Ślonskie fanzolynie

[tomek1950]

Froscha, super.
Sebo, dziękuję.
Hanys

[DPS]

Frosia, obśmiałam się jak norka!!!

[bodzio_g]

Nojlepszego w nowym roku , Sebo - lata przestympne są ...podstympne
Frosia - piykne
DPS - ciekawe jak to norka robi ...

[DPS]

No jak to?
Tak jak ja!!!

[frosch]

ciesza sie fest , ze moglach kogos rozweselic
mysla ,ze zame bajstlowanie bomby buloby barzyj wesole

[bodzio_g]

Frosia - jo tam wola co inszego bajstlować

Dps - tero już wiym ...

[bodzio_g]

Trzi króle.


Trzi Króle już wandrujom,
Niesom Dzieciontku dary,
Kadzidłym zahajcujom,
Odpyndzom złe koszmary.

A potym na 3 głosy
zanucom kołysanka:
"No być tak dobry, proszym.
Śpij Jezu aż do ranka.

Bydymy sam wachować,
Domy dychnyć Matuli,
Nie musi w nocy stować
Dyć mo na straży Króli.

Z kolyndy naszyj płynie,
pjykno, krolewsko płynta:
Czuwejcie przi Dziecinie
To bydom Boskie Świynta".

[tomek1950]

Bodziu, jesteś niezrównany z tą ŚLĄSKĄ gadką.

[bodzio_g]

Ślonsko zima.



Na tym naszym gryfnym Ślonsku,
jak my jeszcze byli mali,
cołki rok - i tyż bez zima,
bajtle po placu lotali.

Po szkole do dom lecieli -
ło niczym innym niy myśleli,
w doma sie gibko przeblykali,
szlynzuchy na szłapy łobuwali,
na plac wyłazili - po cichu rzykali,
coby ich łojce do dom niy wołali.

Myńsze bajtle szlynzuchy rzymiyniym zapinali,
wiynksze do szczewika kluczym przikryncali,
potym sie klojzdało,
tam kaj sie yno dało -
po zamarzniyntym basynie, stowie, jeziorze,
klojzdali te ślonske szkolorze.


Figurówki mjeli dziołchy, hokejówy chopcy,
znali sie wszyjscy – żodyn niy był łobcy,
brali swoje hokejkryki, torman hokejfela,
we hokeja grali beztydziyń i we niydziela.

Na placach klojzdówki robiyli,
we szułach wartko po nich jeździyli,
na sankach sie woziyli -
żodnego bergu niy łopuściyli,

na nartach sjyżdżali, na dechach skokali -
(ino na nich, tak jak dzisioj niy lotali),
bałwana lepiyli, kulkami sie ciepali -
sztyjc moc szpasu mjeli – nudy niy znali.


dzisioj cołkym inno zima momy,
śniygu po leku niy znomy,
kedyś zima srogo była - łod dzisiyjszyj lepszo,
mróz trzimoł i śniyg leżoł - łod listopada, aż do kwietnio.


Choć wiym, że to niymożliwe –
Wy możecie mi wierzyć,
jako zima za bajtla - na Ślonsku -
chciołbych jeszcze roz przeżyć.


autor - Andy.

[tomek1950]

Łoj przeżyć,,, I być znów młodym....

[jamles]

a jo hokejówów nie mioł nigdy ino szlyynzuchy na "kieliszki"
terozki to już ino ....kieliszki

[bodzio_g]

a jo hokejówów nie mioł nigdy ino szlyynzuchy na "kieliszki"
terozki to już ino ....kieliszki

jo tyż tak teroski mom ...

[bodzio_g]

Ożarty Nowy Rok

Jedyn roz we Silwestra
Trefiyły sie dwa kamraty,
Bezto potym Nowy Rok
Boł rano ożarty.

Trocha mu sie w taszy
Kalyndorz rozsypoł,
A było go gańba
Bezto sie niy spytoł,

Jak razym pozbiyrać
Mo ta układanka,
No i teraz momy
Tako niespodzianka.

Na poczontku stycznia
Je pojstrzodek lata,
Potym bydzie wrzesiyń,
Grziby bydom w lasach.

A po wrześniu marzec
I poł metra śniega.
Tak to go urzondzioł
Stary Rok - kolega.

Mom do ciebie prośba,
Roku ty nasz Nowy:
Na drugi roz pij toast
Bezalkoholowy.


autor - Fojerman

[bodzio_g]

Dlo puszystych i przi karnawale

W rozmiarze XXL


Mosz ciała trocha za dużo?
Toż to z uśmiychym wszystko bier.
Wiysz jaki fajne je życi,
taki w rozmiarze XXL.

Jak zima trocha na dworze,
to cie mo przeca co grzoć,
a jak sie kto przituli,
to tyż je czymu przoć.

Toż nie myśl yno o tym,
czy zaś do galot wleza,
yno se pojydz, wypij
jak idziesz na impreza.

Weż klusek pełny talyrz,
przi stole rzondź i dziel,
piwa do kufla nalyj
i żyj w rozmiarze XXL.

autor - Fojerman

[frosch]

bodzio
czyzbys jeszcze nie wyczezwiol lod Sylwestra ???
a s tym rozmiarym to jakos aluzja do mie ???
ty pierunie !!!!

[bodzio_g]

bodzio
czyzbys jeszcze nie wyczezwiol lod Sylwestra ???
a s tym rozmiarym to jakos aluzja do mie ???
ty pierunie !!!!

Frosiu - to było o mnie ...
na szczynscie już mi sie impry pokończyły bo by mi bebech rozerwało
teroski ino dieta ŻP i airobik przy zmywaku w kk mi łostoł

[frosch]

pouzywej sie jeszcze w karnewale
potym mozesz poscic

[bodzio_g]

Naszo klasa.pl

Łostatni krzyk mody ...
wszyjscy wkto ino może, loguje sie na naszo-klasa.pl, to jo tyż sie zaregistrowoł.
Długo żech mysloł do jaki żech szkoły jo chodził i czy w ogóle żech cóś skończył , nale na koniec znodłech jedna na wtóro żech nie ciepoł kamiyniami.
Fajno rzecz ta naszo klasa - możno sie dowiedzieć jak kto sie wyszkolił i kim potym zostoł . Nauczyciel łostoł górnikiem, masorz - masażystom, ministrant - ministrem, kelner - budowlańcym ( podaj kielnie...), rolnik - informatykiem, a inżynier obsługuje ... zmywarka itp itd. Wkto wyłysioł , wkto schudł, wkto jako chałpa postawił , wkto kaj na wczasach był... Fajnie jest ale za mało , trza by jeszcze dorobić nasze-przedszkole.pl, nasze-kolonie.pl , nasze-wczasy.com.pl, chopom - nasze-wojsko.com, babom - naszo-porodówka.com , a starzikom - nasze-sanatorium.pl
Jo zaś założa se portala nie naszo-klasa ino ...naszo-kasa.pl . Styknie ino w rejestracji podac imie nazwisko, numer konta w jakim banku , kody PIN. Na galerii wklejcie ino wzory podpisów i jako mocie chałpa, a na forach styknie napisać, wkiedy wyjyżdżocie na wczasy. Jo i moi "moderatorzy " zaopiekujom sie o " bezpieczeństwo " waszych dóbr i danych. Rejestracjo jest ...bezpłatno

[tomek1950]

Bodziu, jesteś mi winien płyn do czyszczenia ekranu laptopa.

[frosch]

tomek , pozycz mi trocha tego plyna