co ty kiejbyś ino chcioł to mie mogesz ulyczyć. A Ponbócek robioł to chętnie. I łazioł po wszyckich skupiskach kaj ludzie mieli swoje nory i namowioł ich, jak piyknie jest na wiyrchu, pedzioł im co łon stamtąd przyszoł, ale musioł iść przez cołki miesiąc. Wtenczos kupa ludzi pedziała: Jezusicku dyć to musi być prowda, łon jest taki piykny i wszystkim tyż robi same dobre rzeczy. I łazili za nim słuchali jak łon piyknie im godoł jak mogliby żyć kiejby ino żyli na wiyrchu....

bodzio_g
08-01-2006, 16:26
... Kiej to zoboczoł Lucyfer wściyk się strasznie i pedzioł tym co dla niego robiyli, że jak ludzie wylejzom to nici z ich zapłaty. I zaczynli łone podburzać ludzi coby mu niy wierzyli. Tak samo te co czytali insztrukcje, godali sie: Jak wszyscy stąd pójdom to kto bydzie przyłazioł do nos po porady. I godali ludziom: Nie wierzcie tymu łoszustowi.
Ale ludzie niy byli takie gupie, widzieli co jest grane, że Jezus (bo tak go nazywali) godo prowda. Łazili wiync za nim, po całyj podziymnyj krainie i głosiyli dobro nowina: że Ponbócek czeko na nos, że jest lepsze życie łod tego co momy tutej, że Jezus piyrszy przeszoł ta droga i my tyż mogymy dobrze przygotowani pójść i dojść na som wiyrch.
Jako, że ta podziemno kraina była cołkiem wielko trzy lata trwało zanim wszystkim ludziom opedzieli dobre wieści. W tym czasie połno ludzi łazioło razym z nim, ale takich wybranych to mioł łon dwunastu i im wszycko na łosobności tłumaczoł. Pedzioł im tyż, że faryzeusze nie zgodzom sie na jego nauka i w końcu po wielu ciyrpiyniach go zabijom. Pedzioł im tyz żeby sie fest niy przejmowali bo potym jak go zabijom, za trzy dni Łociec, kiery jest Panym życia i śmierci pośle mu Duszka i tyn go łobudzi. Ale kiedy jego ucznie zoboczyli jaki łon boł popularny i wiela ludzi przyłazioło na jego nauli to myśleli, że łon tak ino godo.
Na koniec doszli do stolicy krainy ciemności i tam byli najważniejsi faryzeusze i ludzie chcieli sie dowiedzieć co łone myślom o Jezusie. Ale łone boli sie po piyrwsze tego, że stracom swoje źródło utrzymania, po drugie wiedzieli, że anioł ciymności niy jest za tym żeby wyłaźić na wiyrch i boli sie, że nie bydzie on im dostarczoł wiyncyj jedzenia i drzewa na opał. Powiedzieli wiync, że Jezus to jest łoszust i darmozjad, a jak godo ich prawo takigo trzeba zabić....

bodzio_g
08-01-2006, 16:28
... Ludzie niy wiedzieli co majom począć, przez dugie lata to faryzeusze godali im jak majom sie starać żeby dostać sie na wiyrch. Co prowda za dużo z tych ich porad niy wynikało, ale sie starali. I tak faryzeusze im namydlili łoczy, że w końcu wziynli i aresztowali Jezusa, a potym chocia niy mogli mu nic złego udowodnić wziynli i go zabili.
W czasie kiedy Jezus żył często łaził pod główny szyb żeby być bliżej Łojca, rozmawioł z nim, tak jak sie umówili. Teroz kiej go zabili i przez trzy dni Jezus nie przychodzioł pod szyb, Łojciec pedzioł: Duszku, byda musioł tutej som zostać, idź i przyprowadź mojego Synka sam nazod, na wiyrch, a jak trzeba bydzie to pomóż ludziom.
Duszek polecioł tak wartko jak ino umioł. I już boł przy Synu i budzi go: Wstowej, śpiochu - już trzy dni sam leżysz, coś ty robioł? Jezus wstoł, ucieszoł sie na widok Duszka, i godo: potym Ci wszystko łopowiym, poć przedstawia Cie moim uczniom, bo łone muszom być fest smutne.
I rzeczywiście kiej przyszli do uczniów, a łone sie zamknyli w laubie na łogródkach, bo sie boli tych pierzyńskich faryzeuszów, to te niy mogli uwierzyć, bo same widzieli jak źli ludzie go przebili i zabili.
Wtedy Jezus im pedzioł: Nie bójcie sie bo to jo jestech, nie żodyn duch. To jest Duszek, kiery jest tyż w wos. Bo jak my wos stwarzali to Duszek tchnoł na wos, tak, że mocie życie. Teroz musza już iśc do Łojca bo mu sie tam mierznie bezy mie. Ale słuchejcie, idźcie i godejcie wszystkim ło tym co żeście widzieli i słyszeli. Jo ida, ale Duszek jak mie łodprowadzi na wiyrch to zaś sam do wos przyjdzie i tak bydymy razym, bo łon jest taki som jak jo. On wom wszsytko dokładnie powiy jak mocie iść żeby dojść na wiyrch...

bodzio_g
08-01-2006, 16:35
... Tak tyż uczniowie zrobiyli, ale dopiero po piyńdziesieńciu dniach kiej Duszek na prowdy przyszoł do nich, i wtedy kożdy móg tak piyknie godać o Ponbócku. Bardzo wiela ludzi im uwierzyło i nazwali sie Kościołym.
Niekiere zaczynli wyłazić na wiyrch, ale boła to droga trudno i niebezpieczno. Pamiyntejcie, że Ponbócek jak obroł ludzko postać to złazioł na dół cołki miesiąc, no a na wiyrch to jeszcze gorzyj. Po drodze czekali jeszcze sługi anioła ciymności kiere chcieli tych co wyłażom wciepnąć nazod na som dół. I tak ludzie zaczynli wyłazić niy pojedynczo, ino zbiyrali sie w grupy po 15-20 ludzi i szli na wiyrch. Wiecej ich niy moglo isc na roz, bo drabinki kiere były, nie były takie blank nowe, i mogly sie urwac. Niy wszyscy tyz chcieli wylazic bo, abo niy wierzyli ze tam na prowdy jest jakis inny swiat, abo boli sie tyj drogi, abo byli za lyniwe, abo tyz niy chcieli zostawiac tego wszystkiego co sam na dole mieli, ciemnych nor w kierych miyszkali, ognia przy kierym sie grzoli.
Jednak Duszek działoł i bardzo wielu ludzi wyruszyło, a łon jeszcze pedzioł, że bydzie tak długo działoł aże wszyskie ludzie wylejzom na wiyrch. A Syn biere kożdego jednego co wylezie i myje z wszyskich tych brudów kiere na dole byli normalne. Te zaś co wyleźli żyjom sie w słonku, i mogom na codziyń widzieć Ponbócka, a łon sie fest cieszy z kozdego jednego kiery wylezie z tych ciymności i zaroz jak go Syn umyje daje mu bioło szata i godo: Siednij sie sam ze mnom do wieczerzy, jydz, pij i raduj sie, bo bydymy razym już na zawsze.

skopiowano z netu , pisownia oryginalno

bodzio_g
09-01-2006, 15:34
Polszczyzna czy ... ślonsczyzna ? - oto jest pytanie :wink:
tera trocha klasyki 8)

Rozmowa ze ślusarzem
W łazience coś się zatkało, rura chrapała przeraźliwie aż do przeciągłego wycia, woda zaś kapała ciurkiem. Po wypróbowaniu kilku domowych środków zaradczych (dłubanie w rurze szczoteczką do zębów, dmuchanie w otwór, ustna perswazja itp.) - sprowadziłem ślusarza.
Ślusarz był chudy, wysoki, z siwą szczeciną na twarzy, w okularach na ostrym nosie. Patrzył spode łba wielkimi niebieskimi oczyma, jakimś załzawionym wzrokiem. Wszedł do łazienki, pokręcił krany na wszystkie strony, stuknął młotkiem w rurę i powiedział - Ferszlus trzeba roztrajbować.
Szybka ta diagnoza zaimponowała mi wprawdzie, nie mrugnąłem jednak i zapytałem - A dlaczego?
Ślusarz był zaskoczony moją ciekawością, ale po pierwszym odruchu zdziwienia, które wyraziło się w spojrzeniu sponad okularów, chrząknął i rzekł - Bo droselklapa tandetnie blindowana i ryksztosuje.
- Aha - powiedziałem - rozumiem. Więc gdyby droselklapa była w swoim czasie solidnie zablindowana, nie ryksztosowałaby teraz i roztrajbowanie ferszlusu byłoby zbyteczne.
- Ano, chyba... A teraz pufer trzeba lochować, czyli dać mu szprajc, żeby śtender udychtować.
Trzy razy stuknąłem w kran młotkiem, pokiwałem głową i stwierdziłem - Nawet słychać.
Ślusarz spojrzał dość zdumiony - Co słychać?
- Słychać, że śtender nie udychtowany. Ale przekonany jestem, że gdy pan mu da odpowiedni szprajc przez lochowanie pufra, to droselklapa zostanie zablindowana, nie będzie już więcej ryksztzosować i co za tym idzie, ferszlus będzie roztrajbowany. I zmierzyłem ślusarza zimnym, bezczelnym spojrzeniem.
Moja fachowa wymowa oraz nonszalancja, z jaką sypałem zasłyszanymi po raz pierwszy w życiu terminami, zbiła z tropu ascetycznego ślusarza. Poczuł, że musi mi czymś zaimponować. Ale teraz nie zrobię, bo holajzy nie zabrałem. A kosztować będzie reperacja - wyczekał chwilę, by zmiażdżyć mnie efektem ceny - kosztować będzie...
cdn.

tomek1950
09-01-2006, 18:59
:D Autor... Julian Tuwim.
I mam pytanie: czy ktoś wie co to jest holajza?
Uwaga dla ułatwienia dodam, że odpowiedź nie jest łatwa :wink:

bodzio_g
09-01-2006, 22:35
Tomek - masz racje 8) ; ma to cóś związek z ...wodą , ale ...gdzie indziej :wink: :D

holajzy cd.

...kosztować bedzie ... 170 złotych i 85 groszy.
- To niedużo - odrzekłem spokojnie. - Myślałem, że co najmniej dwa razy tyle. Co zaś dotyczy holajzy, to doprawdy nie widzę potrzeby, aby pan miał fatygować się po nią do domu. Spróbujemy bez holajzy.
Ślusarz był blady i nienawidził mnie, uśmiechnął się drwiąco i powiedział - Bez holajzy? Jak ja mam bez holajzy lochbajtel krypować? Żeby trychter był na szoner robiony, to tak. Ale on jest krajcowany i we flanszy zulajtungu nie ma, to na sam abszwerwentyl nie zrobię.
- No, wie pan - zawołałem rozkładając ręce - czegoś podobnego nie spodziewałem się po panu. Więc ten trychter według pana nie jest robiony na schoner? Cha, cha, cha! Pusty śmiech mnie bierze. Gdzież on na litość Boga jest krajcowany?
- Jak to, gdzie? - warknął ślusarz - Przecież ma kajlę na iberlaufie.
Zarumieniłem się po uszy i szepnąłem wstydliwie - Rzeczywiście. Nie zauważyłem, że na iberlaufie jest kajla. W takim razie zwracam honor: bez holajzy ani rusz.
I poszedł po holajzę. Albowiem z powodu kajli na iberlaufie trychter rzeczywiście robiony był na szoner, nie zaś krajcowany, i bez holajzy w żaden sposób nie udałoby się zakrypować lochbajtel w celu udychtowania pufra i danie mu szprajcy przez lochowanie śtendra, by roztrajbować ferszlus, który dlatego źle działa, że droselklapę tandetnie zablindowano i teraz ryksztosuje.

tomek1950
09-01-2006, 23:26
Bodziu, podobno holajza została wymyślona przez Tuwima!

bodzio_g
15-01-2006, 01:26
Tomek - z holajzą (To)masz rację :wink: :D



BALLADA O PIWKU


JEST TAKI NAPÓJ - MISTRZOSTWO ŚWIATA,
KERY TU WSZYSTKIM CHOPOM SMAKUJE.
CZY DO KRUPNIOKA ABO DO SKATA,
ŁON DO KOŻDEGO MIEJSCA PASUJE.

ROBI GO ŻYWIEC ,WARZĄ GO TYCHY
I JEST NA STOŁACH COŁKIJ EUROPY.
CZASYM NIY TRZEBA NAWET ZAGRYCHY
PIJOM GO WSZYJSCY , NIY INO CHOPY.

JEST PRZECA STARSZY NAWET ŁOD WINA
A W SMAKU NIY MO DLO SIEBIE RÓWNYCH.
PIJOM GO W GÓRACH I NA NIZINACH.
W EUROPIE JEDYN Z NAPOJÓW GŁÓWNYCH!

JAK JEST NA DWORZE PIEROŃSKO HICA,
A I WIATEREK ŻODYN NIY DMUCHA,
WTEDY CI INO ROZJAŚNI LICA,
ZIMNEGO PIWKA POŁNIUTKO KUFA.

W KUFELKU PIWA BIOŁY KRAGLICZEK
A POD NIM ZŁOTO Z SZUMYM BOMBELKÓW.
ŁOSTATNI ZA TO ŁODDOSZ GROSICZEK,
BYLE CI WLOLI KILKA KUFELKÓW.

LECZ JAK WYPIJESZ TROCHA ZA DUŻO
MOŻESZ MIEĆ W GOWIE POWAŻNE SZMERY.
WTEDY SIĘ TWOJA STARO ŁOBURZO,
ŻE I WYKRYNCOSZ TAKE NUMERY.

PIJOM SE PIWKO STARSI I MODZI
COŁKI ROK PRAWIE , NAWET I W ZIMA.
JAK SIĘ MO UMIAR TO NIY ZASZKODZI,
GORZYJ , JAK TEGO UMIARU NIY MA.

JEST NAZYWANE NAPOJYM BOGÓW
BESTO NIYKERZY CZUJOM SIĘ W NIEBIE.
PRZI KUFLU PIWA NIY MA TYŻ WROGÓW
LUDZIE SIE MAJOM BARZI KU SIEBIE.

MOŻNO DO PIWKA TROCHA POŚPIYWAĆ,
ABO TYŻ PEDZIEĆ PORA DOWCIPÓW.
PRZI PIWKU CZAS TYŻ MIŁO UPŁYWO,
DOCHODZI NAWET I DO ZOLYTÓW.

PIJMY WIĘC PIWO , BYLE NA ZDROWIE,
CZYLI INACZYJ – ZOWDY Z UMIARYM.
BO KOŻDY ŚLĄZOK DZISIOJ CI POWIY:
NIYCH ŻYJE PIWO – WIWAT BROWARY!

autor - H. Polok

bodzio_g
15-01-2006, 02:12
Pod lasym nad rzyczkom żyła se tako biydno starka. Żyła se sama ze swojim czornym kocurym, kerego dała wyrznyć, co by za koczkami niy lotoł.
Starka uprawiała łogrodek , chytała ryby w rzyczce i tak se skromnie żyła.
Roz chyciyła złoto rybka, kero jom prosiyła, żeby jom wypuścić.
- Wypuście mie starko a spełnia wom trzi życzynia.
Starka jom wypuściyła i prosi, żeby ta staro chałupka zamiyniła sie w piykno wila, żeby łona sama zamiyniła sie w młodo frelka tak piykno jak Claudia Szifer, a jeji kot w piyknego młodego karlusa, jak Ricky Martin.
Nagle sie patrzy i w miejscu tyj swojij lepianki stoji piykno wila, łona stoji
na tarasie młodo i piykno jak Claudia Szifer, a kole nij zamiast kota stoji
gryfny karlus jak Ricki Martin.
Karlus sie na nia dziwo i godo:
- I po co żes mie ty jyndzo wykastrowała.

tomek1950
15-01-2006, 14:12
O piwku świetne. :D A o kocie :o Życie jest czasem brutalne.

bodzio_g
15-01-2006, 23:15
... A o kocie :o Życie jest czasem brutalne.

ale to nie był Sellim :roll:


Ślonski kwiotek


Na tym naszym czornym Ślonsku,
Tak jak wszyndy kwitnom kwiotki!
Ale nikaj niy treficie,
Takij piyknyj jak tu godki.
To łona mie prziwitała,
Jak na Boży Świat żech prziszoł!
Starka z mamom tak godały,
Od nich piyrszy żech jom słyszoł.

To najlepszy ślonski kwiotek!
Idzie pedzieć – Rzecz to Świynto!
Kery tukej się urodziył,
Cołki życie jom pamiynto.

Naszo piykno Ślonsko godko,
Keroś wieki nom przetrwała!
Kwitnij dalij moja złoto,
Co byś dycki tu łostała!

autor - B. Dzierżawa

bodzio_g
15-01-2006, 23:27
JAK WIDZA MAŁYSZA...

NIY MIELI MY DUGO IDOLI,
CO SAMI PORADZOM SIĘ SZKOLIĆ,
I MAJOM ZAWZIYNTO NATURA-BO W GÓRACH.
A DZISIOJ NOM TAKICH POTRZEBA,
CO TROCHA PRZIBLIŻOM NOM NIEBA,
I JUŻ ŁOD BAJTLA W MIG,TRYNUJOM TAK JAK NIKT
I GIBKO CHYTAJOM SKOKÓW DRYG.

JAK WIDZA MAŁYSZA TO DYSZA
I NIC JUŻ NIY CZUJA, NIY SŁYSZA.
BO KOŻDY JEGO SKOK,TO DLO MNIE WIELKI SZOK
NIYCH LOTO, NIYCH FURGO TAK CO ROK.

NA PEWNOM TO NIY JEST PRZIPADEK,
BO MOŻE ADAMA JUŻ DZIADEK
PRÓBOWOŁ ŁODDOWAĆ SKOKI-NA BOKI.
A DOBRZE ŻE DZIADEK MIOŁ WNUKA,
CO UMIOŁ TALYNTU POSZUKAĆ
I DZIADKA NAŚLADUJE, ŻE SKOCZNI MU BRAKUJE
BO ZOWDY NA PROSTYM JUŻ LĄDUJE.


NIYCH TEROZ MU KOŻDY POMOŻE
BO SOM TEGO STRZIMAĆ NIY MOŻE,
A ŁON NIYCH PAMIYNTO ŁO BOGU-NA PROGU.
POLOKI ŚCISKEJCIE DURCH KCIUKI,
I BIERCI Z ADAMA NAUKI,
BO ŻEBY MEDAL MIEĆ,TO TRZEBA PRZECA CHCIEĆ,
DO CELU, DO CELU PEWNIE PRZEĆ!

autor - H. Polok

bodzio_g
15-01-2006, 23:51
GLACOKI

JEST TROCHA ŁYSYCH CHOPÓW NA ŚWIECIE,
A SOM TO LUDZIE BARDZO ŁOSZCZYŃDNI.
LECZ CHYBA WSZYJSCY TO DOBRZE WIYCIE
ŻE W PEWNYCH SPRAWACH SOM NOM NIYZBYŃDNI.
ŁYSY NIY MUSI SIĘ PRZECA CZESAĆ
BEZ TO NIY KUPI NIGDY GRZEBIYNIA.
WOSÓW NIY CIEPNIE NIGDY DO PIECA,
NO I FRIZURY NIY MUSI ZMIYNIAĆ.
NIY POTRZEBUJE KUPIĆ SZAMPONU,
GROSZ ZAŁOSZCZYŃDZI NA CO INNEGO.
NIY MO SUSZARKI ANI ŻEL –TONU
FRIZER TYŻ NIY MO S NIM NIC WSPÓLNEGO.
GLACA PUCUJE BLANK DO POŁYSKU,
MO BABA WIYŃCY DO CAŁOWANIO.
BEZ TO GO WIDAĆ Z DALEKA W SCISKU,
SŁOŃCE MO DUŻO MIEJSCA DO GRZONIO.
ALE SZCZYŃŚLIWI SOM TE ŁYSOLE,
A TRZA TO PEDZIEĆ BARDZO DOSADNIE:
BO CZY HANYSY,CZY TO GOROLE,
TO WOS IM NIGDY Z GOWY NIY SPADNIE.

autor- H. Polok

bodzio_g
17-01-2006, 23:48
Polszczyzna - ślonsczyzna


MOMY JUZAŚ WYLICZANKA,
U WAS TRAMWAJ – TUKEJ BANKA,
KALESONY TO SPODNIOKI,
NA SKARPETY GODOSZ ZOKI.
MAŁE STRUPKI TO BOLOKI,
TAM BUŁCZANKA – TU ŻYMLOKI.

MOMY NOWO WYLICZANKA,
TU KROSZONKA TAM PISANKA,
TANIE WINA TO JABOLE,
CHOPY Z POLSKI TO GOROLE.
TAM TOREBKA TUKEJ TYTKA,
U WAS CZAPKA – U NOS MYCKA.

GUZ NA CZOLE TO JEST BUŁA,
MIĘKKA PIŁKA – U NOS FUŁA.
BUTY Z DREWNA TO HOLCOKI,
U WAS ŁYSI TU GLACOKI.
WESTA TO JEST KAMIZELKA,
WASZA PANNA – NASZO FRELKA.

KOCHAM CIĘ TO ZNACZY PRZAJA,
ZMYŚLNY BERET TO JEST KAJA.
SKRZYNKA Z WĘGLEM TO KOKASTLA,
TAM KRASA – TU OMASTA.

U WAS RANDKA – TU ZOLYTY,
WASZE KROMKI,NASZE SZNITY.
U NOS SIYNIE, WASZE KLATKI,
TAM SPODENKI,TUKEJ BATKI.

TU GARDINY, TAM FIRANY,
NASZ NABITY – WASZ PIJANY.
KARMINADLA – PATRZ MIELONY,
A GÓRNICY TO PIERONY.

U WAS BIEDAK U NOS BOROK,
TO NAPISOŁ HYNIO POLOK.

:wink: :D

bodzio_g
19-01-2006, 22:43
Polszcyzna - ślonsczyzna

MOMY TRZECIO WYLICZANKA,
TUKEJ KRAŁZKA,TAM FALBANKA.
PODZIAŁ PRACY-FEREZUNEK,
U WAS KREDENS TU SZYBUNEK.
PRALKA RĘCZNA TO JEST ROMPLA,
ZAMIAST WUJKA MOMY ONKLA.

TAM WIDELCE,TU WIDOŁKI,
W MIEJSCE KRZESEŁ MOMY STOŁKI.
U NOS SZAŁOT TAM SAŁATKA,
NASZA CHADRA TO JEST SZMATKA.

U WAS PROBLEM TU ŁOSTUDA,
TAM STRZELNICA,TU SZISBUDA.
U WAS PĄCZEK ,TUKEJ KREPEL,
NA JÓZEFKA WOŁOSZ ZEFEL.

ZUPA Z CHLEBA TO WQODZIONKA,
JAJECZNICA ZAŚ SMARZONKA.
NIECO PÓŹNIEJ TO NIYSKORZYJ,
WY Z PROBOSZCZEM,MY Z FARORZYM.

COŚ ZAMOCZYĆ ZNACZY TONKNOŃĆ,
A COŚ ŁYKNĄĆ TO JEST SZLUKNOŃĆ.
O WAS URWIS U NOS NAJDUCH,
TAM JEST ROZWÓD A TU SZAJDUNG.

TUKEJ SZNITLOCH,WASZ SZCZYPIOREK,
U NOS BONTEK,WASZ ROZPOREK.
ROZRABIAKA TO JEST ROJBER,
WASZA PROCA A NASZ SZLOJDER.

U WAS CHŁOPCZYK U NOS BAJTEL,
NA PRZEDZIAŁEK GODOSZ SZAJTEL.
U WAS ŻOŁNIERZ U NOS WOJOK,
TO NAPISOŁ HYNIO POLOK.


:wink: :D

bodzio_g
22-01-2006, 16:40
Polszczyzna - ślonszczyzna

MOMY CZWORTO WYLICZANKA,
TUKEJ GLINIOK - TAM GLINIANKA.
ZRZUTKA NA COŚ TO JEST ŚCIEPA,
OBERIBA - KALAREPA.

SOK Z KAPUSTY TO JEST KWASKA,
A FARTUSZEK TO ZOPASKA.
U NOS LYJT, U WAS LANIE,
WASZE KŁUCIE, NASZE ŻGANIE.
PANNA Z DZIECKIEM TO ZOWITKA,

KROMKA CHLEBA – U NOS SZNITKA.
A MOTYLE – SZMATERLOKI,
ŁYŻWY Z KORBKĄ TO KURBLOKI.

DUŻO MÓWIĆ TO FANDZOLIĆ,
LEKCEWAŻYĆ- U NOS SMOLIĆ.
WŁÓCZYĆ SIĘ TO ZNACZY SMYKAĆ,
U WAS MODLIĆ – U NOS RZYKAĆ.

SCHACHARZONY TO ZEPSUTY,
TU SZCZEWIKI A TAM BUTY.
SEBLYC SIĘ – TO JEST ROZBIERAĆ,
ROZTOPIYRZAĆ–TO ROZPIERAĆ.

U WAS KATAR – U NOS RYMA,
DENATURAT TO JEST BRYNA.
TU WYKLUPAĆ –TAM WYTRZEPAĆ,
U WAS RZUCAĆ, U NOS CIEPAĆ.

IŚĆ NA RANDKĘ TO ZOLYCIĆ,M
U WAS ZŁAPAĆ – U NOS CHYCIĆ.
TU ZMARASIĆ TAM ZABRUDZIĆ,
TAM SPROWADZIĆ A TU SKLUDZIĆ.

CIEPAĆ MACHY - STROIĆ MINY,
TAM OBIERKI - ŁOSZKRABINY.
U WAS ŻONKOŚ – U NOS ŻYNIOL,
TO NAPISOŁ POLOK HYNIOL.

:D

slawomir potecki
26-01-2006, 21:41
:D :D

Jak sie robi male dziewczynki? :roll: :roll:
Tak jak male deseczki, rznie sie najpierw duze.

:D :D

tez sliaskie powiedzonko .

:D :D

slawomir potecki
26-01-2006, 21:50
a jeszcze jeden znalazlem :D :D

stary, ale lujski dowcip o szybkim Lopezie: :wink:

Szybki Lopez byl u seniority i fikali, a tu nagle ktos zapukal do drzwi, szybki Lopez wyskoczyl przez okno a seniorita poszla owtorzyc i jak otworzyla to patrzy ....." czesc to jo szybki Lopez, jo ino zapomniol galotow"
:P :P :P :D :D :D

bodzio_g
02-02-2006, 23:35
Witejcie po małyj przerwie
długo myślołek czy tukej tyż szkrobać ło tyj tragedii w Katowicach .
Wielgi to dramat dlo rodzin zmarłych i poszkodowanych , chyla czoła w smutku , ale boli mie to , że takie show przi tym sie zrobieło :evil: .
Wszyscy robiom kupa zadymy przi tym , ściepy rządowe i społeczne , konferencyje, komisyje i insze ...
Nic to jednak niy pomoże , życio niy wróci tym ludziom.
Pamiyntejcie ino wszyjscy , że żywot momy ino jedyn , szanujmy go i szanujmy inszych w tych trudnych chwilach oraz ich godność i zdanie.
Pamiyntejmy , że ludzie sie rodzą i umiyrają , a my ...wczora sie urodzili a jutro ...tyż umrzymy, wiync ... żyjmy tak ...abyśmy my i nojbliżsi nie wstydzili sie tego żywota stając przed świyntym Piotrym.

sebo8877
09-02-2006, 09:07
Witom ludziska najsedecznij jak yno umia.

Przeroszom Was za moja dłużsoz nieobecnośc ale wiycie jak to jes jak sie remontuje chłaupa - tu trza zajechac tam zajechac to zrobic tamto zrobić.
Tak samo jak Wy łoncza sie z tymi wszyskimi kierzi staciyli kogos w tej slaskij tragedii - ale tak jak pisze bodzio za dużo wrzasków i hukow kole tego sie robi. ZYcia im nie wrocymy - teraz trza sie zastanowić co zrobic żeby tako tragedio sie nie powtórzyła.
Tyn nasz piekielny rzond - robi to co robi niby kontroluje te wszyski hale - ale jakos dziwnie one bulom sie dali ????
Tak jak ftoś powiedzioł niedowno - wnosza społeczny apel
"NIE odśnieżać dachu SEJMU !!!"
Co do śniega to u mie na podkarpaciu na mojij drodze wczora zumiynty mialy 3 m - wirnik aż z Rzeszowa przijechoł coby my mogli do chałup dojechac. Dziynki Bogu dzisio już ni ma wiatru i zumiynta sie nie bydom robić.

Bezmała ta Zima mo sie skonczyć za 4-5 tydni - dej Boze żeby tak było już mi bokiym wylazuje te szuflowani zamarznytej wody :)
Ale co skończy sie zima zacznie sie lato i zas bydymy musieli z tymi kosiarami wyjechac na te trowniki bo te zielone bydzie rosło - i zaś napeno ftos powiy że mu źle .
I jakby tyn Ponboczek nie robiył i tak wszystkim nie wygodzi.
Najważniejsze żeby kożdy z nas był zdrowy i nie boł sie roboty :)

Pozdrowiom serdecznie
Sebo8877

Zumiynt - zaspa :)

bodzio_g
13-02-2006, 23:04
Z okazyji łodpustu w Bieruniu wklejom wom pieśniczka do świyntygo Walentygo- patrona 400- letnigo kościółka Bieruńskigo

Pieśń "O tym świętym Walencinie"

O tym św. Walencinie,
wielka sława o Nim słynie.
Jaki On to prześliczny był,
oliwnemu drzewu podobny był.
Panny mu się dziwowały,
wielkie dary Mu dawały.
A On na dary nic nie dbał,
przy Bożym Słowie zawsze został.
Prosił Boga Wszechmocnego,
by przemienił piękność Jego.
Pan Jezus Go w tym wysłuchał,
Św. Walenty księdzem został.
Gdy pierwszą Mszę celebrował,
wielki wrzód Go nagabował.
Rzucało nim po kościele,
od ołtarza aż po sienie.
Panny Mu się dziwowały,
i tak sobie rozmawiały.
Nie jest to Walenty Święty,
ale jest to czart przeklęty.
Gdy te słowa wymówiły,
to się w kamień obróciły.
Amen, amen tak nam Bóg daj,
byśmy przyszli w niebieski raj.
Byśmy się w niebo dostali,
z św. Walentym, królowali.

bodzio_g
05-03-2006, 15:39
ŁÓŻKO

ŁÓŻKO TO MEBEL STARY JAK ŚWIAT,
U NOS TYŻ ZWANY PRYKOLYM.
NIY JEST TO PRZECA ZWYCZAJNY GRAT,
A CZASYM NAWET HISTORIA POKOLYŃ.
W ŁÓŻKU SIĘ ZOWDY WSZYSTKO ZACZYNO,
CZY TO POD DEKOM CZY POD PIERZINOM.
NIYSTETY W ŁÓŻKU ŻYCIE TYŻ GAŚNIE,
JAK PRZIDZIE DOTRWAĆ TYN MOMYNT WŁAŚNIE.
JUŻ MAŁE DZIECKO SKOKO W ŁÓŻECZKU,
MAJĄC DOKOŁA PEŁNO ZABAWEK.
WTEDY RODZINA SIEDZI PRZI DZIECKU,
I PATRZY W NIEGO JAK W NIEBA SKRAWEK.
ŁÓŻKO TRZA DZIELIĆ ZE SWOJOM BABOM,
TO PRZECA ŚWIYNTY TWÓJ OBOWIĄZEK.
CZASYM JEST FAJNIE, A CZASYM SŁABO,
TAKI JEST PRZECA MAŁŻYŃSKI ZWIĄZEK.
JEDYN MO ŁOŻE IŚCIE KRÓLEWSKIE,
DRUGI TAKIGO NIY CHCE I WE ŚNIE.
NIYKIERYM STYKNIE WIYŃZIYNNO PRYCZA,
INNYM TRZA ŁOŻA SWEGO UŻYCZAĆ.
PRZIKRE NIYSTETY ŁÓŻKO SZPITALNE,
CZYNSTO TYN CHORY MUSI POCZEKAĆ.
SOM TO TENASZE REALIA FATALNE,
NAWET NA ZDROWIE ZAPOMNISZ NARZEKAĆ.
DUŻO MO LUDZI PROBLYM NIYMAŁY,
BY JAK NOJWIYNCYJ TYCH LATEK DOŻYĆ.
WAŻNYM JEST JEDNAK MORAŁ WSPANIAŁY:
BY W SWOIM ŻYCIU NIY CUDZOŁOŻYĆ!




autor - Henryk Polok

bodzio_g
06-03-2006, 15:40
O tym jak ... uniknołek ... WOJNY DOMOWY gorszej od światowyj

Tak do prowdy to jo som sie dziwia, czamu jo niy był na tym trefie w wawie. Juzech mioł narychtowany paszport i koperta , jakby niy chcieli mnie puśćić na bramie , kupiłek sie żyletki i pachnidła coby niy robić wsi w mieście, nawet zoki miołek wybiglowane....
A oprócz tego :
dlo wszyckich samców psycholi miołek napoju z wiagrą do woli
dlo pacjyntów z lazaretu - sok z Weronki zamiast maszkietów
dlo moderów śmiatek do wymiatanio
dlo pismaków gynsie pióra do szrajbowanio
dlo missek blank nowe półmiski
dlo misterów- stare handmiksery
dlo blondinek woda farbiono, dlo brunetek ...utleniono
dlo łysych szampon na "porost włosów", dlo brodatych - krauza osów
dlo zmarzniyntych tyju ze sztromym , dlo rozprażonych - herbatka z bromym
dlo młodych mlyko i mietła z mierzwy, dlo starych - kryka z wierzby
dlo Nikoli klocki lego łod omy , by pokozała jak sie buduje domy
a dlo siebie oczywiście ... kufla i pełno flaszek w kiście

Tak jużech był jak supermen objuczony, a ty nogle słysza łod ... pra żony
Te bodzio !!
ziymnioki naszkrobane ?
a gorki pozmywane ?
łapej sie za te PRONTO !!
a wto haziel posprzonto ?
Wiync sami widzicie jako tukej na ślonsku ciynżko dola
i slonzoka i ...gorola
coby wojny domowyj niy wywołać, musiołek wszytko wypakować
i do szrancku schować
Ale ... jak jeszcze trocha pożyjymy
to sie wkiejś trefiymy
i beczka piwa wypijymy.

ps. kończa i leca , bo mi wodzionka skipieje

tomek1950
06-03-2006, 17:16
Bodziu, tym razem masz odpuszczony cinżki grzych choć ja farorz nie jestem :D

selimm
18-03-2006, 21:08
Fto ni mioł kaca ni wi co to smutek.
Kie kufo drewniano, łocka ropom skute.
Moze som i tacy co kaca ni mieli ,lec
co łoni culi ? Co łoni widzieli.

bodzio_g
27-03-2006, 08:35
Raport z wypadku na budowie
Jedyn murorz połamoł se rynce , szłapy i połobijoł głowa.
W raporcie z wypadku napisoł co mioł sniyść cegły z dachu 3 piyntrowyj chałpy na ziemia.
Załadowoł je do beki i kcioł je łopuścić za pomocą liny zamocowanyj na bloku trzymiąc lina na dole.
Nogle łokazało sie, że beka z cegłami jest ciynższo łod niego i łon pofurgnoł z liną do góry a …beczka z cegłami dół . Po drodze poobijoł głowa o beczka i polecioł aże do krążka, kaj palce połodziyroł o krążek. W tym czasie na dole z beczki wypadły cegły i pusto beczka pofurgła zaś do góry a łon na dół i zaś sie strzaśli ło się, a łon połamoł kostki u szłapy. Potym łon spodł na cegły, co sie wysypały, a beka pofurgła aże do …bloku. Jak się połobijoł ło ta kupa cegieł to … puścił lina z beczką , wtoro … spadła mu na głowa. Jo bych cheba tego nie przeżył… :roll: :oops: 8)
Jak wtoś chce posłuchać orginalnygo nagranio ( mp3 - 3,5 mega), to mu pośla emalią :)

tomek1950
27-03-2006, 18:47
Dawaj Bodziu, mnie możesz przysyłać bez pytania :D

bodzio_g
01-04-2006, 08:22
Dawaj Bodziu, mnie możesz przysyłać bez pytania :D
posłałem Ci emalią , ale nie wiym czy doszło

bodzio_g
01-04-2006, 08:42
Z pamiyntnika młodygo karlusa

Pierona jak tyn czas leci...
Minyło dokładnie 20 lot , wkiedy moja frelka pedziała mi , że jej do matury zostoł ino miesiąc a łona jest ...w ciąży. Zamurowało mnie wtedy , pytom sie twardo z kim ? a łona , że ze mną. Jo sie spomiarkowoł , że mnie cygani , ale nic..., godom jej , że musi se jakoś poradzic sama , bo jo ...ida do wojska na 2 lata. Wtedy łona godo mi , że może jest w ciąży, ino nie wiy dokładnie z kim. Rąbło mie to festelnie ale nic , jo zaś jej godom , że ida do wojska , ino nie wiym dokładnie czy na dwa lata , czy na trzy. Wtedy dziepiero łona mi godo , że to prima aprillis , a jo tyż jej godom , że żartowołek. Problem był ino taki , że jej sie prima aprillis udoł, a mnie nie , bo za pora dni dostołek bilet do woja , ale ino ... na 2 lata :roll: :-?

frelka - dziewczyna
spomiarkować - zrozumieć
festelnie - mocno
dziepiero - dopiero

tomek1950
01-04-2006, 15:07
Dawaj Bodziu, mnie możesz przysyłać bez pytania :D
posłałem Ci emalią , ale nie wiym czy doszło

Bodziu doszło, ale nie po Śląsku :(

bodzio_g
02-04-2006, 16:35
Dawaj Bodziu, mnie możesz przysyłać bez pytania :D
posłałem Ci emalią , ale nie wiym czy doszło

Bodziu doszło, ale nie po Śląsku :(
nie wiym jak Ty ale jo pękołek ze śmiychu :D - w krakowie i w wa-wie też mają poczucie humoru.

bodzio_g
07-04-2006, 23:36
O...wypadkach

1. Romboł górnik klocek, romboł go pod ścianom
I przi tym rombaniu ciulnoł się w kolano
Że go zaskoczyło to nogłe zdarzynie
Na wcześniejszy wyjazd dostoł pozwolynie.

2. Poszoł se przekopym, jak mamlas po szynach
A tu na zakryncie „dup” w niego maszyna
Kieby się obejrzoł za siebie do zadku
To by boł uniknoł przikrego wypadku.

3. Stanoł i nadepnoł na kulok urżniynty
I gwość zaruściały wloz mu aż do piynty
Musioł borok siednońć na okorkow kupie
Zaroz poczuł drzizga w swojyj chudyj ....

4. Górnik aże skoczył, hełm mu ślecioł z głowy
I ciulnoł tom głowom w ring od obudowy
Buła mu wylazła na pośrodku glacy
Straciył równowaga i ciulnoł na cacy.

5. Jak lecioł na plecy, chycił za kolejka
Pelec mu prziczasła jakoś k... belka
Chycił za betonik, kiery wisioł z kraja
Betonik wylecioł, i dostoł nim w jaja.

6. Droty co tyczały, wlazły mu do miecha
Trza mieć k... noga pierońskigo pecha
Jeszcze zdonżył chycić jakoś deska z tyłu
Półka go prziczasła i ćwierć tony pyłu.

7. Godajom – wypadki, niy chodzom parami
Jak to jest naprowda słyszeliście sami
Tak jest niebezpieczno robota górnika
Niy rób nic na dole unikniesz ryzyka.

gabula
08-04-2006, 17:03
:D :D :D Bodziu, nareszcie wiem czymu robisz na grubie :wink:

bodzio_g
09-04-2006, 16:27
TAKI CHŁOP

taki chop jak łon bół
ciyngiem gorzoła piół
terozki go nima
gryzie go ziymia

a godołek mu godołek
nie pij, a łón
durch piół

taki chop jak łon bół
nockami w szkata groł
terozki go nima
gryzie go ziymia

a godołek mu godołek
niy groj, a łón
durch groł

taki chop jak łon bół
ino na rajdy szoł
terozki go nima
gryzie go ziymia

a godołek mu godołek
nie idź, a łóń
durch szoł

bodzio_g
09-04-2006, 17:38
CYC

chocbyś mnie piłom porżnoł w pół
choćbyś mnie durch po ryju proł
jo cie byda kochała
bo jo jest twoja staro baba , twój cyc

ref:
więc nie odchodź ode mnie
nie każ czekać nadaremnie
jo cie byda kochała
bo jo jest twoja staro baba , twój cyc

choćbyś mnie przerobił na nici
choćbyś nakopoł mnie do rzyci
jo cie byda kochała
bo jo jest twoja staro baba , twój cyc

chocbyś wycieroł nos do gardiny
choćbyś wyciepoł mnie z pierzyny
jo cie byda kochała
bo jo jest twoja staro baba , twój cyc

chocbyś sie na mnie rył jak wół
choćbyś mnie durch do gęby pluł
jo cie byda kochała
bo jo jest twoja staro baba , twój cyc

choćbyś mnie durch i kablem proł
choćbyś mnie durch do łóżka loł
jo cie byda kochała
bo jo jest twoja staro baba , twój cyc

choćbyś mnie bez pomocy rąk
skrzywdził jak kiedyś Kaziu Bąk
jo cie byda kochała
bo jo jest twoja staro baba , twój cyc

tola
09-04-2006, 23:47
Hm...bez pomocy słownika nie dam rady :roll:

tomek1950
09-04-2006, 23:59
Bodziu, proszę o jeszcze :D

tola
10-04-2006, 00:12
Bodzio mi podpowiedział, że durch = ciągle 8) w życiu bym nie zgadła :oops: i wiem już co to rzyci 8)

Tomku, Ty to bez problemu, tak?

tomek1950
10-04-2006, 00:28
Spędziłem sporo czasu na Śląsku. Wielokrotnie byłem na grubie. A wiesz czym się różni górnik od dolnika?

tola
10-04-2006, 19:41
Spędziłem sporo czasu na Śląsku. Wielokrotnie byłem na grubie. A wiesz czym się różni górnik od dolnika?

...nie wiem :roll: :(

tomek1950
11-04-2006, 00:56
Górnik na grubie pracuje na górze, a dolnik na dole :wink:
A jaka jest różnica między kamieniem węgielnym, a węglem kamiennym?
Takie pytanie zadano mi podczas mojego pierwszego zjazdu na dół. Kiedy to było? :D Dawno :D

jamles
11-04-2006, 10:29
Wiosna!!!

Prziszła do miasta, paniczka wystrojono!
W parkach przisiadła i w ogrodach.
Bolerko biołe łoblykła i kiecka zielono,
Boso jes boroczka, nic niy mo na nogach.
Sikorka jom wito: Widzi Pon! Widzi Pon!
I miyndzy astkami lipy sie uwijo.
Szpok ji łodpedzioł: Widza jom! Widza jom!
A jako jest gryfno bestyjo!
Paniczka udowo, że nic niy słyszała,
Biere sie zaroz gibko do roboty.
Kwiotki i listki na stromach powiyszała,
Bo przeca zdonżyć chce do soboty.
Wiśnie i cześnie nojprzod ukwiyciyła,
Potym gruszki i plonki paradne,
Choby mode panie do śluby przistrojiła,
Ślub bydzie w niydziela, potym szlajer spadnie.
Już nad stromami żynioki furgajom,
Pszczoły, ćmiyle i szmaterloki.
Drabko te wszyskie kwiotki zapylajom,
Przeca robotne to som chroboki. (...)
Kto tak poradzi rozweselić ludzi?
I do zegrodek z grabkami posłać.
Cołko do życio prziroda łobudzić!
Jest tako paniczka – no przeca
Wiosna!

bodzio_g
11-04-2006, 23:35
Tola i Tomek - :oops: :roll: 8)
Jamles - pisz wiyncyj

bodzio_g
11-04-2006, 23:37
DZIÓBKA DEJ

dzióbka dej dzióbka dej
moja roztomiło,moja roztomiło
bo jak dzióbka nie dostana
zrobia jo se w sercu rana
dzióbka dej dzióbka dej
moja roztomiło

nie dom ci , nie dom ci
mojego dzióbecka, mojego dzióbecka
bo mój dzióbek nie błozynek
nie dostanie żodyn synek
mojego , mojego
mojego dzióbecka

dzióbka dej dzióbka dej
podwiel piyknie prosza, podwiel piyknie prosza
dej mi dzióbka pukiś młoda
żodno sie nie stanie szkoda
dzióbka dej dzióbka dej
moja roztomiło

to se weź , to se weź
lecz ino troszeczka, lecz ino troszeczka
żeby mi go nie ubyło
żeby na długo starczyło
mojego , mojego
mojego dzióbecka

jamles
12-04-2006, 10:07
Hm...bez pomocy słownika nie dam rady :roll:
http://www.tomex.kom.pl/index.php?page=slaskie&page2=slownik&litera=f

Bodzio czy jo już godoł, że przi kompie siedzi leń :roll: 8) :oops: :wink:

bodzio_g
16-04-2006, 23:12
Bojka o drzewach

Była se bojka o 3 drzewach , co umiały godać. Piyrwszy godo - mnie jak zetnom to wybudujom se mnie wielgi gmach wtory wszystkie ludzie bydom podziwiać. Drugi pado , że jego jak zetnom to wybudujom s niego taki wielgi statek , co wszyscy bydom go podziwiać. Trzecie drzewo godo , co s niego wybudujom cóś takigo wspaniałygo , co wszyscy bydom podziwiać aż do skończynio świata. Wszyscy wierzyli że ich marzenia sie spełniom. Jak już urosły te drzewa to przyszoł drwal i pościnoł je. Z piyrwszygo cieśle zrobili ...korytka , żłoby i obora dlo zwierząt. Z drugiego deski nadowały sie ino na mało łódka. Klocki z trzecigo na razie odłożyli na sztapel na potem. Marzenia marzeniami ale ...wiara czyni cuda. Po poru latach w żłobie z piyrwszygo drzewa urodziło sie dzieciątko , wtore nawet królowie podziwiali. W łódce z drugigo drzewa cołkie dorosłe życie łowił ON ryby i ... ludzi . Z trzecigo drzewa zrobiono krzyż na wtorym ON ... przeszedł z jednygo życia do drugigo i ...żyje do dziś . Wiara czyni cuda - ich marzenia sie spełniły, wszystkie drzewa były i som podziwiane do dziś.
Jo od siebie dopowiym , że w miejscu tych drzew wyrósł las , z wtórygo drewna do dziś produkują papiyr, z którygo powstajom książki opisujące życie , śmierć i zmartwychwstanie JEGO. Niech te księgi towarzyszom nom cołkie życie tak, jak tamte drewna towarzyszyły JEMU.
A ON na imie mioł ... JEZUS. Pamiyntojmy o NIM, tak jak ON pamiyntoł o nos i wierzmy w NIEGO, jak ON wierzył w nos. WIARA CZYNI CUDA... Alleluja - ON żyje wśród nas , wystarczy przetrzeć dobrze oczy a zoboczymy GO.

sebo8877
21-04-2006, 13:13
Witom Wos ludkowie

mocno tos pedzioł Bodzio mocno i dostojnie. Ni ma czasu na fanzolyni postympy u mie na budowie nowy dach teraz bydo wylywki i instalacje . Zaspierdzielom jak mały samochodzik w chwili wolnego szkroban cos nowego.
A tym czasy zdrowia wszyskim życza

Sebo8877

bodzio_g
22-04-2006, 03:11
Sebo - nie fansol że ni mosz czasu ... - kup se wózek zawczasu :wink: 8)

KOCHOŁ KARLIK

gdy zabawa sie skończyła
każdy do swej izby szoł
pierwszy karlik,drugi zeflik
trzeci jo

a pod płotem już
wszystko poszło w ruch
kochoł karlik, kochoł zeflik
kochoł jo

nie mineły trzy kwartały
przyszło pismo z sądu nom
dostoł karlik, dostoł zeflik
dostoł jo

bo my wszyscy trzech
mieli wielki pech
mioł go karlik, mioł go zeflik
mioł i jo
teraz każdy mo, co w pieluchy ...
mo go karlik, mo go zeflik
mom i jo

każdy kocho to , co w pieluchy ...
kocho karlik, kocho zeflik
kochom jo.

sebo8877
25-04-2006, 09:40
Bodzio toście narobiyli pieroństwa - Trojaczki były ??? :P że kożdymu stykło ??

sebo8877

bodzio_g
30-04-2006, 11:15
Sebo - beło nos trzech, w kożdym z nos inno krew, ale jedyn przyświecoł nom cel.... :wink: 8)

bodzio_g
30-04-2006, 11:23
Z pamiyntnika karlusa

Tak sie składo, że dzisiok mom z moją 18 rocznica ślubu , pierona , jak jo to wytrzymoł tela czasu . Dobrze że nic nie pamiyntom z tamtygo czasu , bo bych tego nie przeżył . Pełnoletność w tym zwionzku zobowionzuje , wiync ...dziś trza postawić jakigo szampona, trocha gorzołki z zeltrą , kawa i kołocza. Trutki na razie nie, bo wto by mi warzył . Na ogródku tyż znojda jakiś tulipan i pora stokrotek to jakoś to bydzie. W sumie to nie było najgorzyj choć...
W knajpie spotyko sie dwóch kumpli.
- Zefel - coś taki smutny
- abo wczora miołek 25 rocznica ślubu ...
- to czamu sie nie cieszysz ?
- abo ... jakbych ją zatrzasł po nocy poślubny to ... dziś już bych wychodził na wolność.

pozdrowiynia dlo wszystkich co majom wiyncyj niż 18 lot wspólnygo pożycio małżynskigo


zeltra - napój gazowany
kołocz - ciacho z posypką lub bez

bodzio_g
30-04-2006, 13:01
Specjalnie dlo Tomka :wink:

Tyś oszalała! - denerwuje sie Masztalski. - trzydzieści lot my na dancingu nie bylii dobrze !
- i dlotego dzisiok pójdymy i niy ma godki - ryczy Maryjka, -dziś momy 30 lot po ślubie.
Poszli do lokalu , kaj portier zaroski nisko sie kłanio i godo
- dzień dobry , panie Masztalski, dwa bileciki jak zawsze ?
Maryjka łypie okiem nale nic, siadają za stolikiem a tu kelner :
- dzień dobry , panie Masztalski -kłanio sie w pas- podać to co zawsze ?
Maryjka już nerwowo nale nic, o północy wyłazi konferansjer i zaczyno :
- witam państwa , na początek striptiz , kto ściągo galoty ?
- Masztalski , Masztalski!- woło cołko sala.
-O ty giżdzie pieronski! - woło Maryjka i zaczyno walić chopa.
Ani sie nie łobejrzoł a już był w taxi.
- jo ci dom dancing! - ryczy Maryjka i dalij go okłado kaj popadnie
Nagle taksiorz sie obraco z miłym uśmiechem
- no Masztalski , takij baby to żech przy tobie jeszcze nie widzioł. :roll: 8)

tomek1950
06-05-2006, 02:29
Jo to mam farta :D w tym roku nie 30, a... 34 rocznica to na dancing z moją Maryjką iść nie musza. :wink: :D
Dzięki Bodziu

jamles
09-05-2006, 00:05
Jo to mam farta :D w tym roku nie 30, a... 34 rocznica to na dancing z moją Maryjką iść nie musza. :wink: :D
Dzięki Bodziu
jo to słyszoł od tego taryfiorza jakieś sztyry lata tymu :roll: 8)

tomek1950
09-05-2006, 00:08
:D :D :D :D :D :D :D :D
Ale masz pamięć :D

bodzio_g
14-05-2006, 19:51
Ach te życie ...
Dziś nie cołkiym bydzie do śmiychu :(
Nojpiyrw wczora bydąc u śwagra (brat od żony ) na wizytacji nowygo członka rodziny dowiedziołek sie, że moja staro zostanie Matką .
Dopiyro za chwila mi pedziała że matką ale chrzestną dlo małygo Piotrusia, wtory urodzil sie po cesarsku 3 Maja.
W doma zas dowiedzołek sie ze...drugi śwagier ( mąż od siostry) odszedl do Pana 13 Maja o godz 12.30 :( . Zostawil żone , 2 córki i 4 wnucząt i ... 1 nienarodzone (byc może juz sie narodziło, gdy to pisze)
Dziwny jest ten swiat... :(

jamles
14-05-2006, 23:29
:( :( :(
czy w przyrodzie tak musi być, że jak jeden przyszoł to drugi musioł pońść :-?

tomek1950
20-05-2006, 16:36
Przykre Bodziu. "Spieszmy się kochać ludzi..."

bodzio_g
11-06-2006, 16:49
Piosnka w sam raz po meczu Poloków z Ekwadorem :evil:

W piwnicznej izbie siedze sam
przy kuflu pełnym piwa
oczami wodze tu i tam
a głowa mi sie kiwa

ja nie dbam o czerwony nos
i o to że wciąż tyje
jo biera kufel w ręce swe
i pije i pije i pije do dna

a gdyby mi ktoś wybór dał
dziewczyne konia trunek
ja powiem mu - wybieraj sam
ja płace za rachunek

na próżno dziewcze wdzięczy sie
i koń wyciąga szyje
jo biera kufel w rece swe
i pije i pije i pije do dna

tomek1950
11-06-2006, 23:31
Tyskie

tola
11-06-2006, 23:34
W porywach Żubra :wink:

tomek1950
11-06-2006, 23:35
:D

bodzio_g
12-06-2006, 06:47
nojlepszy byłby .... tyski żubr 8)
pod Tychami żyją żubry ( w Jankowicach koło Pszczyny )
"...Przyległych lasach książę pszczyński urządzał dla koronowanych głów i arystokracji polowania na grubą zwierzynę. Tu też wydzielono leśny rewir, w którym od 1865 r. znajdują się żubry. Pięć pierwszych sztuk podarował książętom pszczyńskim car Aleksander II. Od 1996 rezerwat przyrody "Żubrowisko" o pow. 742 km2..."- patrz tukej (http://www.powiat.pszczyna.pl/index.php?laduj=12)
8)

bodzio_g
15-06-2006, 15:36
Bajka o ... nie obnoszeniu sie bogactwem
Do maleńkiej wioski przybywa Robin Hood i pyta o najuboższego wieśniaka.
– Oto jestek, panie – godo biydok, chyląc mu się w pas.
– Więc masz worek złota!
– Panocku, czamu mi to dajesz? – pyto nędzarz.
– Bo jestem Robin Hood. Zabieram bogatym, a potem rozdaję biednym.
– Hura! – bierąc worek złota woło chop. – Jestek bogaty!
Na to Robin Hood:
– W takim razie oddawej worek!... :roll: 8)

bodzio_g
02-07-2006, 21:23
Jak tyn czas szybko leci ...

już momy (dziecka majom) wakacje, świadectwa rozdane , poski tyż jedne na świadectwie , insze na d...

Nareszcie koniec szkoły. Dla mnie już na zawsze. Jestem od dawna zakochana i postanowiliśmy z moim chłopakiem wreszcie się urwać. Wiem, że Tobie się to nie spodoba, ale on jest taki słodki! Te jego tatuaże na każdym kawałku ciała... No i ten jego motocykl!
Ali (tak nazywa się mój miły) twierdzi, że jazda na nim w kasku to grzech. Ali jest kompletnie na moim punkcie zwariowany. Mówi, że go uratowałam, bo ten alkohol by go w końcu zabił...
Aha, najważniejsze - będziesz miała wnuka! Tak się cieszę! Kolega Alego ma gdzieś w lesie drewnianą chatkę. Trzeba ją wyremontować i nie ma w niej światła ani wody, ale to będzie nasz nowy dom.
Nie martw się! Będziemy mieli z czego żyć. Ali ma kapitalny pomysł. Będziemy uprawiać marihuanę i sprzedawać ją w mieście. Ma być z tego kupa forsy. Tak się cieszę!
I nie martw sie proszę. Wkrótce będę miała 14 lat i naprawdę mogę na siebie sama uważać. Mam tylko nadzieję, że szybko pojawi się ta szczepionka przeciwko AIDS.
Alemu bardzo by to pomogło...
Twoja ukochana córeczka.
P.S.
Wszystko bzdura! Jestem u Krychy i oglądamy telewizję. Chciałam Ci tylko uświadomić, że są gorsze rzeczy niż to świadectwo, które znajdziesz na nocnym stoliku. Buziaczki!

My zaś momy pora na wyjazdy , jo był w zeszłym roku na "malcie" , a wtym roku byda na ...krecie abo... na nornicy , bo kreta łostawie moi babie.

Autobus wycieczkowy zbliżo sie do granicy.
– Piwo! Sikanie! – po raz któryś z rzędu rozochoceni pasażerowie zmuszają kierowcę do zatrzymania.
Po dłuższej chwili, gdy już zajęli miejsca, kierowca pyto głośno:
– Czy kogoś wam nie brakuje?...
Cisza.
Po przekroczeniu granicy do kierowcy podchodzi Masztalski i godo lekko bełkocząc:
– Ni ma mojij żony...
– No przecież – wścieka się kierowca – pytałem, czy kogoś wam nie brakuje!
Na to facet:
– Ale mnie jej nie brakuje, ino godom, że jij ni ma...

"malta" - zaprawa murarska

tomek1950
04-07-2006, 23:46
Bodziu, na malcie to ja już był kilka dni temu, a nornica zorała mi trawniczek. Krety ni mom. :D

jamles
05-07-2006, 17:07
Bodziu, na malcie to ja już był kilka dni temu, a nornica zorała mi trawniczek. Krety ni mom. :D
boś krety wysłoł do Toli 8) :wink:

tola
06-07-2006, 23:56
Bodziu, na malcie to ja już był kilka dni temu, a nornica zorała mi trawniczek. Krety ni mom. :D
boś krety wysłoł do Toli 8) :wink:

to już teraz wiem, od kogo ten prezent :roll: :wink:

bodzio_g
08-07-2006, 00:50
Bodziu, na malcie to ja już był kilka dni temu, a nornica zorała mi trawniczek. Krety ni mom. :D
boś krety wysłoł do Toli 8) :wink:

to już teraz wiem, od kogo ten prezent :roll: :wink:
no i puść tu takigo na plac ... to Ci kretów napuści :roll: :wink:

tomek1950
13-07-2006, 11:43
Bodziu, na malcie to ja już był kilka dni temu, a nornica zorała mi trawniczek. Krety ni mom. :D
boś krety wysłoł do Toli 8) :wink:

to już teraz wiem, od kogo ten prezent :roll: :wink:

A normicę to kto mi podrzucił? :wink: :D

bodzio_g
30-07-2006, 19:53
Z powodu suszy krety i nornice przeniesły sie na niższe pokłady i żerą terozki wongiel, i beztosz ryle przestały fedrować i zaczyno wonglo brakować.
Ludzie ! - przeciepujcie sie na chrust i wiklina bo to dobrze sie ...plecie i nie wymago pranio :wink: , a " eko- groszek" i insze sorty wonglo co roz to droksze.
ryle - górniki na ścianie ... czyli na przodku , czyli ... ci co wykopują ten węgiel z calizny pod ziemią

bodzio_g
30-07-2006, 20:09
Rozmowy na wakacje
Ecik i Masztalski godajom przy kieliszku.
– Ech, życie, życie, okrutne życie... – wzdycha Ecik – Miołek wszystko o czym człowiek może marzyć: cichy dom, pieniądze, dziewczynę...
– I co się stało?!
– Żona wróciła z wczasów tydzień wcześniej...

jamles
01-08-2006, 01:43
Z powodu suszy krety i nornice przeniesły sie na niższe pokłady i żerą terozki wongiel, i beztosz ryle przestały fedrować i zaczyno wonglo brakować.
Ludzie ! - przeciepujcie sie na chrust i wiklina bo to dobrze sie ...plecie i nie wymago pranio :wink: , a " eko- groszek" i insze sorty wonglo co roz to droksze.
ryle - górniki na ścianie ... czyli na przodku , czyli ... ci co wykopują ten węgiel z calizny pod ziemią
a jo myśloł, że to ci co goniom krety na północ 8) :wink:

bodzio_g
15-08-2006, 17:32
Z pamiyntika młodygo karlusa
Wakacje
Bendonc młodym karlusym ... na wsi nikt nie myśloł o wywczasach ino o pasaniu krów abo kozów, abo inszy gowiedzi. Krowy wyżyrały trowa na rantach a my sie kompali w przikopach abo we stowkach. Chopcy grywali we fusbal abo we wojne, a dziołchy w chowanygo abo cóś maszkieciły przi fojerce, abo fatkowały o ... chopcach. Takie pasanie w grupie za wsią beło ...wielce integrujące i kształcące :wink: 8) .Chopcy poznawali wiela tajników dziołch a dziołchy - chopców :roll: :oops: i nikt nie myśloł o jeżdżyniu na kolonie abo na wczasy. Cołki dziyń my dychali świyżym luftym , woda w rzykach czyściutko , a my wracali do chałpy wieczorym cali czorni i zmynczyni i zaroski my zasypiali. To beły piykne dni...
a dzisiej ? - ech szkoda godać...

bodzio_g
15-08-2006, 17:57
Z pamiyntnika młodygo karlusa
wakacje cd.

Bendonc młodym karlusym w mieście ...mało wto jechoł na wywczasy i na kolonie . Ino dziecka górników i hutników z tego korzystały a reszta to sie wczasowała ale na gliniance abo na klopsztandze. Przi familokach beły szopki i chlywiki to tam bawili my sie w chowanygo abo w ...dochtora :wink: :roll: . Jak był plac to grali my szpile w szmacianka, abo w strzylanka. Na hołdach zbiyrali my wongiel na zima , abo strzylali ze szlojdrów do ptoków. Hodowali my gołymbie i inne gowiedniki. Cołkie dnie nom sie nie nudziło
To beły piykne czasy ...
a dzisiej ? - ech szkoda godać...

bodzio_g
09-09-2006, 23:46
...
wiedziołek że nikt mi nie odpowiy , bo to czysto prowda z tymi wakacyjami beła :wink: 8)

Lato sie skończyło , nie byda sie rospisywoł żech był na malcie bo żech już popucowoł chałpa . Nie byda pisoł żech był na krecie , bo pieron pitnył do somsiada. Na majorce tyż żech nie bywoł bo ... coroz mniyj żonatych majorów. We Wenecyji i w Paryżu ( kole Biskupina ) byłech w zeszłym roku. Do Włochów sie wybierom za rok a i na stadion tyż, ino nie San Siro ale ... dziesięciolecia. Za to żech był teroski przy tych upałach we Rowach ...co żech se je wykopoł ( u nos sie godo na nie ... przikopy), a jak poloło fest to ...byłek w ...Taplarach. W tych rowach to takie mi sie śniły Chałupy że ... zaroski musiołek siyngać do ... Zimnej Wódki . Potym zaś cóś mnie Ustrzykło w Krzyżach i wylondowołek w Cieplicach. Moja rykła- ło Matko Buzka ,ino nie do Buska... Jo jej godom - jak nalejesz szklanica Starogardzkiej to jadymy do Stanicy , bo tam ...indianerki takie ...Rude. Moja woło synka - bierymy go do ... Księżyna odprawic egzorcyzmy, bo go jakoś zaczarowała i teroski ino ...trawki szuko. Jo wołom - działka , działka mi sie śni a oddali już komtur chałpki mi sie rysuje między 2 gałęziami ... no i ... wtedy żech sie łobudził :roll: :oops: 8) .

malta- zaprawa murarska
pucowanie - tu - tynkowanie

synek z hołdy
07-10-2006, 16:16
sczynść Boże chopy,

jo jus lata niy żyja w polsce, i pora dni tymu szukołech coś ło slonski godce. no ja, i tu zech wylondówoł. :D

fajnie sie cyto ta nasza godka. a jo na prowda jus mysloł, ze teroski żodyn juz niy godo, bo to niy jest w modzie. jak sie idzie pomylić!!!

mie styknie ino, jak jo z mojom siostrom godom. łonia śpiewo pieronie, że jom prawie nic nie rozumia. a łod ni chopcy niy chcom zy mnom przez telefon ani godac, bo "wujka nie rozumią, jak on mówi". na moje stare lata niy byda sie przeca czysty polsczyzny uczoł. starego drzewa sie przecaś tyż niy przesadzo, abo?

prodrowiynia do wszystkich ślonzoków, kere sie wlasny godki niy wstydzom. ino tak dali.

jo byda na pewno jesce sam zaglondoł.

cu jan

tomek1950
07-10-2006, 22:33
A zaglondoj i szrajbuj :D

slawomir potecki
07-10-2006, 22:39
:D :D :D

selimm
07-10-2006, 22:49
A zaglondoj i szrajbuj :D

łokurde Hanyski Gorol sie trefił 8)

tomek1950
07-10-2006, 23:27
A zaglondoj i szrajbuj :D

łokurde Hanyski Gorol sie trefił 8)
:D :D :D :D :D :D :D :D :D :D :D

bodzio_g
08-10-2006, 17:46
Ale tu sie gynsto zrobieło ... 8)
Witej synecku z hołdy - a skond żeś sie ty tu wzion ? przeca to forum ...budowlane a nie slonskie.

O prawdziwych menczyznach
chop wraco łożarty do chałpy i wali do pryka.Baba pado :
– Słuchej, może by my przed snem tak jeszcze...
– A mosz co do picio ? – ożywio się chop
– Nie chodzi mi o to. Może by my tak...
– E, dej mi spokój, ida spać...
Rozżalona żona krzyczy na cały głos:
– Boże, czy w tym domu mieszko jeszcze jakiś prawdziwy menczyzna?!
W tym momencie z okna piętro wyżyj wychylo się inszy somsiad.
– A co? – pyto. – mocie co do picio...?

bodzio_g
08-10-2006, 18:37
"Pytok"

Na łosiedlu w Bykowinie
miyszko jedyn taki synek
co jes mały i niy czyto,
za to sie durch w kołko pyto.

Kaj poczontek jes na kulce?
Czymu sie kluc krynci w dziurce?
Na co som roladzie nici?
Z czego sie karbitka świyci?
coch jom widzioł u starzika
jak my roz szli do chlywika?
Czymu kibic nosi szalik,
kej na karku mo mydalik?
Czymu w biksie siedzom śledzie,
a niy jeżdżom na rolerze?
Wiela wosów jes na gowie,
fto mi na to dziś łodpowie?
Wiela knefli mo nosz farorz?
Jo chca wiedzieć i to zaroz!
Starzik szuko łodpowiedzi,
cały czos przi piecu siedzi.
Kurzi fajka, kombinuje,
"już ci godom" - łobiecuje.
Starka tyż trocha myślała,
dała pokój - łosiwiała.
Tacie łeb spuchnoł jak bania,
skuli ciągłego pytania.
Nic niy godo, gowom kiwo,
wzion 3 złote, szoł na piwo.
Matka zaś pedziała tak:
"zaroz mie sam trefi szlag,
abo zaroz po niydzieli
jasny pieron wy mie szczeli.
Nerwica mie jakoś chyci
I naszczylo mu po rzici".

Jak pedziała tak zrobiła
i pytania zakończyła.

synek z hołdy
09-10-2006, 16:13
Witej synecku z hołdy - a skond żeś sie ty tu wzion ? przeca to forum ...budowlane a nie slonskie.

przeca jo buduja, żeby niy pedzieć: podbudowuja, tych ślonzoków, co swoja godka uchowujom :D

znosz coś takiego: gulgul, a psio kref "google.com" ? :wink:

cu jan

jamles
09-10-2006, 20:23
synek.... a po kieryj hołdzie żeś lotoł za bajtla :roll: :wink:

synek z hołdy
09-10-2006, 22:35
synek.... a po kieryj hołdzie żeś lotoł za bajtla :roll: :wink:

miyndzy Kozi Górom a Szarlejym. W poszczotku jest jedne świynte miasto, nad tym tyn nowy papierz w tym roku z helikopterym lecioł. prowda godom.

jan

bodzio_g
15-10-2006, 18:10
Synku z Piekor abo z hołdy...
cós licho nos tukej podbudowywujesz- pisuj czynścij...

bodzio_g
15-10-2006, 18:16
Ecik oznajmia Masztalskiemu:
– Miarkuj, synek! Jada samochodem do Anglii!
Na to Masztalski:
– A czy ty wiesz, że tam jest ruch lewostronny?...
Spotykają się następnego dnia i Ecik od razu zaczyna:
– Dobrze, żeś mi pedzioł o tym ruchu lewostronnym!... Wypróbowołech z Bytomia do Katowic. To jest koszmar!!!

synek z hołdy
18-10-2006, 19:51
bodzio,

ja, jo zech jest z piekor. ino mi ta hołda tak prziszła do gowy ... :wink:

jo by sie zeszły tydziym melduwoł, ale mi sie jedyn computer spipcył. jo spróbuja napisać, co sie stało. możecie sie śmioć, ale niy przezywać. jak zech jesce w polsce boł (kupa lot tymu) , to zech niy mioł computera. a teroski niy moga wiedzieć, jak sie co nazywo. fto bydzie chcioł, to mie zrozumiy.

a to było tak:
mie zaczoł jedyn HD (twardziel?) szwankuwać. to biera jedyn nowy ze szranku i robia tzw. backup moich plików, jak naroz światło zacło migać. ja, skrzinia sie łobiesiyła. próbuja na nowo go włączyć, psinco, nic niy idzie. no ja, i co teroz? musza jakoś sprubować wszystko dostać nazot. w jednym forum pytołech sie, czy sie do coś zrobić. napisali mi, że sie do. ino jo potrzebowoł śtyry dni na to, aż moja staro bucała. ale wszystko jest nazot: filmy, muzyki kupa, zdjyncia łod familije (przedewszystkim łod mojego wnuka!!!) i byle co jesce.

potym musiołech na nowo zainstaluwać moj XP, bo mój już śtyry lata stary boł. ale te pieruństwo mir godało, że jo potrzebuja aktywacja. bo jo gupi? byda sie u Billa meldówoł, bo łon tak chce? niy, pół godziny nieskorzi było wszyskto juzaś w pożondku :P ja, ale jo siedzioł do trzi ćwierci na trzecio rano przed monitorym, aż zech kwadratowych ślypji dostoł.

no ja. a potym prziszła reszta. wszystko, co cowiek potrzebuje (abo i niy). nojgorzi boło mój mail-client narychtówać. jak sie mo 17 adresów, to jest biyda wzsystkie rzeczy spamiyntać. ale i to jakoś poszło.

teroski jest zech tak daleko, że nawet z polskiymi czcionkami(?) pisać poradza.

to by było dzisioj na tyla. za pora dni byda juzaś coś pisoł.

cu jan