dostępne w wersji mobilnej muratordom.pl na Facebooku muratordom.pl na Google+
Strona 2 z 31
Pokaż wyniki od 21 do 40 z 619
  1. #21
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Na plantach

    Dwa starzyki sie trefili,
    Opa Ewald, opa Willi.
    Jedyn ślepy, drugi głuchy,
    Mają opy jeszcze ruchy.

    Dwa kumpliki łosprawiali,
    Jak to kiedyś w bala grali,
    Za dziołchami sie łoglądali.

    Potym my sie łożynili,
    Opowiado dali Willi.
    Kawalerka sie skończyła,
    Potym wojna zaro była.

    Po wojnie niy było roboty,
    Naprawiali my klamoty.
    Dwóch bajtli żech zmajstrowoł,
    Na ludzi żech ich wyrychtowoł.

    Godo ślepy do głuchego,
    Jak zaś kiej sie trefiymy,
    To sie piwka napijymy,
    A tyn głuchy do ślepego,
    Niy zapomna moi kryki,
    I ... rozeszli sie starzyki.
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  2. #22

    Domyślnie

    Bodzio - świetno stronka, ale sie uśmiołach. A trafiłach przez przypadek
    Pozdrowiom i trzimia kciuki za kolejne wpisy
    Kasia
    Kasia

  3. #23
    OLIMP FORUM - oświecona góra rankingu... NAJLEPSZY DORADCA NA TYM FORUM!!! Avatar Wowka
    Zarejestrowany
    Mar 2002
    Posty
    5.890

    Domyślnie

    Sztartnij tukej śląskie windows XP

    abo, dali nechste łokna wersja98

    Trocha to trwo bo u inkszych mamlasów na gombjuterze to jest.
    Knefel "Page Down" trza sztartnąć abo na szybe klupać.

    Pyrsk ludkowie
    Zbudowałem..... mieszkam.... czas odpocząć... co też i jak widzicie czynię

  4. #24
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Murzinek Bambo

    W Africe miyszko Bambo, Murzinek,
    Blank czorny, mały lokaty synek.
    Czorno mo matka, łojca czornego,
    Ujka i ciotka, dziadka i ... kozdego.
    Mo piykno chałpa - by ją zbudować
    trza mieć patyki, deski i trowa.
    Bo przeca lepszyj chałpy nie trzeba
    Jak sie rok caly hyc leje z nieba.
    Bestoż to sagie są Afrykony
    I mało kery je łobleczony.
    Bestoż fest dużo se uszporują
    Bo czopek, mantli...nic niy kupują.

    Bambo Murzinek to mądry synek....
    I niy mo w szkole samych jedynek.
    Bo sie mądrości wkłodo do gowy
    W swyj afrykońskij szkole ze trowy.
    W szkole tyj niy ma ławek, tablicy
    I gimnastycznyj sali - by ćwiczyć.
    Tam wszyscy afrykońscy szkolorze
    Mają sie od nos troszyczka gorzyj,
    Bo brak im heftów, taszy z książkami,
    Bestoż po piosku piszą palcami.
    Lecz skuli tego tyż fajnie mają,
    Bo im nic do dom niy zadowają!

    Jak już Murzinki w szkole głód mają
    To przerwa robią i se śniodają.
    Ale niy mają tasz ze sznitami,
    Ani sklepiku ze kołoczkami.
    Głodny Murzinek se w las zaleci,
    By se na drzewie fest pomaszkecić.
    Może se urwać figi, daktyle
    Lub po banany na drzewo wylyźć.
    A jak go suszy to zamiast Coli
    Na fest sie wielko palma wgramoli,
    Kaj sie napije bardzo zdrowego,
    Mlyczka z łorzecha kokosowego.

    My tu na Śląsku, czy tam daleko,
    Za siódmom górą, za siódmom rzeką...
    Mieszkają ludzie - kożdy w swym domu
    I to niy wadzi przeca nikomu,
    Że jedyn jy kołocz a inny daktyle.
    Porozmyślej o tym choćby przez chwilę!
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  5. #25
    REKORDZISTA FORUM (10 tysięcy postów!) GRYFNY KARLUSFORUMOWICZ WIELKI SERCEM Avatar jamles
    Zarejestrowany
    Nov 2002
    Posty
    18.833

    Domyślnie

    Wejrzynie na żywot łod zadku !

    Zaczyno sie łod tego, że poru chopów przinosi Cie we srogij krzini i zaroski trefiosz na łoblywanie skorki. Prowadzisz spokojny żywot staroszka i stajesz sie coroz to modszy. Keregoś tam raza dostajesz łodprawa i idziesz do roboty. Mynczysz sie kole sztyrdziyści rokow i poznowosz radocha życio. Zaczynosz pić coroz to wiyncyj gorzołeczki, coroz to fescij imprezujesz i tyż coroz to dukszyj i gynścij sie kochosz. Kej Ci to już idzie cołkiym dobrze, zaczynosz sztudyjerować. Potym zdowosz matura i bez dukszy czos mynczysz sie we szuli. Przeżywosz piyrsze łodwzajymnione miłowanie we coroz to modszych frelkach. Zaczynosz łazić do Powszechnyj i niy spuszczosz ślypiow ze szykownych rechtorek. Coroz to mynij łod Ciebie chcom i mosz dużo czasu na roztomajte graczki ze inkszymi bajtlami. Robisz sie coroz myńszy, aże trefiosz do.......hmm , kaj bez dziewiynć miesionczków sie bulosz i nojbarzij koji Cie klekot mutrowego serca. Zasik potym nogle......., Twoji życie kończysz na łorgaźmie.

  6. #26
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Jamles -

    ( nie pamiyntom tytułu)

    Jak żech chodził do kowola
    Ucyli mnie dymać
    Kowol chodził do kowolki
    Jo musioł im trzimać

    Bo jo se tys musioł
    Bo mi się porusoł
    Ej mości panowie
    Kapelus na gowie

    Jo se tys musiała
    Bo mi się rusała
    Ej mości panowie
    Chustecka na głowie
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  7. #27
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Katowice

    U nos we Katowicach sie wiela zmjynioło i furt cosik nowego sie widzi. Stare domy, co to je jeszcze za Winklerów i Grundmana postawjyli tera pjyknie na nowo łobciepali i dopjyro tera idzie łobejrzeć jak to sie downiyj ludziska starali, to co inkszego jak te nowe graniaste kszynki. A to jakoś gowa przyłonaczono, a to jakisik gzims na łozdoba, abo jake kwjotki ze kamjynia nałobkoło okien. Ludzie stojom, gymby rozdziowiajom, mało co im gybis nie wyleci.

    Tretuary wszyndy wyrychtowane, żodyn nie bydzie jusz kromflekow łomoł. A geszefty momy tysz fajniste, kejby w Hameryce, idzie tak bez cołki dzień łazić i łoglondać.

    A biercie na tyn przykłod tako poczta. Chałpa ta samo, ale jak sie wlezie to aże łocy porazi, som mesing i marmury a wszysko sie blyszczy jak by to wtoś sidolem wypucowoł. Łokiynka tysz gryfne, a wszyndy małe szezlongi ze siwyj skory aże by sie chciało na nich sie kantnonć. Nie chca Wos za błozna robić, ale za pora lot nie poznocie nasze Katowice. Przyjeżdżejcie ludkowie a nie pożałujecie.
    autor : Hyjdla

    Teroski jesce nom rondo rozkopali , i nijak nie idzie jeździć po tych Katowicach kole Spodka. Zwłaszcza gorole łod Sosnowca jak jadom do Chorzowa abo do Piykor. Jak byda jechoł na pielgrzimka chopów do Piykorski Pani to musza bić łod Tychów abo na hołda Załynzsko , abo na Bytków. Na Piykorskim wzgórzu bydzie okazjo niy tylko do modlitwy , ale tyż do spoktanio z kamratami i ...poklachanio. Może stykna sie tyż z kimś łod forum muratora...?
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  8. #28
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Moje Radyjko

    Ino rano wstana,
    odsuna ta firana,
    To widza na winklu,
    jak zasuwo bana.

    Kaj te ludziska sie zaroz z rana śpieszą?
    Jedne sie nerwują, drugie sie zaś cieszą.

    A jo niy mom sie kaj śpieszyć,
    i tyż niy mom sie czym cieszyć.
    Choć jedno mnie raduje,
    i co wiela niy kosztuje.

    To moje radyjko , to moje Radio Piekary,
    dzięka nimu niy czuja się głupi ani stary.
    Ta śląsko muzyczka i śląskie godanie,
    Przy nim niy biere mnie żodne spanie.

    Tu idzie pozdrowić tyż swoja rodzinka,
    Chwyć za telefon w odpowiednio godzinka.

    Jo właśnie słuchom ta melodyjka,
    Któro płynie z mojego radyjka.
    Jakiś raper jom chyba śpiywo,
    i żodyn na niego sie niy gniywo.
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  9. #29
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Ballada o Bieruniu

    Bieruniu , Bieruniu ty stare miasteczko
    Co nad Mleczną leżysz, niesforną rzeczką

    Nad nią się zrodziłeś , ona cię chowała
    Gdy brodem u kopca, kupców przyjmowała

    W narożu przy rynku wzniesiono kościółek
    A przy kościółku tym, dla parafii szkołę

    A mioł Bieruń młodzież chyntną do nauki
    Do wiedzy wszelakiej i do rzemiosł sztuki

    Reszta to już nie pieśń , to rytm powszedni dnia
    Tego co wokół jest, tego co wokół trwa

    Lecz aby mogło trwać niejeden jeszcze wiek
    Musi dlań serce mieć, żyjący tu człowiek

    Muszą przede wszystkim, Bieruń kochać młodzi
    Gdyż z ich pracy i serc, przyszłość tu się zrodzi

    A może Bieruń być, być pewien jednego
    Że nie zabraknie serc, bijących dla niego

    Bieruniu, Bieruniu ty stare miasteczko
    Co nad Mleczną leżysz, niesforną rzeczką
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  10. #30
    REKORDZISTA FORUM (10 tysięcy postów!) GRYFNY KARLUSFORUMOWICZ WIELKI SERCEM Avatar jamles
    Zarejestrowany
    Nov 2002
    Posty
    18.833

    Domyślnie

    Tak jakosik na podzim spichnołech sie ze mojim kamratym ze hilfki, kiery – jak to u nos bele ciarach we Polsce – łapnoł fara bez przociela na urzyndzie.
    – Pyrsk Hanys. A dyć jo cie cheba juń rok niy widzioł.
    – Ano, Ojgyn. Fyrma kaj razinku robia machluje telkie ałsflugi bele kaj, coby my sie bździnka luftli i wszyjskie do kupy skamraciyli. To ci sie tak sztudiyrowanie mianuje: „fachmańsko integracyjo”. Latoś to ci nos wykludziyli na gon do Afriki.
    – Niy godej Hanys. Padosz na gon do Afriki? I tyś tyż boł za jegra we tyj Africe? No, toż łozprawiej.
    – Co tam zadoś godać? Kiej my już hań do tyj Afriki przifurgli, legli my z rańca na tyj Zaharze we telkij dupnyj przikopie i wachujymy kiej tyż to jakosik gadzina sie pokoże. Naroz gawca. Antilopa. Jo gywera do slypiow, prasknołech, antilopa szkopyrt i jo jom do miecha.
    Niy zetrwało poł godziny melo tiger. Jo flinta do slypia, prasknołech dwa razy, tiger majtnoł yntka i jo go zaś do miecha. Anich sie niy pozdoł a tu gawca: pyndaluje elefant. Na doczkaniu gywera ku niymu, prasknołech ze łobuch rułow łoroz ...
    – Hanys, niy bydź przepadzity. Kiej wrajzisz tego elefanta do miecha to niy szczimia i chlastna cie bez pysk.
    Łon ani niy myrgnoł ino godo dalszij:
    – No, jo jak niy praskna ze tyj mojij tuplowanyj ruły. I dej se pozor ... niy trefiołech ci tego gizda.

  11. #31
    REKORDZISTA FORUM (10 tysięcy postów!) DOBRY DUSZEK FORUM...ŻÓŁTA KARTKA!!!!KOMTUR MAZURSKI - napisał "Wrócę"...FORUMOWY MISTRZ PIÓRANAJPOŻYTECZNIEJSZY FORUMOWICZ od ZAWSZEFORUMOWA DOBRA DUSZA I POMOCNA DŁOŃUŚMIECH FORUMFORUMOWICZ WIELKI SERCEM Avatar tomek1950
    Zarejestrowany
    Jul 2002
    Posty
    14.233
    Wpisy w Dziennikach Budowy
    247

    Domyślnie

    Bodziu suuuuuuuuuuuuuuuuper

  12. #32
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Tomek - dzięki
    Widza , że warszowioki to ... wazelinioże
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  13. #33
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Mioł szcęsci

    Stary niedoba wybiyroł sie na pogrzeb sómsioda. Niż jesce z dómu wyszeł staro mu prawi tak. Dej se pozór, obyś wczas prziszeł a niy kaj o 2 w nocy. Mosz fajny czorny ancug, abyś go w gospodzie niy łobloł jakom gorzałkom. Aha ! Dzisio byda schody sztrajchować, tak dej pozór , obyś mi ich niy zaszmatloł. Przed dziesiątą mosz być w doma, bo sie chytom roboty.
    -Nic niy bój - byda dzisio wczas w dómu. Jednak chop to chop. Prziszoł do dom o drugi , poczuł farba i wspómnioł se , że ślubno miała te schody sztrajchować. Aby ich niy zababrać, okrocył poryncz i wio na góra. Jak już był na wierchu, to mu kryka spadła na dół. Wio zaś na dól po niom i drugi roz sie winduje na porynczy na wierch. Prośnie mu to szło, pot sie loł z czoła, wyciongnoł śnuptychla z kapsy, a tu bęc – kluc mu wypod na dół. Musioł sie zaś na dół spuszczać i zaś wio na wierch. W końcu łotworził dźwiyrze , po cichu wloz do izby, ale baba sie zaroz łobudziła i pado.
    - No pyknieś to prziszeł. Myślisz co jo niy wiym , że som dwie? Dyć teraziunko wybił zygor. No , ale mosz szczynście, żech dzisio tych schodów niy sztrajchowała , ino…. samom poryncz.
    Skrót z: St. Ligoń – „Bery i bojki śląskie”
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  14. #34
    REKORDZISTA FORUM (10 tysięcy postów!) DOBRY DUSZEK FORUM...ŻÓŁTA KARTKA!!!!KOMTUR MAZURSKI - napisał "Wrócę"...FORUMOWY MISTRZ PIÓRANAJPOŻYTECZNIEJSZY FORUMOWICZ od ZAWSZEFORUMOWA DOBRA DUSZA I POMOCNA DŁOŃUŚMIECH FORUMFORUMOWICZ WIELKI SERCEM Avatar tomek1950
    Zarejestrowany
    Jul 2002
    Posty
    14.233
    Wpisy w Dziennikach Budowy
    247

    Domyślnie

    Cytat Napisał bodzio_g
    Tomek - dzięki
    Widza , że warszowioki to ... wazelinioże
    Bodziu, parę lat przepracowałem w serwisie maszyn górniczych. Niejedną szychtę na dole jako dolnik, szkoląc operatorów, lub robiąc przegląd. Nie raz miałem kłopoty językowe.
    A możesz coś o Masztalskich?

  15. #35
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Tomek - wice o Masztalskich majom długo broda no i to nie tukej ino w "dowcipach", ale może cóś wynokwie kiej indzi

    Ło dobrym wychowaniu –pora słówek (lo chopów)

    Jak ino wstaniesz z łóżka , zarozki sie umyj, nojlepiyj mydłym wszycko jedno jakim , bele mydłym. Nie zapomnij umyć se karku i uszów. Pazurów nie łobgryzej, bo mosz do tego nożycki. Buty se opucuj, łoblecynie tyż. Koszula zawsze miej cysto i niy zapominaj o śnuptychli. Przi stole używej właściwych narzyńdzi do jodła. Widołkom nie dubej we zymbach ani nie dropej sie po gowie. Wykalackami nie kopej w uszach, bo mógłbyś skaleczyć se bębenki. Noża nie bier nigdy do gamby, a serwetki niy wiąż naokoło karku, cheba, że powiysz, że niy chces sie pokidać. Wszyscy sie bydom śmioć , żeś jest łoryginalny, a ty doprowdy sie nie pokidosz. .Przi jodle nie mlaskej, by nie podzieli że skończysz w szlacht hauzie. Po jedzeniu piknie dziynkuj za jodło, nawet gdy ci nie za bardzo smakowało. Niy używej obcych wyrazów , kierych znacenio niy rozumiesz, ino godej, jak cie matka i szkoła nauczyła. Nojlepij na tym wyjdziesz i niy zblamirujesz sie. Na powitanie godej dziyń dobry abo Szczyńść Boże, a na łodchodne godej do widzynio abo z PonBóckiym. Niy pierunuj a zwłasca przi babach i przi dzieckach. Niy chepej ani niy puscej bonków przi ludziach, bo powiynkszosz dziura łozonowo. ...

    jak wom sie podobo to ... cdn.
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  16. #36
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    - Na trasie swego spaceru po Katowicach Gierek spotyka małego Ecika.
    - Sekretarz urzeczony swoimi sukcesami pyta:
    - Czy wiesz, kim jestem ?
    - Nie wiym - odpowiado maluch.
    - A masz rowerek?
    - Mom.
    - Dzięki mnie masz rowerek. A telewizor kolorowy masz w domu ?
    - Mom.
    - Widzisz , to dzięki mnie go masz. A tatuś ma samochód ?
    - Mo
    - Widzisz , to również dzięki mnie .Więc już chyba wiesz kim jestem ?
    - Ecik patrzy uważnie na Gierka , a następnie zwraca rozpromienionom
    twarz w kierunku domu i woło:
    - Mama ! Tata ! Ujek Hubert z Niemiec przyjechoł !............
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  17. #37
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    Ło dobrym wychowaniu - pora słówek - dalszy ciąg

    Do gorzołki i do cygaret powinieneś mieć łosiymnoście lot, a nojlepij to wcale, bo Ci puca i wątroba zgnije a o podmianka jest ciynżko .Z frelkami tyż nie kombinuj za wiela i zawczasu , bo Cie wyrychtujom na glanc. Jak już wtoro ci sie spodobo na zicher, to sie łożyń, bo po co mosz mieć lepiyj odemnie. Chałpa zbuduj se nowo, cobyś niy musioł ze świekrą sie wadzić. Cytej dużo muratora i słuchej sie starszych , ale rób jak uważosz ( ino uważej jak robisz). Na forum pisuj konkretnie, a nie pierdoły na przikłod ło fansolyniu. Jak mosz baba abo i dziecka, to niy zolyć na forach, bo potym niy bydzies miyszkoł w nowyj chaupie ino kaś pod mostym. Pszoj swoi babie i chowej dziecka na ludzi, a niy na chachorów, tak coby na starość mioł wto ci pampersy zmiyniać i łobiod podać. Żyj tak, cobyś niy musioł sie potym wstydzić przed familiją, jak już bydziesz starzikiem.
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  18. #38
    REKORDZISTA FORUM (10 tysięcy postów!) GRYFNY KARLUSFORUMOWICZ WIELKI SERCEM Avatar jamles
    Zarejestrowany
    Nov 2002
    Posty
    18.833

    Domyślnie

    Chłop i baba przyszli do nieba, on 104 lot łona 102. On prawi do swojej. Aj jak tu pjyknie i zdrowo i cudownie. Łona potakuje. Łon zaś prawi, widzisz kejby nie te wszyjstkie dochtory i Twoje czosnkowe kuracje to my tu mogli już być sztyrydzieści lot rychlij.

  19. #39
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    ptasi weseli

    chcioł sie żyniyć wróbel roz i tak ptoszków wiele
    a pon orzeł jako król, sprawił im wesele

    kuropatwy dziywki te za zone im dane
    do pona krogulca w las zostały posłane

    krogulec jim dowoł ślub , jastrząb stoł z kadzidlym
    gołąbeczek prosty chłop , za nimi z kropidłym

    kosy zaśpiywały z nut , słowiki z gardzieli
    w skrzypkach pękło siedym stron , grać na czym niy mieli

    gysi wprzód zaczyny tan, kaczki niy umiały
    lecz sie potym w jedyn zgiełk , wroz rozklekotały

    sowy nawarzyły krup , sroki do nich wpadły
    zanim nadszedł kuchorz kruk , wszystki krupy zjadły

    to weseli wróbel mioł , staro powieść niesie
    ptocy sie cieszyli tak , aż huczało w lesie
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

  20. #40
    Lider FORUM (min. 2800) "ŚLONSKI GAWĘDZIARZ" Avatar bodzio_g
    Zarejestrowany
    Jun 2004
    Skąd
    Bieruń
    Posty
    3.984

    Domyślnie

    NA LIPĘ

    W hyc pod moimi liściami dychnąć se możesz.
    Prosza, siednij se tukej, witom cie: Szczynść Boże!
    Bo choć słoneczko gynał ze nieba blynduje,
    To sie na moich liściach ukrop tyn sztopuje.
    Tukej dycki fajnisty wiaterek zawiywo,
    A we liściach szpok abo słowik piyknie śpiywo.
    Powoniej tyż moje kwiotki. To z nich spijają
    Pszczoły, kere potym złociutki miód dowają.
    Legnij se tu ku mie! Niych listek mój opowiy
    Ci jako bojka, cobyś lepij społ na zdrowie.
    Widzisz tera, wiela poradza dać uciechy,
    Choć niy rosną na mie jabka ani łorzechy.
    tukej możesz se poczytać i cóś szrajbnońć
    lepiej mieć brzuch od piwa niż garb od roboty

Strona 2 z 31

Tagi dla tego tematu

Zwiń / Rozwiń Uprawnienia

  • Nie możesz zakładać nowych tematów
  • Nie możesz pisać wiadomości
  • Nie możesz dodawać załączników
  • Nie możesz edytować swoich postów
  •  
  • BB Code jest aktywny(e)
  • Emotikonyaktywny(e)
  • [IMG] kod jest aktywny(e)
  • [VIDEO] code is aktywny(e)
  • HTML kod jest wyłączony